كفاك يا ريس عند واصرار
كفاك ده فى كل حته انتشر الدمار
كفاك خراب وظلم ودم الاحرار
خلتنا فريسه سهله لكل الاشرار
وسيرتنا على كل لسان يتدولوا الاخبار
كفانا عاراك وما اصابنا من اضرار
ياما قولنا على الاصلاح وياما وجهنا الانذار
لحد مفاض بينا وصار الانفجار
انفجار شعب ذاق فى عهدك مر الامرار
خرجت ثورتهم من الصغيرين قبل الكبار
اطفال شباب شيوخ وبداخلهم تشتعل النار
والكل قال احنا فدا مصر ونكون شهدا مع الابرار
ده شعورهم ومشاعر كل وطنى على بلده يغار
فاضلك ايه بعد الفضيحه وفتش الاسرار
ارحل كفايه سيبت لنا اسوء تذكار
بقلم
منـــى الـــــراوى