تنظيم المنتدى

موضوع: تنظيم المنتدى الأربعاء 09 مايو 2012, 9:40 am

المنتدى اقسام كتيييييير اوى
يعنى الواحد يزهق وهو بيدور ع المكان اللى هو عايزة
مثلا المطبخ مقسم لثلاث حاجات
اطباق رئيسة و سلطات و ........
فممكن نخلية حاجة واحده
وانا بكتب الموضوع اكتب ف عنوانة اذا كان طبق ر ئيسى او سلطة او حلوى
و كده بقى مع كل الفروع لحد ما ينظم اكثر و يكون اسرع
مش افضل ادور ف 50 قسم ع حاجة و انا ممكن ادور ف 10 اقسام
ده رأيى و اتمنى محدش يضايق منى

وعليكم السلام ورحمه الله وبركاته

هلا نورهان احنا اولا مش بنضايق من اي اقتراح يفيد المنتدي بالعكس

بنرحب باي اقتراح لان ده منتدانا كلنا علي فكره المنتدي منظم جدا

واقسامه بالشكل ده منظمه هو لما يكون المطبخ مثلا متقسم 3 اقسام

لي اطباق رئيسيه والمقبلات والسلطات والحلويات والمشروبات

ده كده مش نظام بالعكس ده منتهي النظام مش احسن ما احطهم كلهم في قسم واحد

واللي يدخل يدور علي حاجه يدوخ بقا حتي لوكتبنا اسم الموضوع من فوق تعب بردوه

لكن لما ابقا داخله قسم الاطباق الرئيسيه مثلا هبقا عارفه اني هلاقي كل الاطباق الرئيسيه في القسم ده

هو انتي لما تحطتي حاجتك كلها في شنطه واحده احلي ولا لما تحطيهم في3 شنط مثلا

وكل شنطه مكتوب عليها فيها ايه ولو في حاجه دورتي عليها ومش لقيتها

ممكن عن طريق البحث تكتبي اسم الموضوع واوك وهتتفتح ليكي صفحات بكل اسم موضوع

انتي بحثتي عنه ومش اسم الموضوع وبس ده كمان اي موضوع يشبه اللي بحثي عنه هتلقيه ان شاء الله

شكراعلي اقتراحك نورهان دومتي بخير

JFGJUTY

شكرا ليكى يا قمر ع الرد

هلا انوش
مرحبا بيكي معانا ويارب تستمتعي
واهلا باي اقتراح فيه رقي المنتدى
ورد الاخت سلمى فيه التفصيل لكل حاجة
عايزة تعرفيها
شكرا ليكي سلومى
ودي وحبي

هو الاقتراح جميل انوش

بس عندى اقتراح افضل

وهو اننا نعمل عنوان رئيسى باسم القسم

واقسامه تحت منه بصورة مصغرة وعلى شريط واحد

وبكده هنقلل من حجم المنتدى

وتصفحه هيكون اسرع واسهل بكتير

ونقدر بكده نغير شكله تمام

ولو حبينا نضيف اى اقسام جديد

هنضيفها من غير ما حجم المنتدى يكبر

او يحصل اى خلل فيه

ايوة هو ده قصدى اخى جيمى ان المنتدى كبير اوى
فكرتك رائعة
شكرا لك

انا فاهم قصدك انوش

لانى قلتلهم قبل كده ع الاقتراح ده

بس بطريقه مختلفه شويه

طيب و لية مش اتحل الموضوع ده

موضوع: رد: تنظيم المنتدى السبت 12 مايو 2012, 1:54 am

تعدى بس فتره الامتحانات دى

وان شاء الله كله يتظبط

موضوع: رد: تنظيم المنتدى السبت 12 مايو 2012, 7:52 am

ان شاء الله
هو انت لسه بتمتحن
انا خلصت و الشهاده ظهرت

» مين شاعر المنتدى
» خبير تنظيم الأفراح... نصائح لحفل زفاف ناجح
» اعتقال ''سيف العدل'' قائد تنظيم القاعدة فى مطار القاهرة
» انا جديدة فى المنتدى
» علي رضا نورت المنتدى ..~