شعر انا مش علماني ولا اخوان
مش خايف إني أموت
أنا خايف إني معرفش اعيش
أرجع تاني للسكوت
والجري ورا لقمه العيش
يعمره الخراطيش
يملا الرصاص بدني
قال يعني لما هعيش
حلقي الحياه في وطني
أنا مش علماني ولا اخوان
ولا بتبع أي كيان
أيان كان
أنا ضحكه جريحه ورا قضبان
أنا كلمه صريحه على الجدران
أنا زفت الاسفلت
اللي دايب في القطران
أنا لقمه في الزباله
لقاها حد جعان
وعشان خاطرك
ولجل يظل خطرك
وهبت نفسي للميدان
فاكرين رصاصكم
هيفرق الجمع
وان أجسادنا
هتسيح كالشمع
وهنخاف ونبطل هتاف
ونخضع للقمع
غازكم مبينزلش دموعنا
ده دم الشهيد هو اللي مسيل للدمع
موضوع: شعر انا مش علماني ولا اخوان 
الأربعاء 03 يوليو 2013, 4:41 pm
