طلب لكل البنات الطباخين

اولا كل سنه وانتو طيبين بمناسبة شهر رمضان الكريم اعاده الله علينا وعليكم بالخير واليمن والبركات

ثانيا بقا وده المهم :- انتو طبعا عارفين اننا فغربة وكده ومقضينها مطاعم وبصراحه تعبنا بقا من الاكل ده

وانا متابع كل الوصفات اللى بره متنفعش ابدا راجل يعملها احنا طالبين مساعدتكم فحاجات بسيطه

يعنى مثلا الرز العادى ازاى يتعمل طبق مكرونه ازاى اعمل كبده ازاى اعمل اى حاجه جنب الرز

يعنى ويكون بطريقة سهله انا ميح البيض بيبوظ منى وعاوز اعمل فطار فرمضان واختى فمصر ولوحدى هنا

صعبت عليكو صح

ساعدونى بقا

لكم جزيل الشكر

ودى

ازيك روميو
فينك يابنى من بدرى
عموما كل سنه وانت طيب
ليك عليا ياسيدى
هكتبلك كل حاجه بعرف اعملها
و اللى مش بعرفه هقول لماما تقولى عليه
وانت تنسق بقى الاكلات بقى
و كل سنه وانت طيب تانى

بص يا روميل طريق عمل الارز العادى

2كوب ارز

2 ملعقه زبدة

3 ملاعق من زيت الذره

2 و 1/2 كوب ماء

1_ نغسل الارز

2: فى وعاء الطهى نضع مقدار الزبده او الزيت ثم نضيف عليه الارز المغسول سابقا
ونحرك الارز جيدا حتى تصبح حبات الارز متماسكه

3: نضيف كميه الماء ويفضل الحار ثم نضيف مقدار الملح ورشه الفلفل الاسود
ونغطى جيدا على الارز حتى يتشرب الماء ثم نخفف عليه النار ونضعه على نار هادئه جدا حتى تمام النضج

اسراء قاالتلك عالرز والمكرونة زيه بالظبط

دي طريقة عمل الكبدة

المكونات

1 كبلو كبدة مقطعة مكعبات

4 بصلات مفروم

2 ملعقة زيت ذرة

3 قرون فلفل أخضر مقطع حلقات

ملح وبهارات

الطريقه

يضع الزيت فى إناء على النار

ونضع البصل والفلفل حتى يصبح لونهما ذهبى

ثم نضع الكبده وتقلب ثم الملح والفلفل الاسود او البهارات

يقلب ويترك على النار لمدة نصف ساعه تقريبا لإتمام النضج.

تقدم مع الخبز أو مكرونه . على حسب الرغبه.

بس بص متسيبوش اقف جنبها وقلبها لحد ما تحس انها استوت خلاص

افتح واحدة وشوف لسه قلبها احمر ولا لاء

طبعا لو احمر يبقى لسه وقلب تاني

طاجن المسقعه باللحمه المفرومه

المقادير:

1 كيلو باذنجان مقشر و مقطع الى شرائح متوسطه السمك

ربع كيلو لحمه مفرومه مطبوخه( عصاج )

2 فلفل حارمقطع حلقات و منزوع منه البذر الداخلى

2 بصله متوسطه الحجم مبشوره

عصير طماطم حوالى 1/2 لتر او 1 /4 لتر

ملح و فلفل

زيت لتحمير الباذنجان و قليل من السمن للطبخ

الطريقه:

1 - نقلى الباذنجان ونتركه ليتصفى جيدا و بعد القلى نطفى النار و نضع الفلفل فى الزيت لمده دقيقه ونتركه ليتصفى

2
- فى حله عميقه شويه نضع السمن ونضع البصل و عليه شويه فلفل اسود ونقلبه
حتى

يبقى لونه بنى فنضع عليه عصير الطماطم و الملح و يقلب جيدا و تترك حتى
تتقل شويه

3 -بعدها نضع اللحم المفروم ويترك قليلا

4 - نضع
الباذنجان المقلى و الفلفل و تقلب جيدا و تترك حتى تتشرب الصلصه قليلا ثم
نرفعها من على النار و

ضعها فى طاجن ونضع عليها حلقات طماطم و توضع فى
الفرن حتى تحمر وتقدم ساخنه

الملوخيه

نجيب الملوخيه و ننضفها و نغسلها و نتركها تنشف ثم نخرطها بالمخرطه حتى تصبح ناعمه تماما .

نكون
محضرين شوربه مثل شوربه الفراخ مثلا و نغليها ثم نضع عليها الملوخيه و

هى
تغلى و نقلبها بالشوكه علشان ما تكلكع وممكن بالمضرب اليدوى .

ثم فى طاسه نضع قليل من السمن ثم الثوم المفروم مع الكسبره الناشفه حتى يصفر الثوم ولا نتركه حتى يحمر لأنه هيعطى طعم مر.

ولما يصفر الثوم وتغلى الملوخيه نضع الثوم على الملوخيه وتقلب جيدا و تقدم ساخنه

صينيه الفراخ بالبطاطس والجزر والفلفل

المقادير:

1 فرخه متوسطه الحجم مغسوله جيدا و مقطعه الى 4 أو 5 قطع حسب الرغبه ( و يمكن استخدام الفراخ البانية أو المخليه )

2 بصله كبيرة مبشوره مع الملح و الفلفل

3 أو 4 حبات بطاطس مقطعة حلقات

2 فلفل رومى مقطعه صغير

2 جزرة مقعطه حلقات او انصاف حلقات

1/2 ليمونه كبيرة أو ليمونه صغيرة

الطريقه:

فى صينيه متوسطه نضع البصل المبشور و الفراخ و الفلفل و الجزر والبطاطس نعصر عليهم الليمونه ونقلبها جيدا

نضعها
على النار حتى تنضج مع ملاحظه عدم وضع أى سمن أو زيت لأن الفراخ بها دهون
كفايه .

وفى الأول البصل طبعا مع باقى المكونات هينزل صوص نتركه لأنه
هيساعد فى النضج واذا

تشربت كل الصوص ولسه ما استوت ممكن نزود شويه ماء
صغيرين .

بعد ما تستوى نضعها فى الفرن حتى تحمر

الكشرى المصرى

المقادير :

كيس مكرونة صغيرة

100 جرام مكرونة أسباجتى

3/4 كيلو عدس بنى مغسول جيدا و مصفى

2 كوب أرز مصرى مغسول جيدا و مصفى

بصل مقطع شرايح رفيعه

عصير طماطم

ثوم مفروم مع ملح و كمون

ملعقتين زيت درة

زيت لتحمير البصل

ملح و كمون و خل و عصير ليمون

2 مكعب مرقه دجاج

الطريقه :

1 - العدس

فى إناء عميق نسخن حوالى لتر ماء

لما يسخن نضع عليه العدس و مكعب مرقه الدجاج ونتركه حتى يقرب من النضج

نضع عليه الملح و الخل و نتركه حتى ينضج

نصفيه دون غسل بالماء و نضع عليه الكمون و نقلبه جيدا

ملحوظه : إذا نقص الماء ولم ينضج العدس ممكن تزويد قليل من الماء حتى ينضج

2 - المكرونه

فى إناء عميق نسلق المكرونة الصغيرة مع الأسباجتى بالطريقه العاديه و نتركها لتتصفى بعد غسيلها بالماء

3 - الأرز

فى إناء نضع 2 كوب ماء مع ملعقتين الزيت و ملح و خل و مكعب مرقه الدجاج نتركهم حتى يغلى الماء

بعد أن يغلى الماء نضع الأرز ونغطيه و نتركه حتى يغلى ثم نخفض الشعله و نضع تحته الشياطه حتى لا يلتصق الأرز

بعد أن ينضج الأرز نرفعه من على النار و نرفع الغطاء حتى يبرد قليلا ثم نغطيه مرة اخرى حتى التقديم

4 - الصلصة

فى
إناء عميق نضع عصير الطماطم مع الثوم المفروم مع الملح و الكمون و الخل و
ملعقه زيت درة و عصير

الليمون ونتركها حتى تنضج أى تكون سميكه أو ثقيله
شويه

محبى الكشرى بالشطه ممكن يأخذوا من نفس الصلصه السابقه و يضعوا عليها شطه و يتركوها قليلا على النار

5 - التقليه

فى طاسه نسخن زيت التحمير و نحمر فيه البصل الحلقات الى ان يصبح بنى نصفيه جيدا من الزيت حتى يكون مقرمش

6 - الخلطه السحريه < إختيارى >

فى
سلطانيه نضع طماطم مقطعه مكعبات مع ثوم مفروم مع ملح و كمون مع عصير
ليمونتين

مع ملعقه من الصلصه السابقه وتترك قليلا قبل الاستخدام

فى النهايه نقلب الأرز مع العدس مع المكرونة و يقدم فى طبق عميق عليه الصلصه و الشطه

و حلقات البصل و طبعا لا تنسوا الخلطه السحريه

ها فهمت مني حاجة هههههههههههههه

ودي...~!

المكرونه العاديه

المقادير
كيس مكرونة اى نوع
2 كيس صلصة
بصلة مبشورة
ملح
بهارات
شويه زيت

الطريقه
تغلى المياه جيدا و تضع المكرونه بها مع ملعقة ملح و ملعقة زيت و تقلب جيدا لكى لا تتعجن المكرونه
بعدين تصفى المكرونه بسرعه و تغسلها بمياه بارده علشان بردو متتعجنش
بعدين تحمر البصله ف شويه زيت بس اوعى تتحرق منك لحد بس ما تستوى
وبعدين تضع الصلصه او تضع عصير الطماطم و تغطى عليها لحد ما تبقى صلصه
بعدين تضع البهارات
بعدين تضع المكرونه ع الصلصه و تتقلب و تقدم
او تضع الصلصه ع وجه المكرونه و تقدم

بس كده

طريقه الرز بالشعريه

**************************

انا بعمل الرز من غير مقادير يعني ايدي هي المقدار بعرف اضبطه من غير مقادير بكوبايه

انته طبعا مش هتعرف تعمل كده هات 2 كوب رز مصري ويكون اسمه رز مصري

لان في انواع كتير من الرز وكل رز بياخد كميه ميه مختلفه عن التانيه ومعلقتين سمنه ومعلقتين زيت

علشان يكون مفلفل و2 ونص كوبايه ميه وتكون الميه بتغلي او ممكن تحط بدال الميه 2 ونص كوبايه شوربه

بس اهم حاجه الكوبايه اللي تعاير بيها الرز تعاير بيها الميه علشان يتضبط معاك

***************

الطريقه

********************

اول حاجة نحط السمنة والزيت علي النار في الحله والشعرية

انا بحب احط شعريه في الرز كتيره شويه ممكن انته تحط قد ربع كوبايه شعريه

او زي ما تحب والشعريه بتتحمر تغسل الرز ماتغسلهوش وتنقعه قبلها بفترة

علشان يطلع معاك ملدن والشعريه تتحمر يكون لونها دهبي كده

نحط الرز والملح والملح يكون نص معلقه ملح كبيره ممسوحه كده

ونعد نقلب كويس جدا لحد ما الرز يبتدي يتحمر مع الشعرية

بعد كده هنحط الميه لحد ماتغطي الرز نسيب الرز على نار عالية لحد ما الميه تنشف خالص

وتعمل فافيق كده وخروم بعد كده نهدي النار خالص أهم حاجة ان النار تبقا هادية جدا

ونسيبه يكمل سواه

وبالهنا والشفــاء

المكرونه بالبشاميل

المقادير
لحم مفروم
مكرونة فرن قلم
1 بصلة كبيرة مفرومة
4 ملاعق زيت ذرة كبيرة للعصاج
4 ملاعق دقيق كبيرة
2 بيضة
2 كوب كبير لبن حليب
كوب كبير و نص شوربة
زبد
ملح و فلفل أسود

التحضير
سلق المكرونة وتصفيتها
تعصيج اللحم
( يتم إضافة البصلة للزيت وبعد أن يذبل يضاف اللحم ويقلب حتى يتغير لونه من الأحمر
إلى الداكن ثم تقلل النار ويقلب حتى يخرج ماؤه ثم يتشربها مرة أخرى ثم يضاف الملح والفلفل الأسود )
يحضر البشاميل
( بغلى اللبن مع الشوربة ويترك وتوضع السمن على النار ثم يضاف لها الدقيق و يقلب لمدة دقيقة
ثم يضاف اللبن بالشوربة مع التقليب السريع لكيلا يتكتل الدقيق والأفضل تقليبه بالمضرب اليدوي
ثم تقلل النار و يضاف الملح والفلفل وتجدينه يزيد كثافته مع التقليب ثم يترك ليبرد وتضاف له
البيضتان المخفوقتان المضاف لهما الملح والفلفل ويقلب البشاميل )

طريقة العمل
يوضع بعض البشاميل في الصينية و يوضع بعضه أيضا على المكرونة كلها وتقلب ثم يوضع نصف كمية المكرونة
في الصينية وتوزع جيدا ثم يضاف اللحم المعصج ثم تضاف باقي كمية المكرونة ثم يصب على الوجه باقي الباشاميل
بحيث يغطي الوجه تماما ثم يوضع في الفرن على درجة حرارة متوسطة ( 200 ) حتى تحمر من الأسفل والجوانب
و بعض الوجه و تجدين أن الماء تبخر منها تفتح لها الشواية لتحمر الوجه ثم تترك لتبرد قليلا ثم تقطع

شاورمة الفراخ

المقادير
1/2 كيلو صدور فراخ مخلية
1 كوب زبادى
4 ثمرات ليمون
4 ملاعق زيت زيتون كبيرة
1 ملعقة قرفة كبيرة
1 ملعقة فلفل اسود صغيرة
1 ملعقة كمون كبيرة
3 بصلات
3 ثمرات فلفل رومى
2 ثمرة طماطم
1/4 كوب خل
1 ملعقة شطة صغيرة
1/2 حزمة بقدونس

التحضير
يوضع عصير الليمون مع الزبادى مع الخل مع بصلة مع الطماطم مع البهارات
فى الخلاط ويضرب جيدا ثم يصفي و يتبل بة صدور الفراخ المقطعة مع اضافة الخل
و عصير الليمون القرفة زيت الزيتون وتترك لمدة ساعتين على الاقل فى الثلاجة

الطبخ
توضع طاسة على النار و تسخن جيدا ويوضع بها قليل من الزيت الذرة وتشوح فيها
هذة الكمية على اربع مرات حتى يجف ماؤها ثم تقطع شرائح يقطع الفلفل والبصل و الطماطم
و البقدونس وتوضع فى الاخر و تقرب لمدة دقتين ثم تحضيرها داخل الساندويتش او فى الاطباق

الفراخ البانيه بطريقة جديدة

المقادير
صدور فراخ
فلفل
طماطم
ليمون
بصل
ملح و بهارات
علبة زبادى
بقسماط
زيت او سمن

التحضير
يوضع كل المكونات فى الخلاط
( فلفل _ طماطم _ ليمون _ بصل _ ملح و بهارات _ علبة زبادى )
ونضع الصدور فى التتبيلة لمدة ساعتين او اكثر
بعد ان تتشبع بالخلطة الجديدة (المضاف اليها الزبادى)
نضعها فى البقسماط الخاص بالتحمير
مع الضغط على الفراخ جيداً للتأكد انها تشبعت من البقسماط
حتى لا تحترق من الداخل
ثم نضع الزيت فى المقلاة و نضع بعض عصير الليمون لاضافة نكهة خاصة
ثم نضع الصدور ونقوم بتحميرها جيدا من الجانبين

بجد بجد بجد تسلم ايديكو ياحلى اخوات فالدنيا

كل ده كلام جميل جدا جدا بس التطبيق حاسس انى هولع فالمطبخ هههههههه

الوقتى كل ده جميل وكل وحده كاتبه طريقه مختلفه لدرجة انى اتلخبطت بس كويس

المهم بقا كل وحده تقولى شوربه شوربه طيب وهى الشوربه اصلا بتتعمل ازاى

هههههههههههههههههههه

ودى ومتشكر ليكو بجد اوى بس بلاش الحاجات التقيله

يعنى خلينا نتقن الرز والمكرونه والكبده بتاعت روقه

وبعد كده نشوف هنعمل ايه جنب الرز

يعنى اى حاجه سهله فالاول كده ماشى

هههههههههههههههههههههه هغلبكو معايا

مش عارفه تعملي الشوربه يا لينا هههههههههههههههههههه
انته امله الشقه ميه وهات الفرخه زي ما هي كده صاحيه وارميها في البحر ده ههههههههه
واومال هتعذبها ازاي هههههههه
ولو الفرخه ربنا كتبلها العمر ومش غرقت خدها بقا اعمل بيها شوربه Embarassed

هقولك اسهل طريقه شوربه بجد
هات حله وحط فيها قد لتر ونص ميه وسخن الميه لحد ما تغلي
وحط فيها بصله وفلفل اسود ورق لورا وحبهان وشويه ملح
واسقط فيها الفرخه ولما الفرخه تستوي كده بقا عندك شوربه
اهم حاجه اتصل بالمطافي والاسعاف لان اكيد انته هتولع في المطبخ هههههههه
اظن ديه اسهله طريقه عمل شوربه
ولو معرفتش ده لوربنا كتب ليك النجاه يعني هههههههههههه
يا عم هات اكل جاهز بلا وجع دماغ
ولا تولع في مطبخك بليالتيلاتيالت

ههههههههههههههههه

كده سلمى ماشى والله العظيم البيض لما بقليه بيبوظ منى ههههههههههههه

ال شوربه ال سيبكم من اللى انتو كاتبينه ده كلو بقا ونقطه ومن اول السطر ماشى ههههههههههه

علشان مش فاهم اى حاجه هههههههههههههههههههه

المهم كل يوم وحده تعمل اكله هنا بس باسهل الطرق وتكون كل حاجه مفصصه يعنى لدرجة

الاكل عالنار اد ايه وبالظبط الملح اللى بتتكلمو عنه معلقه صغيره مثلا والا اد ايه والزيت وكده

اعتبرو بتكلمو واحد جاهل فالطبخ والا اعتبرو ليه منا كده فعلا ههههههههههههههه

انا مره كلمت امى فمصر ساعه علشان اطبخ باميه وفراخ كانت مجمده

قالتلى اغسل الفرخه وكده وعملت كل اللى قالت عليه بس انا مفهمتش حتة اغسل الفرخه دى كويس الا بعد مرميتها ههههههههههههههههه

بعد مخلصت كل حاجه لقيت الفرخه مطلعه دم بعد مستوت فالباميه ههههههههههههههههههههههه

حرمت من بعدها بقول لامى كده شتمتنى شتيمه قالتلى مكنتش بتشوف الدقيق والغسيل كويس وانا بعمل قولتلها سورى ماما مكنتش مركز كنت بكلم اصحابى عالفيس بوك هههههههههههههههههههههههههههههههههه

تسلمولى يارب

ومستنى اطباقكو بقا

هههههههههههههههههههههههههه

البنات مظبطينك اهو
كل اللي انت عايزه
بص انا هقولك على حاجة
انت في رمضان كل يوم بالليل
تقول هنا عايز تعمل ايه على الفطار بكره
وانا اوعدك هساعدك واقولك على الطريقة بالتفصيل الممل
حتى هقولك تاكلها ازاي كمان ههههههههههههه
اوكي اتفقنا

ـههههههههههههههههههههههـ

انا اقولك ع حاجه سهله جدااااااااااااااااااااااااااا
انت تبعتلى تذكره سفر لعندك
وانا هاجى اطبخلك اكل الشهر كله
هو صنف واحد بس وانت افطر بيه الشهر كله
و هرجع مصر ع طول
هههههههههههه

كل سنه وانتو طيبين بقا كلكم اهو وصلنا للجد هههههههههه

كل اللى فات كوم والوقتى كوم تانى

يالا عاوز اكل حاجه انهارده

نقول مكرونه وحد يقترح معاها حاجه خفيفه

بس بالتفصيل الله يكرمكم وخفيفه

الساعه عندى 4:15 والمغرب الساعه 7:20 تقريبا

يالا الهمه

لميس اهو بس مش على بيات

نور حبيبتى والله ربنا يخليكى ياريت تيجى هههههههههههههه

تسلمى يارب كل سنه وانتى طيبه

وانت طيب
بس رمضان خلص
انت بقى عملت ايه فيه ؟؟

» معانى اسامى بعض البنات يعنى ده من بعض راى فى اسامى البنات
» البنات انواع.....اي نوع تحب انت !
» (**((اخر اخبار البنات ))**)
» قصة شاب كان يصور البنات
» احلام البنات