لو هشبه ده بمثال
فأبسط مثال يوضح وجهة نظري
دلوقتى فى حد غسل وشه بمايه سخنه فى عز الشتا
وفجأه طلع فى البرد بره
ايه الى هيجراله هيتعب
صح
دلوقتى واحد مثلا الكلام الديني والكلام عن السنه والصحابه والكلام الجميل ده
ده بالنسبه لناس حاجات روحانيه جميله ونفسهم بتبقي سعيده وهم بيتفرجو ويسمعو
وبيكونو مستمتعين
لكن هتجيبي واحد الاغانى علطول فى ودانه
وفجأه يقعد قدام واحد واحد فى التلفيزيون بيعيط وبيبكى من خشيه ربنا
والى بيتفرج ده مش فاهم الشيخ بيقول ايه
اكيد هيقوم
لان نفسه مش مهيئه لسه لكدا
لكن هو يجي واحده واحده
ننصحه الاول
نحببه فى الدين
يكون هو مستنى البرنامج ده علشان يسمعه
علشان يلاقي صدى جواه
يعنى مثلا لو واحده مش محجبه وبشعر ولبسها مش محترم بالمره
وتيجي تكلميها عن الحجاب والميك اب واللبس مره واحده
اكيد هتنفر منك
كلميها عن الصلاه الاول بالهداوه
صح؟
الدين يسر
وبردو فى مشايخ الواحد بيسمعها على التفلزيون
يحس انهم بيتخانقو فى العبد العاصي
ده المفروض ميسمعهوش
عندك الاستاذ مصطفي حسنى
لو حتى ماشيه كدا رايحه تعملى حاجه وسمعتيه بيتكلم هتقفى وتنتبهي لكلامه
ده رايي من ناحية ان حد يسمع شيخ معين
سواء كان بيتكلم بالفصحي او اسلوب معين
لكن اننا نقول شيخ بيقبض او مش عارف عنده علم ايه وكدا
الله اعلم اذا كان بيقبض قد كدا او مبيقبضش او ده شغله
دي حاجه متخصناش ولا لينا نتكلم فيها
عنده علم وعلمه موثوق فيه
وبينصح الناس كويس
يبقي لازم نستفاد بيه
جزاك الله كل خير على طرح الموضوع
__________________
رد متميز
وكلام مظبوط جزاك الله خيرا
انا مشفتش النوع اللي بيخنق العاصي ,والله ما أري منهم الا كل حب وخير .
هذا وجه نظري ,
والله أعلم بوجهه نظر غيري.
لكن انا أنحدث عن المشايخ صغارا وكبارا
ولماذا ذكرت أخي نموذج واحد ,انا أعد الاستاذ مصطفي حسني والاستاذ عمرو خالد ,مصلحين اجتماعيين ,وليسوا شيوخا .
لما أري في ذلك من عرض بعضهم في وسط كلامهم الخير بعض الاحاديث الضعيفة ,أو بعض الاقوال غير الثابتة ,
انا علي مبدأ نأخد من أي مصلح أو داعية أو شيخ ما نريد من خير ,وندع ما لا يعجبنا من القول .
كما ذكرت السبئ من المشايخ المتشددين ,الذين لم أرهم علي الفضائيات المعروفة حالا ,كالرحمة والناس
عذرا تطرقت عن الحديث في موضوع غير ذات صلة بالموضوع الاصلي
وولو كنت أريد ذكر أسماءا لشيوخ لكان في الصدارة فضيلة الشيخ محمد حسان ,والشيخ سالم ,والشيخ محمد حسين يعقوب ,والشيخ الشاب عبد الرحمن الصاوي ,والشيخ الشاب محمد الصاوي ,والشيخ الشاب أحمد جلال
الشيخ هاني .
هؤلاء الشيوخ الشبان يتحدثون بطريقة رائعة ,والله تجذب العاصي بطريقة غير عادية ,وتجذب الشباب,ويتحدثون في مواضضيع شبابية روعة
وللشيخ محمد الصاوي
اسطوانتان , حلقات كاملة لبرنامج تبض الشباب ,باسلوب أرق من المعازق ,والين من الحرير,واعذب من الماء علي الظمأن
عل كل حال
جزاك الله خيرا للمشاركة الطيبة
والله أسأل ان يتوب علينا جميعا,ويهدينا لكل ما يرضي به عنا
__________________