موضوع: رحله الي اعماق القلوب مع الدكتور مادا الثلاثاء 07 ديسمبر 2010, 3:43 pm
رحله الى أعماق القلب
انها الجلسه الثالثه لمجلس اراحه القلوب الصماء
نستهلها بسؤال هل قلبك قلب قلوب ؟
اجابه هذا السؤال سوف تجيب عليه بنفسك و دوري ما هو الا فقط " فك شفره قلبك "
انها ليست كاي شفره!!!!!!!!!!!
يالها من شفره تبدو في ظاهرها سهله الاختراق و لكن فكها يلزم جمع معلومات وافيه في جوانب عده !!
سوف اتركك في حوار مع نفسك
نفسك : لكم كنت غافلا مستغرقا في نوم عميق و اذ بي استيقظ على صرخه من دكتور مادا تقول " املأ الفراغ و ليس ما بين الفراغات "
نفسك : أنا فعلا عندي فراغ شديد يكاد أن يمزقني و يتركني اشلاء انسان .. انه كــ ورم خبيث يتوغل داخلي بلا رحمه
اسمحلي أن أتطفل على حوارك مع نفسك و أوضح شئ قد لا يطرأ بذهنك و أقول أهم شئ لعلاج مشكله الفراغ أو غيرها من المشاكل هو " الادراك " بأنك فعلا عندك فراغ و تعترف بذلك لكي تستطيع أن تملأه و تسقي روحك من كأس لا تظمأ بعده أبدا
نفسك : أيقنت بذلك و استيقظ قلبي من نوم ثبات و تحركت بداخلي قواي التي لم أكن أعلم انها تكمن بي
نفسك : حان الآن اطلاق الطاقات لتعمل بمقاييس مختلفه و معايير و ضوابط .. لكن يامادا ما قولتليش ازاي ؟؟؟
مادا : ملخص الكلام " بكل سرور, فلتكن حياتك اشارة مرور "
نفسك : اشارة مرور ؟ يعني تقصد أضع نظام لحياتي و أعرف ازاي أقف و ازاي اهدئ و امتى انطلق ؟؟ بس كدا ؟؟
مادا : بالضبط!!!!!
بصراحه يا مادا مش عارف انت كنت فين من زمان ! أنا كنت حاسس بخنقه و مليش هدف واضح أو صريح !
مادا: هقولك .. بس ممكن لو سمحت تجاوبني على السؤال اللي فوق ؟؟!!
مادا : قلبك قلب قلوب يعني قادر على فك شفره قلوب جميع الناس بكلمه حسنه , بفكره مفيده للجميع , بتذكير النفس بكل ما هو طيب !
نفسك : لكن يا مادا انت قلت دورك فك شفره القلب و بصراحه لو فكيت الشفره افتكر اني هقدر أجاوب !
مادا: متفقين ! قلبك كتله من المشاعر كثيرا ما يلتهب من " شوق – غل – حقد – ضغينه – كره – حزن " و أيضا يتجمد من " تبلد المشاعر – عدم الاحساس بالمسؤليه – كثره الخطأ و فعله كأنه لم يعد خطأ أو كل الناس بتعمل كدا "
نفسك : مممممم ! والله معاك حق !
مادا : اذا تخيل كثره اللهيب و التجمد و تخيل لو حدث النقيضين في آن واحد ؟؟ كيف سيكون حال قلبك ؟؟ ما هي عواقب " امتزاج النقيضين " ؟؟
بالعاميه كدا , عايزيين نضبط الترموستات بتاع قلبك الأول !
اوعدني انك تجرب اللي هقولك عليه لمده اسبوع و جرب معايا انك تعمل حاجات حلوه كتير و لو عملت حاجه وحشه تعمل قصادها حاجتين حلوتين
يعني كل يوم هنعمل حاجه حلوه , و محدش يقولي الدنيا بايظه ..و يا عم هو انا اللي هصلح الكون ؟؟
بس تعالي و ابدأ بنفسك و كل واحد لما يبدأ بنفسه هيعلم غيره درس ..
مثلا ..
- اقلب في أسماء قائمه الموبيل و شوف مين من قرايبك من زمان ما اتصلتش بيه و قوم مكلمه و اطمن عليه – ساعد مسّن " كبير في السن " و شيل منه الكيس التقيل اللي ماشي بيه – ساعد كفيف انه يعبر الطريق – مد يدك لطفل تعرقل و امسح عنه دموعه – اجلس مع اخوك / اختك و اطمن عليه و اسأل محتاج مساعده في أي شئ
....الخ من أشياء حلوه
لمده أسبوع بس جرب أي حاجه حلوه .. كل يوم حاجه واحده و لو زودت كله في مصلحتك لكن خليك فاكر لو غلطت تعمل قصاد الغلط حاجتين حلوتين
تخيل لو كلنا عملنا كدا في نفس الوقت.. هايحصل ايه ؟
نتيجه واحده .. الحاجات الحلوه في حياتنا هتزيد و كلما يحاول الغلط انه يسيطر هيزيد الحلو الضعف !!
بكدا أنت فكيت شفره قلبك بنفسك و هتجاوب على السؤال عمليا و ليس فقط نظريا !!
و شوف قلب مين يتسع لاستعياب قلوب الناس أكثر و كلما استوعب أكثر سوف يكون في يوم ما قلبك قلب قلوب بلا شك !
في الاخر طبعا بنشكر الدكتور مادا علي هذا الحوار الرائع
موضوع: رد: رحله الي اعماق القلوب مع الدكتور مادا الأربعاء 08 ديسمبر 2010, 5:39 am
فعلا الوحش بقى كتير اوى لدرجة ان البنى ادم بقى بينسى ان فى حلو جواه وحتى الناس بقت دايما بتنسى الحلو للشخص وتفتكر الوحش بس بس بردو فى ناس الوحش بتاعها غطى الحلو ساعات غلطة واحده ممكن تضيع الحلو كلو الى بتعمليه ووقفة وراجعه مع النفس وحاجه حلوة بس ممكن تضيع الوحش الى بتعميلة بس دايما بتفرق ياترى الاساءه جايه منين وبتبقى صعبه اوى لما بتجيى من اقرب الناس عشان كدا مبتبقاش سله فنسيانها وحسب بردو نوع الاساءه فى ساعات اساءة مبتتنسيش مهما الايام تداويها لانها بتبقى ثابت فينا اثر كبير بس جميل بردو ان الواحد لو غلط يعترف ويحاول يصلح غلطو ويعمل قدامو صح كتير ودايما الصح بيضيع الغلط طلاما احنا عندنا استعداد لية والعكس صحيح بس هيا بتبقى محتاجه واقفة مع النفس وحساب وتقيم
تسلم ايديكى ياسلمى على الحوار الجميل ده وعلى التعديل الى ساب بصمتك فيه