موضوع: رد: هل القسوه تقتل الحب؟؟ الثلاثاء 14 فبراير 2012, 8:09 pm
هو اولا القسوه ممكن تقتل كل شي مش الحب بس بس لو كان فيه حب فعلا بين الطرفين هيكون اساسه الود والاحترام بس فيه فرق بين الخناق العادي بين اي اتنين وعتاب وخصام وبين القسوه لان اي اتنين ممكن يتخنقوه ويتصالحوه عادي اعتقد لو فيه حب بجد مش هيبقا فيه القسوه الللي بتجرح وتضيع معالم الحب وبالنسبه لموضوع الكرامه انا بعتبر كرامتي من كرامه اللي بحبه يعني هو هيحافظ علي كرامتي قبل ما انا احافظ عليها لاننا واحد وفيه تنازل بين المحبين ولكن لا تفقد الكرامه بمعني لوحدث خلاف بينا التنازل في اننا نسمع بعض وتتناقش مش كل واحد فينا يقول كرامتي بقت حرب مش حب اهم شي هو الاختيار الصح من البدايه اهنئك لميس على هذا الطرح الرآقــي للموضوع .., وتقبلي وافر تقديري واحترامي
موضوع: رد: هل القسوه تقتل الحب؟؟ الثلاثاء 14 فبراير 2012, 8:27 pm
اكره القسوة وبشده ... استطيع التعامل فى الحياة مع اى انسان الا الانسان القاسى ... فما بالك اذا كانت القسوة من الحبيب ... ما بالك اذا قربتى شخصا اليكى ... جعلتيه حياتك ... وهو يعلم جيداا مكانته لديك ... ولكن ... بعض الناس حينما يعلمون بحبنا لهم يتلذذون بتعذبينا ... قد ياتى الانسان على نفسه ... يسامح تارة ... ينسى تارة ... يوهم نفسه بانه خطا تارة ... يصمت تارة ويصرخ تارة ... يبكى تارة يضعف تارة وينهزم ويقوى تارة ويعود لينكسر ... لكن ... فى نهاية المطاف لن يكون منه الا الرحيل ونسيان الحب ... عذرا حبيبى لكنى لم اعد احتمل قسوتك ..ولن استطيع الاستمرار ... لم اعد استطيع تصديق ان لدى عندك مكانه عاليه ... فالاقوال الجميله لابد وان تتبعها افعال تؤكد صحتها وصدقها ... لا كلاما حلوا وافعالا تصدم القلب وتوجعه .... بحبك اوى بحبك لدرجة خلت مشاعرك وقلبك قوى ... ومادام مش قريب ومبقتش طيب ... اكيد من عذابى ... اكيد حبى ليك هيقل ... ويوم مااقدر ابعد عنك ... انا هبعد اوووووووووووى ... الرحيل والبعد افضل الحلول واريحها للطرفين ... موضوع المنى لميس ... مشكورة ... ليلى المسلمه
موضوع: رد: هل القسوه تقتل الحب؟؟ الثلاثاء 14 فبراير 2012, 11:41 pm
سلمى
طبعا انا عارفة ان في فرق بين الخناق العادي بين اتنين بس انا هنا بتكلم على القسوة اللي بتبان في كل التصرفات في اوقات بتحصل حاجات بتخرج الشخص عن شعوره وبيسمع حبيبته او اللي بيدعي انه بيحبها ابشع الصفات والكلام بس انا بقول التصرفات دي تخرج من شخص لا يحمل حب اصلا في قلبه وده اكيد حب نهايته فراق وجروح صعب انها تتداوى اما لو كان الشخص ده بيحبها فعلا وبيتعامل معها بالاسلوب ده القسوة وعدم مراعاة شعورها كانها مش انسانة وليها حق في انها تسمع كلمة حلوة منه تسعدها وتنسيها الدنيا وما فيها ده في رائيي بقى انسان عنده نقص في شخصيته دايما بيحاول يعوضها بالقسوة دي اعتقادا منه ان دي الرجولة طبعا القسوة بتقتل الحب بالبطيء بس ممكن القسوة دي تكون ناتجة عن موقف معين حصل من الطرف الاخر ولازم وقتها تتحمل القسوة دي لانا بتبقى على يقين انها تستحقها واكيد مفيش كرامة بين اللي بيحبو بعض لان الحب بيزيل كل الحواجز والعقبات واكيد اللي بيحبني هيخاف على كرامتي لانها من كرامته
موضوع: رد: هل القسوه تقتل الحب؟؟ الأربعاء 15 فبراير 2012, 12:05 am
ليلى
الحب اطهر واسمى العلاقات لذلك لا يوجد قسوة بالحب اما الحبيب اللي بيعذب حبيبته بقسوته اكيد قلبه مش بيحمل حب ليها الحب مثل الزرع بيحتاج اننا نرويه بكلمة حلوة ومشاعر صادقة عشان يكبر مع الايام ويستمر اما القسوة بتقضي على كل حاجة حلوة وممكن الطرف الاخر يتحمل ويتحمل بس اكيد هيجي عليه وقت هيصرخ من كتر الالم من يحملون القسوة في قلوبهم لا يستطيعون استبدالها بالحب والافضل البعد عنهم لانهم لا يستحقون هذا الحب
موضوع: رد: هل القسوه تقتل الحب؟؟ الأربعاء 15 فبراير 2012, 1:50 am
جيمي
الحب احتواء حنان اهتمام مشاعر جميلة يعني القسوة مالهاش مكان وسط الاحاسيس دي و برأيي لو بدأت القسوة و الاهمال خلاص يبدأ الحب بالضعف والانتهاء اصعب احساس في الكون لما تحس بقسوة حبيبك او انه مش بيحس بيك وقتها بتضيع امالك واحلامك معاه وقتها يبقى الفراق اسلم حل للجميع لان العلاقة وقتها ليس لها معنى
موضوع: رد: هل القسوه تقتل الحب؟؟ السبت 18 فبراير 2012, 12:11 am
اولاً انا بشكرك على الموسيقى الروعه دي فعلا بتهدي الأعصاب دائما متألقه يا لميس ................ الحب والقسوه لا يجتمعان اطلاقا ..... الواحد منا بيحب عشان هو بحاجه للحنان اللي هو منبع الحب اما اذا اللي اخترته عشان يكون حبيبي كان قاسي بكل معاني القسوه فأكيد اختياري غلط واكيد مش رح يكون للحب عمر طويل مع القسوه وانا برأيي انه اللي بيقسى على حبيبه ده ميعرفش ايه هو الحب اصلا فالأحسن أتخلص منه واريح دماغي ...
اجمل وارقى احاسيس الحب تلك المليئه بالحنان والمشاعر الصادقه والكلمات الرقيقه التي تدفع الحب ليعيش اطول واطول وتنير الطريق امام كل العاشقين ... الحب هو الإطمئنان .. هو الراحه .. هو التفاهم .. هو الصدق هو ان تشعر بانك ملكت العالم بأسره ...
هل القسوه تقتل الحب ؟؟ تقتله وبأبشع صور القتل
هل هناك كرامه بالحب ؟؟ الحب الصادق والنقي يحمل الكرامه ويضعها على الرف هذا ان كان صادق ويحمل بداخله كل معاني الحب اما ان كان عكس ذلك والأفضل ان يٌقتل الحب وتعيش الكرامه
الكلام عن الحب يطوووول لذا اكتفي بهذا مع خالص حبي واحترامي تقبلي مروري
موضوع: رد: هل القسوه تقتل الحب؟؟ السبت 18 فبراير 2012, 12:55 am
اصلا حلاوة الحب في العذاب عشان كده القسوة لا تقتل الحب بس بتعكر صفوه بس الزيادة في القسوة بتتعب اوووي من كتر التحمل ومن كتر المواجهة وعشان كده ممكن الانسان يتخلى عن الحب اعتقادا منه انه ممكن يرتاح بس للاسف منقدرش نستغنى
موضوع: هل القسوه تقتل الحب؟؟ 
الثلاثاء 14 فبراير 2012, 7:09 pm
