دعوة فرررح

موضوع: دعوة فرررح الخميس 13 مايو 2010, 1:39 pm

على البحر كنت سهران ف يوم زي الغريق..

خد مني يابحر وارميه تاني ف الغميق

ليه تبات العيون سهرانه وحزينه وليه تبات الشفايف عطشانه لحبيبه

كانت ليا يابحر قدامي بعيونها الجريئه كانت حوريه بحر ،، عامله زي حكايات الافلام القديمه

عنيا عليها رايحه جايه وهيا ولا شيفاني ولا حا...سه بقلبي اللي ف حبها بيعاني

ف يوم لقيتها جايه بتقرب ناحيتي بحنيه شديده بصيت حواليا ،، لا يكون المقصود غيري وتبقى كسفه غريبه ملاقتش غيري ،،

ياااااه معقوله لألأ دي حاجه مريبه قلبي وقع مني ،، وأنا شايف عودها بيتمايل زي الورده البريئه

ودبت رجلها بحنيه على الارض تهز معاها قلوب الناس الكتيره ولا ضحكت عينيها الغزلاني،،

إإللي تسحر ولا اجدعها عمل ف بيوت الجان العتيقه

وبحنيه تتهادى وتلوع قلبي يوم ماترفع ايديها بين خصلات شعرها ،، إإللي بلون ليالينا الغريبه

لقيتها جايه بتقرب وقلبي،، مع كل خطوه يوقف ثانيه بثانيه ،، ودقيقه بدقيقه...

وبصوت احن من حفيف الأغصان على جذوع الشجر مدت ايديها وقالتلي ،،

أتفضل ياوش السعد يا جار القمر بلهفه المشتاق ،،

قلت افتح يمكن اللاقي حب مدفون من قديم الأزل ،،، وف لحظه ،، عيوني اتحجرت ،، وقلبي مات واندفن،،،

كلمتين كلمتين قتلو جوايا كل الأمل،،، دعوه فرح