[center]ورسمت لك صورة
غنيت يا مصر
وقلت فيكى مواويل
وانشدت لك غنوة ولحنتها تلحين
ورتلتها تراتيل
بحبك يا مصر وبحب نهر النيل
حبك كلمة قليلة
ما تكفى شعب اصيل
حبك جوه فى قلبى
معنى عظيم وجليل
دا مصر كلمة عظيمة
فى المعنى او فى القول
حبك ملا الموازين
والكفة طول اميال
والحب لسه كتير
والشر منه قليل
بيتوزن بالكيل
قولى كتير قولى كبير
حبك فى قلبى كبير
ما يتوزن بالكيل
دا الشر عمره قصير
واخرته وحشة ونهايته يبقى قتيل
الخير عندك زيادة
وزيادته عمرطويل
قوى وقوتى صبرك
وعمرى ما ابقى هزيل
شامخ وما انكسر
ومحال انى اميل
رفعت راسك وزينتها باكليل
زهر وفل وياسمين
وريحتك بدمى
عنبر ومسك ونسيم عليل
وقتلت دمعتى فى قلبى
والبسمة رسمتها بايدى
ومعتشى حد حزين
ورسمت لك صورة
واضحة بلون جميل
بنيت فيكى التقدم
ورسمت لك مستقبل
اخضر لون الشجر
احمر واصفر لون البلح فى النخيل
اكدت فيكى على البراءة والامانة
وخليت الكدب قليل
ومحيت فيكى الفساد والخيانة
وشطبت كل النفاق والتهابيل
لونت ميتك زرقة
ناقية بطول النيل
ومحيت منك تلوث
وبقايا رفات الخيل
ورسمت لك جنة
خضره مليها الخير
ورسمتنى مذهول
مخبول مهبول مسطول
بحلم بحاجة خيال
وسالت نفسى سؤال
هل هذا شىء محال ؟
ام اننى فى خيال
وجنتى اطلال
وحلمت حلم كبير
تحقيقه صعب محال
بحلم بورقة وقلم الوان
ارسم بلادى مليها الجمال
وامحى الفقر والذل والجهل والفساد
وارسم السما صافية
والشمس فيها منورة
تضوينى بالامال
ونجومك فى السما طالعة
ومنورة السبع سماوات
هارسمك يا مصر نضيفة
خالية من الضلال
وهاسطر طريقك مستقيم
مفكيش حرام كله حلال
وهامنع اللقمة اكلها
طول مافيكى جعان
وعيشك فى دلال
يكفيكى مهر كام
هارسمك يا بلادى بلون السحر
وهارسم فيكى فانوس علاء
ادعكه يحقق المحال
هارسمك يابلادى فوق الخيال
وهاعيشك فوق السحاب
وابنى قصور طول الجبال
هازرع فى ارضك
كل شىء جميل
قولى عليا ساحر
قولى عليا اهبل
لكن انا رسام
بلعب لعبة مايرسم ينال
هارسم علم واقف بيادى التحية والسلام
موضوع: ورسمت لك صوره /منقول 
الجمعة 07 أكتوبر 2011, 10:50 pm
