موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الأربعاء 15 فبراير 2012, 8:46 pm
اممممممممم .... حياتنا مش بتقف على حد اكيد ... بس اكبر غلط ممكن البنى ادم يعمله فى حياته وفى نفسه ... انه ينسى حب بحب ... يعنى انا شايفه انه بيضغط نفسه وبيجبرها على النسيان ودا غلط ... لانه هيفضل يشوف فى حبيبه الجديد دا الصفات الى حبها فى حبيبه القديم ... وهيبقى الموضوع صعب لانه منسيش ... يعنى ساى مثلا ... انتى لو جبتى سجاده جديده لبيتكوا ... هتفرشيها على القديمه ولا هتشيلى القديمه وترميها وبعدين تفرشى الجديدة ... اهو بالظبط كدا الحب ... لازم عشان ادخل فى علاقه حب اكون متهيئه ليها وحباها ... مش معتبراها قرص مسكن لحبى القديم ... ولا عشان انسى بيها حاجه مش عايزة افتكرها ... لانها بالشكل دا مش هيبقى اسمها علاقة حب ... فقط مزيد من الالام لقلوبنا ... فاذا كانت بقى العلاقه دى علاقة ارتباط وزواج ... زوجى دا فوق راسى من فوق ... حاجه كدا ياجنه يانار فى الاخرة ... مينفعش ابدا اخونه حتى لو بتفكيرى ... ايوه اسمها خيانه لو فكرت فى حد غيره ... لو بقيت فى حضنه وانا بتمنى انى ابقى فى حضن واحد تانى ... صعب جدا الزوجة تشعر براحة الضمير بالطريقة دى ... وفرضا انها خلته ذكرى خاصه ليها وفى يوم من الايام قابلت حبيبها دا فى الشارع صدفه ... هتحنله .؟.. هتفتكر ؟؟... هتتمنى تشوفه ؟؟... مشاعرها هتتهز ؟؟؟ لو حصل حاجه من دول يبقى اسمها برضو خيانه ... البنت بالذات لازم تعيش لراجلها وبس ...حتى خيالها دا مينفعش يبقى مع راجل تانى ... عشان كدا لازم لما تقدم على الدلا إله إلا الله محمد رسول الله فى علاقه حب ومشاعر تكون واثقه ومتاكده من نفسها ... وكل مشاعرها وافكارها معاها ... منعا انها تتعب نفسها وتتعب غيرها وتعرف تتعايش وتعيش فى سعاده وحب مع جوزها ... العلاقه بين الزوجين ان مكنش فيها حب تبقى علاقه مجبره واغتصاب للقلوب ... او هتبقى علاقه ميته واحدة بايعه نفسها عايشه بتاكل وتشرب وتنام وتربى ولاد وخلاص ... والله اعلم برضو فيه بنات كتير ارتبطت فى الاول بازواج مش بتحبهم وبعد كدا حبتهم ... بس انها متكنش بتحبهم اهون من انهم يكون قلوبهم مع حد تانى ... وممكن البنت تكون فى وقت الموضوع شايفه انه صعب تنسى حبيبها وكدا بس بعد كدا بتبدا تتعود وترضى وتتاقلم مع الوضع وهكذا ... الايام كفيله بانها تغير حاجات كتير ... معرفش بس دى وجهة نظرى الى تحمل الصواب او الخطأ .. نهاية اتمنى ان يسعد الله قلوبنا جميعاا ويرضينا ويسعدنا ويسترنا ولا يفضحنا ... مشكورة لموضوعك سلمى واسفه للاطاله ... ليلى المسلمه
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الأربعاء 15 فبراير 2012, 9:20 pm
النسيان نعمه من رب العالمين والايام بتنسينا حتى لو تذكرته من وقت لاخر ونمضي في حياتها قدما وتعود من حين لآخر تسترجع الذكرى الجميله لاننا لو وضعنا الحبيب ده امام اعيننا طول الوقت لن نرهق الا انفسنا وستظل الذكرىكعقبة كبيرة تعرقل مضينا في حياتنا بسعاده ونجاح وراحة بال ثم ما ذنب الرجل الذي إرتبطت به كي أبعده عن دائرة إهتمامي الأولى وأتفرغ للماضي وذكرياته وأقضي عمري معه وأنا بداخلي أقارنه برجل آخر ليس من نصيبي ثم حتى ولو كانت المرأه 100% عاطفه بعد الزواج تتجزء هذه العاطفه لبيتها وزوجها وأطفالها ولن يصبح هناك تللك المساحه الكبيرة لحنين الماضي فهي تتضائل تدريجا وهذا من نعم الله علينا وإلا لخربت البيوت العامرة باسم الحب
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الخميس 16 فبراير 2012, 11:43 pm
ليلي
مفيش اطاله ولا حاجه بالعكس ردك جميل ومضبوط جدا ايه ذنب اللي هتجوزه بحبها القديم اذاكان مش عاجبها ومش عايزاه من البدايه مش توافق عليه هي كده هتظلم نفسها وتظلمه معاها ده الكلام ده علي الراجل المحترم اللي بيتقي ربنا
في جمله عجبتني اوي قولتيها
العلاقه بين الزوجين ان مكنش فيها حب تبقى علاقه مجبره واغتصاب للقلوب ... بس تعرفي امتي الست تفتكر ذكراياتها مع حبها القديم لما اللي متجوازه يسي معاملتها ومش يحترمها وتعيش معاه حياه تعيسه وتضحي بعمرها علشان تربي اولادها لكن لو كان انسان بيتقي الله وبيحبها ويقدرها ويكرمها استحاله هتفكر في حد غيروه ونصيحه لكل بنت مرتبطه براجل انها تحافظ عليه طالما انه محترمها ومقدرها وتحمد ربنا انها مش وقعت في راجل مالوش دعوه بالرجوله اصلا ذكر في البطاقه وبس
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الخميس 16 فبراير 2012, 11:45 pm
لميس
ممكن تنساه بحالة واحدة ان وجدت عند زوجها الحب والاحتواء الكافيين ليمحو بها اي اثر لحب قديم ومثلما قلتي المراة سيل من العطاء العاطفي قلب صادق ودود محب قد يثيرها اما ان كان الزوج من النوع الجاف والعواطف اخر همه فهنا يستحيل ان تنسى الزوجة حبها الاول وستجنح له في مخيلتها وذكرياتها كلما اضناها واقعها
وطبعا كل الكلام ده علي واحده لسه مقبله علي الجواز يعني مثلا مخطوبه وهتجوزوكانت بتحب قبل خطوبتها ومحصلش نصيب وفي الاول والاخر كل شي قسمه ونصيب لان في حالات مختلفه كتير الارمله تختلف عن المطلقه تختلف عن المخطوبه يعني مثلا الارمله بيكون جوزها المتوفي كان كويس وبتفتكره غصب عنها او يكون جوزها وحش جدا وتدعي عليه يموت كمان وكمان ههههههههه وبردوه اللي كانت متجوزه واطلقت تختلف لان ديه اكيد مش هتفتكر جوزها الاول في يوم من الايام كل واحده وظروفها بقا فاهمين حاجه ههههههههههههه
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ السبت 18 فبراير 2012, 1:04 am
ما الحب إلا للحبيب الأولي الجرح من ايده يطيب وينجلي لو راح عني وغاب وصد وقسى لو عشت عمري بلاه في هالحياة يكفيني من حبه غلاه والذكريات بحر الهوى يا سامعين ماله دوى مايروي قلب العاشقين مهما روى
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ السبت 18 فبراير 2012, 5:18 pm
بس يا محمد لو اتجوزت واحده وانته مش بتحبها وبتحب واحده تانيه وعايش علي حبها هتظلمها وتظلم نفسك اشد عذاب ربنا ما يكتبه عليك انك تعيش بجسدك مع حد وروحك وقلبك مع حد تاني تقدر تقول كده موت
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الثلاثاء 21 فبراير 2012, 1:41 pm
الله اعلم بشعور النساء ولكن لى وقفه ونظره ان الفكر شى خارج الاراده كثير منا لا يستطيعه منع عقله من الفكر بالسوء او الطيب فلفكرمن العقل والعقل اسمى من المخ وهو المهيمن على الجسد فلاتسطيع بعض الاحيان كبح جماحه كثيرا منا فقد عزيز على قلبه وحزن على الفراق ورقرقة دموعه على الفراق وحاول جاهدا على الخروج والنسيان ولكن تحدث المواقف فتذكرك بصاحبها وبلماضى دون اذن منك الفكر هو مرض يأتى بدون اذن وهو نعمه كما هو نقمه ولكن الاهم استغلال العقل وعدم الاستسلام للافكار عندما تكون هدامه
اسف انى خرجت عن الموضوع ولكنك سؤالك كان موجه للنساء ولكنى حبيت اوضح فكرتى عن منهجية الفكر ولكن لى كلمه اخير وهى لو النسيان نتحكم فيه كما نشاء لما سمعنا مقولة ان النسيان نعمه من الله عز وجل النسيان ليس بهين
لكى منى كل ود واحترام على مجهودك المثمر فى تقدم دائما ومن الامام الى الامام شرف بالمرور فى مناقشتك ســــــلمى
موضوع: رد: هل تستطيع الفتاة أن تنسى حبها وحبيبها اذا تزوجت؟؟؟ الأربعاء 22 فبراير 2012, 8:55 am
طبعا النسيان مش هين ومين قال النسيان سهل فيه ناس بتعيش وتموت علي ذكري من تحب مثلا انا تيتا كانت متجوزه صغيره اوي في سن 15 سنه ومات جدي وهي 23 سنه سن بنت لسه مش اتجوزت اصلا وبرغم كده عاشت علي ذكري جوزها 43 سنه شوف 43 سنه وفاء لذكري جوزها لانه كان محترم جدا وبيحبها وبيحب ولاده وماما كانت بتقولي ان جالها رجاله كتير اتقدموه ليها بعد وفاه جوزها لانها كانت جميله اوي ومحترمه وبرغم كده فضلت تعيش حياتها كلها علي ذكري جوزها لانها كانت دايما بتقول علي جدي الله يرحمه انها عمرها ما هتلاقي حد زيه مفيش حد في حنيته وعايزاه اقولك ان كان مرت علي وفاته سنين طويله بس تيجي سيرته تبكي عليه الله يرحمهم يارب جدي وجدتي ويجعل مثواهم الجنه انا خرجت علي الموضوع شويه بس بوريك ان النسيان مش سهل ابدا وممكن حد يعيش عمروه كله علي ذكري حب بجد
وموضوعي بقا اللي بتكلم فيه علي بنت تكون مخطوبه وداخله علي مشروع جواز وتكون مثلا مرت بقصه حب قيل جوازها ويكون خطيبها انسان محترم ومتدين وبيحبها وهي بنفسها تقول الكلام ده ديه بقا بعد ما تتجوز ومعاها راجل محترم بالشكل ده وبيعاملهامعامله كويسه جدا وبيتقي فيها ربنا تفكر في حب قديم وتظلمه ليه تروح تشوف بقا حياه بنت تانيه غيرها عايشه مع واحد مش عايزاه اصلا ومغصوبه علي الحياه والعيشه علشان ولادها اقصد ان اللي داخل علي مشروع جواز وهتجوز راجل بجد بيحترمها ويقدرها وبيحبها وبيعاملها معامله كويسه جدا تفكر في غيروه ليه !!!! ولو قولنا هتفتكر مواقف بتجمعهم سواء بس جوزها بادبه واخلاقه ده المفروض عقلها نفسه يرفض يفكر في غيروه
وزي ما قولت كلامي كله علي المخطوبه اللي لسه داخله مشروع جواز جديد لان في حالات مختلفه اللي كانت متجوزه مثلا واطلقت وكان جوزها وحش اكيد مش هتفكر في جوزها الاول ابدا لانها اصلا مكنتش عايزاه وهي متجوزاه اكيد بعد الطلاق مش هتفكر فيه ابداا والارمله لو حتي افتكرت جوزها اللي مات لازم تراعي شعور الزوج التاني ومش تفضل تجيب في سيرته كل شويه حتي ولو ان كان ميت
وطبعا في حاله تانيه خالص اتنين بيحبه بعض وظروفهم وحشه ومش يقدروه يتجوزه بعض ويكون هو انسان محترم وكويس وبيحبها بجد بس ظروفهم تمنعهم من الجواز ده طبعا نسيانه بيبقا صعب اوي بس لو اتجوزت واحد محترم وبيقدرها وبيعاملها بود ورحمه حتي لو فكرت فيه عقلها نفسه هيمنعها ويفكرها دايما بجوزها الكويس المحترم لكن اللي بقا غصب عنها واستحاله نسيانه ان اللي تكون كانت بتحبه انسان صادق ومحترم وظروفهم غصب عنهم منعتهم انهم يتجوزه وتتجوز راجل غيروه ويطلع بقا غيروه ده مش انسان ومش محترم ومش بيعاملها كويس وتكون عايشه مغصوبه وبتكمل حياتها معاه علشان ولادها اعتقد ديه محدش يلومها لو فكرت في حبيبها وافتكرت حبهم ومواقف حصلت ما بينهم ده يمكن تكون اصلا عايشه بالحب ده اللي بتهرب من واقعها المر الي ذكريات اعتبرتها بعمرها كله اظن الحاله ديه صعب فيها النسيان ......
وكمان حاله الارمله اللي كانت متجوزه راجل بيتقي الله ومحترم بردوه صعب جدا نسيانه ........... وحاله كمان مش اتكلمت عنها بنت اتجوزت غصب عنها غير حبيبها لان في بعض الدول العربيه ال لازم الواحده تجوز ابن عمها كده غصب طبعا عادات متخلفه وديه بردوه لو فكرت في حبيبها محدش يولمها اذاكان اصلا متجوزه مش برضاها يعني جواز باطل
معلش بقا طولت عليكم لكن الموضوع كبير وفي حاجات كتير يعني في حالات كتيره اوي وكلا علي حسب ظروفه بس موضوعي الاساسي عن المخطوبه اللي هتجوز انسان كويس جدا وكانت بتحب قبل ما تتجوز حق جوزها عليها طالما انسان محترم وبيتقي الله مش تفكر في غيروه وبتمنه للجميع حياه سعيده وموفقه ان شاء الله
الصــــــاعق وجودك في موضوعي شرف ليه وزاد الموضوع نور تشرفت بمرورك الجميل وردك الاجمل ادام الله لك احبابك وادام عليك الصحه والعافيه يارب دومت في حفظ الله
هل تستطيع الفتاة أن تنسى حبها وحبيبها اذا تزوجت؟؟؟
موضوع: هل تستطيع الفتاة أن تنسى حبها وحبيبها اذا تزوجت؟؟؟ 
الأربعاء 15 فبراير 2012, 12:36 am
