جسم المرأة له عدة أشكال أشهرها شكل الكمثرى والتفاحة الشكل الكمثري هو لما تتجمع الدهون ( السيلولايت ) بالجزء السفلي فـ بالتالي يكون أكبر من الجزء العلوي أما التفاحة فهو العكس ، زي ماهو واضح بالصورة
بهذا الموضوع بنحاول نحافظ على التناسق بين الجزئين العلوي والسفلي لأن في حالة الإهمال أو الكبر في السن يكون في إختلاف واضح بين الجزئين
نصائح هامة جداً : * إذا حابة المنطقة تنحف بسرعة لازم تخففين أكلك .. كٌلي بشكل صحي ولاتسوين رجيم قاسي لأنك مع الرياضة بتجوعين * التحمية قبل الرياضة مهمة جداً جداً ، يفضل تمشين من 5 إلى 10 دقائق عشان تخلين عضلاتك تستعد للتمارين * التمارين لا تكون يومية لازم تخلين العضلات ترتاح ، يفضل 3 مرات بالأسبوع *إبدئي بداية بسيطة مثلاً كرري التمرين 20 مرة لكل رجل وكل إسبوع زيدي شوي شوي على حسب تحمل جسمك * بعد التمارين الأساسية يفضل تسوين تمارين إطالة عشان عضلاتك ترتاح ، تقدرين تكتفين بـ 3 دقائق .. مـثال
عضلات الفخ الداخلية | أكثر الأشخاص عندهم مشكلة بهذه المنطقة النساء والرجال ، هذه المنطقة المفروض تكون مشدودة وما تتلاصق زي الفنانات و عارضات الأزياء
التمارين : 1 | 2 | 3 | 4 | 5 بالنسبة لتمرين 3 و 4 إستخدمي شراب طويل ( تايت ) بيعطي نفس النتيجة
عضلات الفخذ الأمامية | هذه المنطقة ما تبان فيها الدهون بسهولة وإذا طلعت تكون خفيفة
التمارين : 1 | 2 بالنسبة لتمرين 2 في طريق أسهل : بعد ما ترفعين فخذك أثبتي لمده 10 ثواني ونزلي ونفس الطريقة للرجل الثانية
تجاربي مع الآلآت |~
آلـة المساج :
في أنواع كثيرة تختلف بحسب الشركة والشكل أسعارها بين ( 150 إلى 300 ريال سعودي ) هذه الآلة أتعب أقول بطلة خاصة للجوانب و منطقة الفخذ الخلفية طريقتي : إني أنسدح على سجادة أو الصوفا قدام التلفزيون وأمررها على جوانبي كل جانب أعطيه 15 دقيقة بالتناوب ( يعني كل شوي أبدل لجهة )
آلـة أوربت تراك : آلـة الاوربتراك : OrbiTrac
خطيـرة ، تجمع بين السيكل و السير ( الة الجري ) مفيدة للمنطقة السفلية بشكل عام .. لاحظت فعاليتها بالأكتاف ، السيقان وعضلات الفخذ الأمامية سعرها بين 600 و 700 ريال سعودي ، المستعمل بـ 300 ريال طريقتي : أستعملها لما أكون أبي أسمع شريط أو عندي فلمـ/مسلسل فاشل ولازم أشـوفه
ملاحظــات || * التمارين للنساء والرجال * بالبدايــة طبقي التمارين من دون أثقال * لزيـادة مستوى التمرين إستعلمي أثقال خفيفة --> لا تخافين ماراح تسوي عضلات * التمرين طبيقه على يد وحدة بعدد معين وإذا خلصت ِ طبقيه على الثانية