موضوع: الدونات المخبوز و ليس المقلى السبت 12 مايو 2012, 12:18 pm
الدونــــــات المخبــــــوز
المقادير 1 و ثلث كوب حليب دافىء 2 و ربع معلقة صغيرة خميرة فورية 2 معلقة مائدة زبده 2 بيضة 2/3 كوب سكر 5 كوب دقيق معلقة صغيرة ملح
للتزين 1/2 كوب زبدة سايحة سكر بودرة
الطريقة نشطى الخميرة باضافة قليل من الحليب الدافىء ليها مع رشة سكر و اتركيها تتفاعل و انتبهى ان اللبن مايكونش شديد الحرارة و الا حايموت الخميرة اضيفى معلقتين الزبدة لباقى الحليب و صبيهم فى بولة العجن و اضيفى الخميرة الممزوجة بالحليب اضيفى البيض ثم اضيفى الدقيق و الملح و اعجنى لغاية ماتظبط معاكى العجينة لو لقتيها ناشفة ممكن تبدأى تزودى حليب بس معلقة معلقة او لو لقتيها محتاجة دقيق اضيفى معلقة معلقة برضه كوريها على شكل كورة و حطيها فى بولة مدهونة و غطيها و سيبيها ساعة تخمر بعد ساعة اضربى العجينة بايدك بالبوكس ضربة واحدة عشان تطلعى الهوا افردى العجينة بسمك 1 و نصف سم بالكتير و شكليها بقاطاعات البسكوت دوائر مفرغة حطيها على صوانى الخبز المفروشة بورق الزبدة و غطيها و سيبيها تخمر 45 دقيقة اخبزيها فى فرن سابق التسحين لمدة 10 دقائق و طلعيها و سيبيها لمدة دقيقة واحدة و بعدين امسحى بفرشة عليها بالزبدة السايحة ورشى عليها السكر البودرة ممكن تزينيها باى حاجة شكولاتة سايحة مخلوطة مع معلقتين كريمة او جوز الهند
موضوع: الدونات المخبوز و ليس المقلى 
السبت 12 مايو 2012, 12:18 pm
