بالظبط .. من الصعب معرفة صدقها من كذبها ..
اسهل حاجه الكلام ...
كنت بس عايزة اعلق على البنت الى بتعمل فيها مثاليه ...
او انها بقى عندها مواصفات الى تبين للى قدامها انها ايه بقى محصلتش ..
او انها تخلى الى بيكلمها يتصور عنها صورة انها بقى ايه ومع الوقت يبدأ يلاقيها مش كدا ...
انا بحمد ربنا انى على طبعى جداا وانى الحمدلله تقريبا شخصيتى واحد فى الحالتين ...
بالعكس انا بقيت حاسه انى فعلا مش هتحب بجد غير لما حد يعاملنى على الواقع ...
النت بيخلى الانسان يبص على ناحية واحدة فى الى قدامه ويركز فيها ...
ياعيوب يامميزات ... ياما ملاك ياشيطان ...
مع اننا كلنا بشر فينا وفينا ... محدش كامل ومحدش وحش كليا يعنى ...
الحمدلله من فترة قريبه كنت فى الكورس فى التنميه البشريه ...
وكان عندنا تدريب والمفروض انى اتكلم واحكى عن حاجات وكدا ...
بصراحه انا قومت وتخيلت انى لما اخلص محدش من الناس دى هيرضى يعرفنى تانى ..
انا فوجئت انى لما خلصت كلامى باراء وانطباعات الى حواليا فيا ...
فرحت اوى مش هنكر .. حسيت انى لسه حلوة ...
وانى شخصيه على الواقع زى مانا عارفة نفسى ...
محبوبه وتتحب وشخصيتها تعجب ناس كتير محترمه واحسن منى كمان ميت مرة ...
عشان كدا الى عايز يعيش حب حقيقى يبقى على الواقع ..
انسان شافك على طبيعتك وقبلك كدا .. مش مركز على ناحية واحدة وسايب الباقى ..
الى بيكلمك على النت لا يعرف انتى مؤدبه ولا وحشه .. انتى حلوة ولا عاديه ...
انتى شيك ولا مبهدله .. انتى تخينه ولا رفيعه .. انتى بتعرفى تتكلمى ولا عندك عيوب نطق ...
انتى مثقفه وتعرفى تتناقشى ولا مستوى ثقافتك على ادك ...
انتى بجد تقييمك ايه ... مش مجرد انطباع او صورة فى دماغ الى قدامك ميعرفش هى صح او غلط ...
وانتى كمان متعرفيش هو صادق فى كلامه ولا كداب ...
هو فعلا حلو ونضيف فى مشاعره كدا وطاهر وبرىء زى ما ظاهر ..
ولا انتى مجرد لعبه مجرد ما يزهق منها يروح يشوف غيرها وخلاص ....
انا طولت اوى واتكلمت كتير واسفه لاطالتى ...
شكرا لموضوعك ونقاشك تقبلى مرورى ..
ليلى المسلمه
..................................