موضوع: رد: غرور المرأة وكبريائها الأربعاء 13 يونيو 2012, 6:18 pm
بخصوص غرور المراة وكبريائها فاى شئ بالانسان اذا زاد عن الحد انقلب لضده انا مع كبرياء المراة واعتزازها بنفسها وقوة شخصيتها فى ان تضع اى انسان عند حده المراة بطبيعتها بتنظر الى نفسها على انها ملكة وجميع من حولها موجودين لحمايتها وتدليلها وليس هناك عيب فى ذلك عن نفسى بحب كتير ادلع على اخواتى وبكون سعيدة جدا فى سماعهم لكلامى ولكن هذا ليس غرور من جانبى ولكن بجد ان معاملتهم هذه بتشعرنى بالسعادة لانهم بيحبونى وكل بنت وست بتحب تشعر بوجود انسان بيحبها وبيحقق لها ما تتمنى الحاجات دى مش بتقصد بها انك ملكة وهم خدام لها ... لأ.... هى بتحب تتدلع ....شعور جميل جدا لكن طبعا دلع عن دلع يفرق ولازم الانسانه تكون مسئوله بردو وتراعى شعور الاخرين وحالهم الاجتماعى والمادى والتواضع اهم سمات المسلم عامة سواء كان ولد او كان بنت وصفة الغرور موجودة بردو بالرجال وخاصة الرجل الوسيم الغنى بيجد نفسه كالنجم الذى يخضع له الجميع المهم ان المعقول افضل شئ ومن تواضع لله رفعه ومن كان مغرور سواء كان بنت او كان ولد ففى نهاية الامر كلنا عباد الله وكلنا متساوون وكلنا من تراب رحم الله امرء عرف قدر نفسه شكرا حبيبتى ع الموضع الرئع
موضوع: رد: غرور المرأة وكبريائها الأربعاء 13 يونيو 2012, 8:15 pm
طرح في قمة الروعة يامشرفنا المميز (لمــLAMYSـــيس)وهذا ماعودتنا علية دائما الغرور له معاني عديدة وجوانب متعدده وأنا من وجهة نظري الشخصية أكرة كلمة الغرور فأنا اعتبرها مرض مستشري بين كثير من الفتيات والنساء, فالانسان السوي جبل على التواضع وهذا مايحثنا علية ديننا الحنيف فغرور المرأة يحط من قدرها ويشوه انوثتها الربانية غرور المرأة ضعف وتكبر مصطنع وبه تحاول الكثيرات التغطية على عيوب لا تستطيع التخلص منها جنبنا الله واياكم من جميع الصفات الذميمة ومتعنا بالخلق الحسن
موضوع: رد: غرور المرأة وكبريائها الخميس 14 يونيو 2012, 12:01 am
انا كبنت الكل بيشهدلها انها مليانه عزة نفس ... وفى العند متوصاش ... بس انا لما اكون فى حالة حب ...فاكيد كل الكلام دا بيركن على جنب ... لتوقعى انه الراجل الى انا سلمته قلبى دا ... هيحافظلى هو على كرامتى وعلى كيانى وكبريائى وعزة نفسى .... واتغر بيه مش اتغر عليه ... هو اكيد شايف هو واخد ايه ومقدر دا ... ايه لازمتها انا بقى اتغر عليه وافضل افخم فى نفسى واقول دانا وانا وانا ... الكلام دا لو حد ميعرفنيش او بيقلل منى ... لكن حبيبى هيكبر بيا فمش هتغر عليه ... هيحافظلى على كرامتى وكبريائى ... فمش همارس دور المتكبرة عليه ... لكن اذا حصل بقى واتصرف تصرف تانى ... زى انه مثلا يقلل من كرامتى او من يطعنى فى كبريائى وكرامتى ... فوقتها مضطره لازم انا بقى الى احافظ عليهم بنفسى واسحب الثقة منه ... ولو هو الى قلل من شأنى وفضل يهين فيا ... فوقتها برضو انا الى مضطره ادافع عن نفسى واتغر عليه واعرفه قيمتى كويس لانه هو معملش كدا ... الراجل هو الى بيوصل المراة لكدا .. ولو البنت بطبعا كدا فلما بتحب بترمى كل الكلام دا على جنب ... لو هو قدر دا هيحطها فوق راسه ووقتها الامور هتمشى عادى .... اما لو مقدرش دا ... فخلاص كدا الكورة رجعت ملعبها تانى لانها سلمتها لوحدها ضيعها بدل ما يجيب جون ... لميس كعادتك رائعه فى طرحك ... سلمتى لنا ودامت لنا جمال مواضيعك ... ليلى المسلمه ...........................................
موضوع: رد: غرور المرأة وكبريائها الجمعة 15 يونيو 2012, 12:02 am
ايمي
الغرور صفة مش بحبها خالص الغرور تلاقي البنت او الست فاكرة نفسها ان مفيش حد في جمالها ولا نسبها ولا عيلتها انا بكره اووووي النوعية دي من البنات وطبعا مش مطلوب في المراة بس المطلوب شوية ثقة مع الاعتزاز بالنفس متهيقلي دول هيضيفوا على جمالها وهتبقى حاجة معقولة شكرا لمرورك الجميل ودي وحبي لميس
موضوع: رد: غرور المرأة وكبريائها الجمعة 15 يونيو 2012, 12:20 am
اسراء
فعلا الغرور بيشوه كثيرا من انوثة المراة لان في حاجات لو زايدة اوووي بتكون مش في مصلحتنا زي ما قلت قليل من الثقة مع عزة النفس اكيد هيكون اجمل من الغرور لان صفة الغرور بوجه عام مكروها ومن تواضع لله رفعه شكرا اسراء على المرور والمناقشة ودي وحبي لكي لميس
موضوع: رد: غرور المرأة وكبريائها الجمعة 15 يونيو 2012, 12:26 am
ليلى طبعا الغرور مش هيكون ابدا على انسان بحبه لانه مش هيكون ليه معنى ازاي اتكبر واتغر على الراجل اللي سلمته قلبي ونفسي وروحي وعقلي مش ممكن طبعا ده يحصل اما عن الغرور مع الاخرين واني اتكبر على الناس ده مش مطلوب بردوا ابدا والغرور مش بيكون ترجمة لدلع البنات لا بالعكس الدلع حاجة والغرور حاجة تانية خالص من وجهة نظري بيقلل من جمال المرأة في البساطة جمال له معاني كتيرة مع الاعتزاز بالنفس ايضا والثقة شكرا لولو لمرورك الجميل وردك الاجمل ودي وحبي لميس
موضوع: رد: غرور المرأة وكبريائها السبت 16 يونيو 2012, 6:23 am
لميس تسلمى ع موضوعك الرائع بس الغرور حاجه و الكبرياء حاجه تانية خالص ومش ينفع يجتمعوا مع بعض الغرور ان البنت تشوف نفسها اجمل نساء الكون و سواء عندها الصفة دى او لا بتحاول باقصى جهدها لفت انظار اللى حوليها لجمالها او صفة فيها او حتى عدم تواجد الصفة بردو بتحاول تجعل الناس يشوفوا صفة مش فيها اما الكبرياء عزه نفس اخلى نفسى عزيزة عن الكل نفسى تكون ليها قيمة وكده
موضوع: غرور المرأة وكبريائها 
الأربعاء 13 يونيو 2012, 3:53 am
