زواج كبارفي السن من بنات في عمر الزهور**

:twisted:

موضوع جامد يارورو ومنتشر فعلا فى هذه الايام..

وانا رأيى هقولهولك من خلال الرد على اسئلتك..



1) هل زواج كبار السن من فتيات في سن بناتهم زواج عادل ؟؟

اكيد لا الاتنين دايما هيحسوا ان فيه حاجة نقصاهم فى العلاقة كمان هينتج عنه مشاكل كتير اهمها غيرة الزوج الزايدة بغير داعى لانه الا بقى لو عرفت البنت تضحك عليه وده بيبقى واضح اوى فى جوازات المصالح والفلوس يعنى هى ترضى بفارق السن بمقابل الفلوس وعليها تتحمل راجل فى سن ابوها او يمكن جدها وتدفع التمن .

2) هل تعتبر هذه الزيجات في نظركم أنانية من الزوج ؟؟

انانية من الزوج ليه طالما البنت رضيت بكدة مادام محدش غصب عليها يبقى كل واحد داخل فى العلاقة وهو عارف عايز منها ايه وهى المفروض اختارت عن رضا .

3) هل ترون أن موافقة الاهل على مثل هذه الزيجات ظلم لبناتهم ؟؟

اكيييييييييييييييييد
الشباب فى الغالب بيكون متطرف فى فكره وبيفكر باندفاع وبعضهم بيفكر ان الغاية تبرر الوسيلة هنا ييجى دور الاهل فى التوعية وانهم يسقو اولادهم من خبرتهم فى الحياه لان المشكلة دى مش بس فى البنات لكن احيانا كمان بيلجأ الشباب الولاد انهم يتجوزوا من سيدات كبار بالسن لتحقيق اهدافهم المادية او مصالح اخرى ، بس المصيبة بقى لايكون الاهل بنفس التفكير او هم اللى غاصبين علي البنت مثلا.

4) هل سيكون هناك توافق عقلي وفكري بين الزوجين ؟؟

بالطبع لا ازاى وكل منهم من جيل وكل واحد فيهم له سنه وكل سن ليه متطلباته وتفكيره
الصغير بيبقى لسة عايز يشوف الدنيا والكبير بيكون خلاص شبع منها.

5) هل تتفقون مع من يعتبرون هذا الزواج جريمة بشعة في حق الفتاة ؟؟

مادام مش راضية بالوضع يعنى غصب عنها يبقى اكيد جريمة بشعة
ولو ده اختيارها عن اقتناع بالاسباب اللى تخليها تعمل كدة وان كانت غلط يبقى هى حرة
وطبعا هى اكيد بتجرم فى حق نفسها.6) هل سيستطيع هذان الزوجان تكوين أسرة صالحة ؟؟
اكيد لا .
بس لو افترضنا يعنى مجرد فرض ان الجواز ده كان عن حب .
اصل الحب بيصنع المعجزات والقلب بقى ليه احكامه فممكن كل واحد فيهم يحاول يتفهم التانى وميعملش اى حاجة تضايقه ويحاول يحافظ على مشاعره وان كان الافتراض ده نادر انه يحصل وان حصل فنادرا ماينجح بس بتحصل بجد واعرف مثل حقيقى على كدة.7) هل سوف يأثر ذلك سلبا على الأطفال ( إن وجدوا ) مستقبلا ؟؟

لو عن حب فمش هيأثر بالسلب لان كل واحد فيهم هيحاول انه يصلح من حال اسرته اللى كونها مع شخص حبه بقلبه وبكل مشاعره وطبعا جو الحب والالفة ده هينعكس على الاطفال ده ان وجدوا فعلا
لكن بقى لو جواز مصالح فمشاكل بالكوم هتبقى مستنياهم وبالتأكيد هيأثر على الاطفال بالسلب جدااااااا وهيأثر على اسلوب تربيتهم ومنها فى الشخصية والسلوك وبرضو ده ان وجدوا.