تراب الارض عضـــــو عبقــــــري
ســآعـتي : التسجيل : 20/04/2010 المساهمات : 1008 عدد النقاط : 3521 المزاج : المهنة : الهوايه : الدولة : الأوسمة : التميز :
| موضوع: بيقولى ده عقد العمل الأربعاء 21 أبريل 2010, 12:57 am | |
| عقد عمل
طلعت اللى تحت البلاطة على امل لقيتهم ما يكملوش استلفت من اللى اعرفه واللى معرفوش ولميت يا ابن عمى القروش واشتريت عقد عمل قالولى هشتغل واقبض دينار واسدد ديونى وابعت لامى وتشترى الدار وقلت لنفسى خلاص الحلم اكتمل لميت هدومى وسريت احلامى وهمومى وقولت حى على العمل ودعت امى واخواتى واعمامى وخيلانى وصحابى وجيرانى ودعت الشوارع والدكاكين ودعت الحيطان والمبانى وطلعت لسانى للحظ الخايب للكسل والملل وسافرت لقيت حظى وخوفى معايا فى نفس البلد الله انا مش سايبكم هناك فى البلد؟ قالولى عيب دا احنا زمل ونزلت اشتغل والله ما كدبوا على .انا اللى فهمى شوية دى نار فعلا وينضرب بيها المثل واول ما اروح اتصل اقول مرتاح والبلد حلوة براح يقولوا طاب ابعت لاخوك عقد عمل قلة وماله ابعتله فيزا مخصوصة عشان يلحق مكان جنب الناس المرصوصة فوق الرصيف بيبعوا العرق بالرغيف هبعتله لو كان لينا اجل دى الناس بتصبر نفسها بالتيلة صابرين غلب وقلة حيلة ولا حد قادر يفضفض لحد ماهى هى نفس العلل يوم اشتغل ويوم ادورعلى شغل فألف بلد واطلع الفلس من فم الاسد وكل ما اقتل دين قديم الاقى دين جديد اتولد وشيل على ضهرك يا جمل وفين لاقيت شغل دايم نشكر الواحد الدايم ونشكر ولاد الحلال اللى اتوسطولنا نشتغل والحمدلله خلصت ديونى وبقيت فى امان ولقيت البلاطة اللى كانت معايا زمان يعنى دلوقتى معايا البلاطة وعقد العمل وحتى لما جرى فى ايدى القرش سالت نفسى هل انا كسبان؟ مفتكرش ولا القرش خلى عمرى يطول؟ انا صحيح ما كونتش ملك وخدوا منى العرش بس كنت حر عمرى ما اتذليت للقرش يعنى ايه طير بس محبوس فى قفص يعنى ايه حلم وامل بس فى قصص شمس مداريها جبل هو انا لو كنت فى بيتى لقيت لقمتى كنت اختار بايدى غربتى كنت ارضى امثل رواية مالهاش بطل؟ كنت ادفع اللى وريا واللى قدامى فى عقد عمل | |
|
موناليزا
ســآعـتي : التسجيل : 13/06/2008 المساهمات : 2643 عدد النقاط : 9890 المزاج : المهنة : الهوايه : الدولة : الأوسمة : التميز :
| |
MOURAD
ســآعـتي : التسجيل : 12/06/2008 المساهمات : 23392 عدد النقاط : 69617 المزاج : المهنة : الهوايه : الدولة : الأوسمة : رقم العضوية : 1 التميز :
| موضوع: رد: بيقولى ده عقد العمل الخميس 22 أبريل 2010, 4:08 am | |
| | |
|