موضوع: هل تعامل الناس حسب مزاجك ؟؟؟ الإثنين 20 فبراير 2012, 9:13 pm
أحببت أن أطرح هذا الموضوع لأني أرى بأنه مهم لفهم
أساليب قيام العلاقات الاجتماعية ..!!
دائما ً ما نواجه مواقف قد تبعث على النشوة والسرور أو تجعل المزاج متكدر و غير مستعد لمزيد من الضغوطات وهذه الحالة موجودة عند الجميع يعنى مرة ثلج ومرة نار
وتبعا ً لهذا الاختلاف في المزاج يختلف أسلوب الشخص في التعامل مع المتواجدين حوله فقد يتبع مزاجه و تظهر حالته النفسية جلية في حديثه أو تصرفاته وايماءاته ..!! وفئة أجدها قليلة لا تعكس مزاجها على أفعالها وأسلوب تعاملها فهناك أشخاص لديهم القدرة على كبت مزاجهم و جعله محدوداً بحيث لا يتسبب في أي مشكلة في حالة زيادة حديته..!!
بالنسبة لك...,, هل تعامل الناس حسب مزاجك ؟؟؟ فتصرخ في وجه من حولك اذا شعر ت بالضيق ؟؟؟ أو توزع الابتسامات الجميلة رغم ما تحمله من كدر ؟؟؟
وفي النهاية أذكركم بالمقولة " قمة الشجاعة أن تبتسم وفي صدرك ألف هم "
موضوع: رد: هل تعامل الناس حسب مزاجك ؟؟؟ الثلاثاء 21 فبراير 2012, 2:00 pm
لكل وقت اذان فى الاغلب يفضل الاختلاء والبعد ولكن لو شخص قريب هيكون بيجيد التعامل مع الثأر او الغضبان فتلك اللحظات الحرجه هيقدر يستشف اذا كان الافضل البعد ام القرب او الكلام لكنى دائما بفضل كتمان الافعال وردودها الانفعاليه على من حولى من المقربين سلمت لنا اناملك على ماخطت وماكتبت دائما مبدعه لميس لكى كل الود
موضوع: رد: هل تعامل الناس حسب مزاجك ؟؟؟ الثلاثاء 21 فبراير 2012, 10:48 pm
مش موضوع حسب مزاجى ... بس فيه وقت ببقى رايقه فيه طبيعى ههزر واضحك واسال وكدا يعنى .. فيه وقت تانى هبقى زعلانه مضايقه ياما هقول للى حواليا الى انا فيه عشان محدش فيهم يضايقنى اكتر مانا مضايقه ... افهمهم انى فى وقت لا يسمح مثلا بهزار او انى اسمع مشكله او كدا ... والى حواليا الوريدى هيتفهموا دا وعلى اساسه هيتم التعامل ... انا مش بحاول اخبى انفعالاتى عشان لو مقدرتش مبقاش حرجت حد قدامى وهو مش فاهم الى عندى ... بس بفهم الى حواليا الى انا فيه وبحاول اخرج من المود ... قدرت هتلاقينى بتعامل عادى .. مقدرتش مش هتعامل لحد ماابقى فى حالتى الطبيبعه تانى ... ربنا يعدل مزاجنا ويسعد اوقاتنا دايما يارب يالميس .. مشكورة لموضوعك ونقاشك الى دايما بستمتع بيه ... ليلى المسلمه
موضوع: رد: هل تعامل الناس حسب مزاجك ؟؟؟ الأربعاء 22 فبراير 2012, 9:19 am
اولا الناس مالهمش ذنب يتحملون مزاجي يعني لو انا مضايقه اقول مثلا مضايقه ماليش نفس اتكلم طيب نتكلم وقت تاني كده لازم اعرف الناس مودي اللي انا فيه اومال هما هيعرفوه ازاي من نفسهم كده مش اهب فيهم مره واحده زي الصاروخ من غير مقدمات المفروض اتعامل مع الناس بالطريقه اللي احب يعاملوني بيها وفرضا انا في مود مش حلو ومش طايقه نفسي اخد جنب لحد ما اروق واتكلم تاني وخصوصا ده كمان للقريب يعني مينفعش وانا متعصبه ازعق لي ماما ممكن اقولها طيب يا ماما مخنوقه نتكلم شويه كده ولو اتعاملت فرضا مع الغريب بمزاجي هاجي عند القريب ليه اوي وتكون معاملتي مختلفه ليه مهمه كنت متعصبه بحكم العشره والقرب من القلب اومال بقا فين شفاعه انه قريب لو هعامله زي ما بعامل اي حد غريب وانا مزاجي وحش لو كان كل واحد اتعامل بمزاجه مع الناس مكنش هيبقا فيه ود ولاحب بين الناس
موضوع: رد: هل تعامل الناس حسب مزاجك ؟؟؟ الأربعاء 22 فبراير 2012, 2:39 pm
الصااااعق
اكيد طبعا الافضل البعد والاختلاء ده لو في حاله انك عايش لوحدك اما اذا كنت عايش وسط ناس ولا تقدر تبتعد عنهم اكيد لحظات انفعالك وضيقك سوف تظهر غصب عنك انا عن نفسي مش بقدر اتحكم في ده وانفعالاتي بتظهر عليا اوووي اكيد التحكم في الانفعالات والمزاج بيتطلب شخص قوووي
اللهم اجعلنا ممن يسعدو من حولهم اللهم اكتب لنا السعادة دائما تحياتي واحترماتي نورتني لميس
موضوع: رد: هل تعامل الناس حسب مزاجك ؟؟؟ الأربعاء 22 فبراير 2012, 2:49 pm
المسلمة
طبعا بيختلف مزاجنا من وقت لاخر بسبب ومن غير سبب واكيد من حولي ليس لهم ذنب بانفعالاتي لذلك من الافضل عدم اظهار هذا الضيق والانفعال من حولك ناس قريبة اووي يعني اهلك واكيد من العشرة هيعرفو حالتك المزاجية من غير ما تتكلمي انا دائما ما اراعي النقطة دي في من حولي من اشعر بضيقهم اتركهم حتى يهدأو بعدها ممكن أسال كان في ايه او احاول تخريجهم من المود ده بالهزار المقبول نوعا ما وان لم يفلح بالتزم الصمت
موضوع: رد: هل تعامل الناس حسب مزاجك ؟؟؟ الأربعاء 22 فبراير 2012, 2:55 pm
سلمى
انفعالاتي دي تخصني يعني من المفروض لا تظهر على قريب ولا غريب اولا القريب بلاش اضايقه معايا او ازعله من حبي فيه ولو غريب بلاش اوصله فكرة عني اني طبعي بشع ولا يطاق وزي ما قلتي هما مالهموش ذنب في اللي انا فيه