إذا صار عندنا فرح …. بنزمر
إذا نجح عندنا حدا بالتوجيهي ……. بنزمر
قبل ما تفتح الإشارة الضوئية … بنزمر
بعد ما تفتح الإشارة ……كمان بنزمر
على الدوار وعلى الكوربة على النزلة وعلى الطلعة …. برضو بنزمر
إذا طول علينا الشرطي وهو موقف خطنا ….
علشان نذكره بنزمر
وإذا حدا كسر علينا بالغلط أو بالقصد ….. أكيد كثير بنزمر
أما اللي بتوقف سيارته قدامنا عطلانه ……. مش مشكلتنا
لازم ……نزمر
إذا طالعين من شارع فرعي لرئيسي بالليل أو بالنهار
بنزمر
ويا عيني على سيارة الغاز ….. على الفاضي والملان بتزمر
وإذا عجبتنا بنت ماشية بالشارع اوووووووووووووووه
بنبطلش.. نزمر ..
وإذا شفنا أبو فلان بالشارع وحبينا نقله مرحبا …………..
أكيد بنزمر
ولو قرر واحد منا يخفف السرعة عشان يمرر أحد المشاه …. كل اللي وراه بيزمر
ويا حبيبي إذا فاز أحد المتسابقين بالسوبر ستار أو
ستار أكاديمي أو……بنطلع كلنا وبنزمر
ويا ويلنا لو فريق كرة قدم في قرية افريقية فاز على قبيلة صينية …يا حبيبي اضرب ولا تضرب
غير التكسير كمان.. وأكيد ….. وحتما رح بنزمر
هذه بعض من الصور التي نستخدم بها الزامور ….متى سيحدث ان نعتبر الزامور امرا غريبا ؟؟؟ ههههههههههههههههه حياة العرب كلها زموووووووووووووووووور هههههههههههههههههه