اســـــكنـدرية ** يامــــدينتى

كنت أقوم بدور في مسرحية (عبد الله النديم )
للمخرج مصطفى عبد الخالق شقيق على عبد الخالق مخرج فيلم العار وكثير من الأفلام
وكانت المسرحية عن كفاح عبد الله النديم وكانت بها إشعار جميلة جداً وايضاً كانت أجواء المسرحية والديكور والملابس لزمن الخديوي جميلة
وخرجت الأشعار معبرة عن زمن الاستعباد بصوت وألحان المبدع الموسيقار حمدي رؤوف (الذي شارك في مسلسل ام كلثوم)
فأحببت جداً العمل وأستهوتنى الأشعار

فكتبت وقتها أبيات تجمع بعض من رموز ومعالم الكفاح بالإسكندرية
أمثال محمد كريم وعبدا لله النديم وسيد درويش والملحن كامل الخلعى وسيف وانلى رسام الإسكندرية الأول

فكانت
اسكندرية يا مدينتى




اسكندرية يامدينتى

إســــــــــكندرية يامـدينتى ياأهلى وناسـي وسفينتي
لو غبت عنك ورحت بعيد اشتقلك والله في غربتى
واحــس ان مفيـش جــديد فى حياتى ولا فى دنيتى

يا اسكندرية * يا اسكندرية

*-*-*-*-*-*-*-*-*-*


فيكى المرسى ابو العباس فيكى ناس كلها احساس
و على شطك تلاقى الناس الـوان من كـل الاجناس

يا إسكندرية * يا إسكندرية

يا مدينـــة يا غاليـــة في قلوبنـا باقيـة
ياام السما الصافية بأولادك عاليـــــة

اسكندر بناكى وابنك حماكى
ربنــا حلاكـى بالبحر هداكى

يا اسكندرية يامدينتى
يااهلى وناسى وسفنتى

*-*-*-*-*-*-*-*-*-*

هيلا هيلا وهيلا وهيلا هيلا
ادى مدينتنــــا الحليــــــــــوة
فى عيــــــدها ح نعمـل هليلة
ادى سقفــــة ونغمـة وغنيـوة
-----

عـايــزالك صــــورة ...... والله يامحـروســة

من المكس للمعمورة ...... على شطك سنيورة

والمتحـف الررومـــانى ..... ياعروسة بتــلالـى

وعمــــود الســوارى ..... وابـو الـدرداء الغالى

------------
وابو قير و العمرية ..... وبحــرى والمنشيـة
ومناطــق شعبيــــة ..... فيكـى يا اسـكندرية

يا اسكندرية يامدينتى
يااهلى وناسى وسفنتى


يامدينـــة عظيمة ----- بتاريخــــــك أصيلة
افتحــــي الجريدة ----- على صفحة جديدة
يااسكندرية

جات الحملـــــة الفرنسية ----- و بأسطولها هاجمت اسكندرية
الجوامع اذنت حـى علـى الفـلاح
وكل افراد الشعب حملو السلاح
اهالى شجعــان والله فى الكفــاح

مــن الاســـــوار مــن الابــراج الكـل بيـــــدافع
لاجــــل النهار قامــو الاحرار حملوالمدافع
الزخيرة خلاص ودخلـوا خلاص جوه الشوارع
وفــى قلعـــة قايتبـــاى وباخــلاص كـريم دافـع
.......
وفضـــل يقاومــهم بعــد ماسبــــوه
و لما عرفوا قبضوا عليه وحاكموه
الفــديـــة ولا المــــــوت خيـــــــروه
قال الموت بأيـــد ربــى فعـدمـــــوه
افخر بيك فى حمل ســـــــلاحك
افخـر باللـى شـاركوك كفاحك

محمــد كريــم ياابن مدينتى
يا ابن اسكندرية سفينتى

*-*-*-*-*-*-*-*-*-*

يامدينـــة عظيمة ----- بتاريخــــــك اصيلة
افتحـــى الجريدة ----- على صفحة جديدة
يااسكندرية

------------

من وسط ميادينك في ميدان المنشية
أتولـــد فيــك خطيـب الثـورة العرابيـة
كـــان بركـان وانفجـر ينـادى بالحريـة
عبـد اللـه النديـم ابنـك يا اسكنـــــــدرية
لف القــرى والمـدن يقـول لا عبـوديـة
.............
اتحــــدى الخـــــديوى بمقـــــالاتـه
ســــــخر من الاعيان فى اشـــعاره
وهــرب من تنــفيذ حـكم اعـــــدامه
وفى الخفا برضه اتحداهم ولا همه
وابنــك يا اســـكندرية حارب بقلمه
بمقالاته .... واشعاره .... وازجاله
بـــطل وعـــاش غــريب فـى بــلده


افخربيك ياابن المنشية
افخر بيك وبالأسكندرية
ياسكندرية
*-*-*-*-*-*-*-*-*-*


يامدينـــة عظيمة ----- بتاريخــــــك أصيلة
افتحــــي الجريدة ----- على صفحة جديدة
يااسكندرية


كوم الدكة ولياليها الحلوة
وابنها اللـى اصبـح غنــوة

شيـــخ سيد ظـهر ...... وظهر نشيد بـلادى
واصبـح زى القمر ...... فى سماكى بيـلالى
وغنى لورق الشجر ......عظيم زى حجازى
كـان يحلـى الســهر ...... لمـا يقـول ياهــادى
--------
وقـوم يامصـرى و انا المصرى نادانـى

نبـــغة فـى التلـحين غنــى للشــغالين
عاش مع الفلاحين والعمال الشقيانين
--------
ياحلاوة سالمة ياسلامة
واقـراء ياسـى قفــاعـة
والاستعراضات والطقطيق والابريت
ويا شـــادى الالحـــان وانـا هـويـــت
--------
عبقــرية مــن مديتنتى
با الحانه نهضت بـلدى


افـخربيـك ياابــن الحــتة
افخر بيك وبكوم الدكة
ياسكندرية
*-*-*-*-*-*-*-*-*-*

سيف وانلى بلوحه ابدعك
والخلعــى بالحـانه امتعــك


يا اسكندرية يامدينتى
يااهلى وناسى وسفنتى

اكتفى بهذا القدر لربما تكون مملة

العزيزة
موناليزا
شكرا عزيزتى على كلماتك الرقيقة
ومتابعتك الجيدة
مع تحياتى

الاخت الفاضلة
lamys
شكرا جزيلاً
على رقى كلماتك
مع تحياتى