لحظـــــات الم..

"" لحظات الم ""

""مين""...

مين يحس بيا وعن اللى فيا يسألنى..

مين يسمعنى ولو سمعنى يفهمنى..

مين بوجوده فى حياتى يطمنى..

وحيده فى دنيتى وغريبه عن اللى منى..

من كتر وحدتى خايفه اتغرب عنى..

واقول لنفسى اشمعنى انتى اللى هتشيلى همى!..

مش حاسه بحب الناس.. معدومه من الاحساس..

عايشه كده وخلاص.. وااهى عيشه والسلام..

ياسلام على الحياه.. بيقولوا حلوة الحياه..

وهى فين الحياه.. اهو كله كلام فى كلام..

محسوبه من الاحياء.. اللى الحقيقه انهم اموات..

ناس احساسهم مات.. امنوا ان زمن الحب فات..

مااهى حاجه من الاتنين...

ياابقى شبه الميتين اللى فاكرين نفسهم عايشين..

يااقدر اعيش وممتش زى الباقيين..

لكن ازاى اعيش ومحدش جنبى..

مش قادره اتكلم ومحدش بيسمعنى..

لازم اخرج منى واموت زى التانيين..

لا انا زى اللى قابلتهم ولا لقيت منهم زيى..

هعيش لمين والناس كلهم ميتين؟!!

مبقاش الحب جايب همه والا الاحساس بيتبقى عليه..

الغدر بقى ميزه.. والخيانه بقت عادى..

بقت الطيبه عيبه.. والاخلاص كلام فاضى..

كل الناس على كده مش معقول كلهم غلطانيين..

واكيد مش انا العاقلة اللى فى صرايا المجانين..

الحب اللى اعرفه بقى عملة قديمه اختفت مع السنين..

موتى مش غصب عنى.. ده باختيارى..

بعد ماخدت الف ضربه من اللى كانلى اهلى ودارى..

مااهى ضربه الحبيب بتوجع اوى..

بس بيعه وقتها مبيبقاش غالى..

لمه اللى تعيشله يمنيك الموت.. يبقى فاضل ايه تانى..

كان بيقرا اللى جوايا ويعمل كل حاجه عكسها..

عرفت الحقايق لمه كل حاجة بانت على اصلها..

عرفت انى كنت حالة ودلوقتى راح وقتها..

قاسيت ياما من نفسى اللى وهمها بالحب صدها..

ازاى افتكرته حاسس بيا؟؟ ازاى افتكرته فاهمى؟؟

منين جبت انه هيحافظ عليا وهو اسهل حلوله انه يبيعنى؟؟!!

يالااااا...

بجملة البايعين.. غلطانه لو افتكرته غير التانيين..

زيه زى الناس كدابين،، قاسيين،، قلوبهم حجر بلون الطين..

مديونه لهم.. علمونى كتير.. وكتير....

امنت ان الحب زى التراب بيطير مع الهوا..

والقلب اللى يحب ان عاش.. بيدور اللى باقى من عمره على دوا..

خلااااااااص...

مش هحس بحد زى مامحدش حس بيا..

مش هعيش من تانى لغيرى ومش هفكر غير فيا..

وعهد عليا هموت احساسى بإيدى واترحم عليه..

والا ابكى تانى من حبيب سابلى الف جرح فيه..

لا بلاش تبكي ياختي
غرقتيلنا المنتدي

كلام بجد مؤثر جدا روني

بس هو بتاعك ولا ملطوش

[ندعوك للتسجيل في المنتدى أو التعريف بنفسك لمعاينة هذا الرابط]

كلام رقيق جدااا رووني ,,,

يسلمووو,,,

تقبلي مروري ,,,

Laughing

كلامى يا مراد ال يعنى مقرتهوش قبل كدة انت نساى اوى كدة ليه queen

وبعدين انت حاطتلى اللينك بتاع المنتدى ليه مااهو محفوظ عندى ده انا حفظت حروفه ياعم

عموما شكرا يااخويا ع المرور..

رورو .. ميرسى على مرورك الجميل..

دمتى بود..

lol!