موضوع: حبل مش سلسله حديد الإثنين 26 أبريل 2010, 11:54 am
· حبل مش سلسله حديد !!!!!!!!!!!!!!!!!؟
كان في زارع الزارع ده زرع حبه والحبه كبرت وبقيت شجره كبيرة...... وكان في الشجرة ثمار كتير ومنهم ثمره كانت فى منتهى الجمال أعجب بيها زارع تانى وقرر انه يمتلكها فرحت الثمره جدا وقالت اكيييد هياكلنى لانى انا مخلوقه علشان امتع الناس بطعمى وفعلا اخدها الزارع التانى وبصت لقيته بياخدها على شجره مورقه لكن مافهاش ثمار قال انا هحط الثمره دى على الشجره بتاعتى اللى مفهاش ثمار علشان تزوقها حست الثمره ان ده مش مكانها لكن قالت كويس اهو على الاقل لو مش بمتع الناس بطعمى اديهم يتمتعوا بشكلى على الشجرة. اتفاجئت الثمرة إن الزارع التانى اللى اخدها بيربطها جااامد اوى بحبل قوووى جدا وربطها فى الشجره علشان تحلى شكل شجرته وربط الحبل فى غصن فى الشجره اللى مافهاش ثمار فرحت الثمره لانها ليها دور قالت ادينى مزوقه الشجره لكن كانت كل يوم بتدل لان مافيش حد كلها ومافيش حد يزرعها بدأت تدبل. اعتادت الثمرة على الوضع دا حست انها حابه مكانها وفى نفس الوقت مش قابله حياتها كده ولكنها حاسة إن ليها دور فى الشجره اللى مافهاش ثمار مرت الايام كل يوم الشمس تطلع وتمشى وتمر الايام والشهور وكل حاجه زى ماهى وفكر الثمره عن نفسها هو هو ولكنها بدات تذبل وشكلها يبوظ مع الوقت. كانت لما الشمس تطلع تدوب خيط صغير من الحبل الكبير وكل شويه يتقطع خيط من الحبل لغايه ما جه اليوم الى فيه اتقطع الحبل بقيت الثمره بنص من الحبل وعلى الغصن النص التانى من نفس الحبل وقعت الثمره على الارض وفضلت برضه مربوطة بالحبل حست انها اتعودت على الوضع القديم ده وفضلت مرميه والناس تشوفها وكانها مش شايفاها ماحدش عايز ياكلها لانها دبلت . الحبل اللي على الغصن داب أسرع من اللي مربوط في الثمرة لأنه كان اقرب للشمس وبدا الحبل من على الثمرة يدوب . والناس تعدى وتدوس على الثمره حتى شكلها اتغير فقدت طبيعتها اتغيرت بقت مش ثمره بقت حبه ومن الضغط عليها باقدام الناس اتغرست في التربة وكانت بتستنى الميه عشان ترويها والشمس تطلع عشان تنميها و بدأت تكبر الحبة لغاية ما بقيت اكبر وأجمل شجره في البستان كله لان اصلها جميل قدرت تجمل كل حاجه وحشه حتى وهى مش فى مكانها الاول الى اتحطت فيه. وفكرت وقالت انا كنت حاسة إن الفلاح ادانى دور مش دورى لكن كويس انه ربطنى بحبل مش بسلسة من حديد.
موضوع: رد: حبل مش سلسله حديد الجمعة 28 مايو 2010, 9:28 am
بجد نورتينى دلوعه بطلتك على موضوعى وتشريفك ليا شكرآ على ردودك وعلى المرور الجميل والمجهو الاجمل فى الرد على الموضوعات والاهتمام بيها اخوكى جووووووووووو
موضوع: حبل مش سلسله حديد 
الإثنين 26 أبريل 2010, 11:54 am
