فلسفه حمار
عجبى عليك يا ابن ادم يا كبير الدار
قوّمت الدنيا وما قعدت لما قالوا عليك حمار
هو اسمى ده شتيمة ولا جسمى ده عار
خلقنى ربى وخلقك ومحدش كان له اختيار
وانا مهما زاد الحمل فوقى صابر ع المشوار
لا فى يوم اقول اشمعنى ولا اخويا اخد منه تار
ولا يوم ابص لرزق غيرى ولا اطق منه واغار
ولا يوم ارفع عينى على جارتى واصون الجار
ولا مهر ادفع لخطيبتى ولا شبكة ولا سوار
ولا شقة اجمع فى تمنها ولا اجهز دار
ولا مراتى لما تبقى حامل تتوحم وتقول عايزة كافيار
ولا بت تخرج عن طوعى و تجيب لى العار
ولا ابن يحشش ويهلوس ويقع ينهار
عايش فى حالى متهنى ولا احط فى بالى افكار
اكل اشرب انهق ومفيش اسرار
وابن ادم اهو عندى يخدمنى ليل و يا نهااااااااار
وان جعت يشترى لى برسيمى باغلى الاسعار
وفى مرضى يفضل يعالجنى ويدعى للستار
خادم امين من غير راتب ولا حتى ايجار
ودلوقتى عرفت يا ابن ادم
عرفت
مين فينا اللى حمااااااااااااااار!!!!!!؟؟؟؟؟