موضوع: قصة بنت اسمها حنين قصة حزينة جدااا الثلاثاء 20 يناير 2009, 12:39 pm
السلام عليكم ورحمة الله وبركاته
كتير كنت ببقى زعلان ومضايق لكونى انسان رومانسي جدا وقلبى نقطه ضعفى الوحيده اللى بنكسر ادامها وكنت كتير اتمنيت من ربنا انه يغير الصفه دى فيا بس لحد مااتطمنت ولقيت ان لسه فى ناس رومانسيه زيى ويمكن بزياده عنى كمان بس مالحقتش وافرح لانى شوفت ايه اخره البنى ادمين اللى زيى كده وانا راح احكيلكم الحكايه كان فى يوم من الايام وانا كنت بسمع الراديو فى برنامج اسمه انا والنجوم وهواك بيحكى عن مشاكل عاطفيه وكده وبيحاول حلها المهم كان فى اتصال واتصلت بنت رد اسامه مقدم البرنامج وقالها نتعرف عليكى ردت بصوت مرتعش وحزين بعمق وسالها اسامه بعد طبعا شويا كلام فى موضوع الحلقه وقالها انتى مرتبطه ياحنين قالت كنت مخطوبه قالها طيب وايه اللى حصل قالتله ناس الله يسامحهم بلغوه كلام عنى غير صحيح وهو صدقهم قالها وانتى فعلا عملتى كدا قالت ابدا طول عمرى بحبه وياما ساعدته ولسه بحبه لحد دلوقتى برغم كل اللى عمله معايا قالها يعنى ايه وقفتى جنبه وساعدتيه يعنى ازاى قالته هوكان تعبان واحتاج لنقل كليه وانا اللى اتبرعت له بيها يعنى انا حته منى جواه ياااسامه قالها ياااااااااااااااااه وازاى قدر يسيبك ويعمل كده قالته انا روحت وبوست ايديه تخيل يااسامه بس عمرى ماحسيت انى مثلا اتزليت له بس انا كنت بدافع عن حبى لانى فعلا محتاجاه مش عشان يقف جنبى لانى مريضه اسامه وقفها قالها مريضه قالت ايوا سالها عن مرضها قالت جالها كنسر سرطان نتيجه نقل الكليه صدمه اسامه مقدرش يتكلم وانا اتصدمت وانا بسمع والبنت كانت بتتكلم بهدوء جدا من خلال صوتها الحزين قالها لسه بتحبيه قالت له وهفضل احبه لحد اما ايامى الاخيره اللى بقضيها ومقدرش تكمل وقفلت انا فضل الموضوع ده شغلنى كتير وانا افكر فى البنت وهى صعبانه عليا لحد بعدها بكام حلقه من البرنامج واحده اتصلت على اسامه وقالت انها مامات حنين واترجت من خطيبها انه يرجعلها اصل البنت بتقضيها ايام وقالت كده بالحرف ودموع الام مش مفارقه الصوت ارجع لحنين فى ايامها الاخيره وبعدها بكام حلقه اتصلت الام وقالت ان حنين ماتت!!!!!!!!!!!!!!!!!!!!!!!!!! تفتكروا انسان زى ده ممكن يعيش طول حياته بذنب حنين الاجابه طبعا لا لانه اساسا نسى تضحيته عشانه وان فى حته منها جواه وانها مهما عملت ده لو كانت عملت كان حبها الكبير له اكيد كان يغفرلها اى غلطه انما هو قال كرامتى ومات الانسان جواه وحسبى الله ونعم الوكيل ياترى انا كمان نهايتى من نهايتها بسبب رومانسيتى ممكن ليه لا
موضوع: رد: قصة بنت اسمها حنين قصة حزينة جدااا السبت 21 فبراير 2009, 4:23 am
بجد قصة مؤلمة
الله يرحم صاحبتها ويدخلها جنته ويجازيها خيــر على ثوابها اللى عملته مع الانسان ده حتى لو كانت عملت المعروف فى غيــر اهله ويكون مرضها شافع ليها يوم الحســاب
ومعتقدش ان البنى ادم ده بعد عنها عشان بس كرامته او انه سمع كلام عنها مش كويس وصدقه لان اللى عملته عشانه حتى لو كان اللى سمعه حصل يغفر لها اى حاجة لانها حبته بجد لدرجة انها تتبرع له بحب ورضا بكليتها واللى كمان كان نتيجتها اصابتها بالكانسر
فعلا عملت المعروف فى غير اهله واكيد بعد عنها مش بسبب كرامته لكن هو انسان وصولى مصلحته اولا ولانه خلاص خف وبقى تمام معندوش استعداد يفضل جنب انسانة مريضة حتى لو كان مرضها بسببه وحتى لو كانت بتقضيها ايام
غريبة مكنتش اعرف ان فيه نوعية زى دى من البشر قلبها اتحجر للدرجة دى لحد ما مات
بس برضوو زى مافيه الوحش فيه الكويس وعشان يكون فيه شر لازم يكون فيه خيـــر ربنا خلق الدنيا على كدة عشان يكون فيه ثواب وفيه عقاب وعشان يكون فيه جنة لازم يكون فيه نار
عشان كدة الواحد لازم ميسلمش بسرعة ويعرف الاول هو بيتعامل مع مين وان كان اللى ادامه يستحق حبه وثقته وتضحياته ولا هتتقابل بالغدر والنكران
الرومانـســية والقلب الطيب عمرهم مايكونوا عيب لكن لما تكون مع غيــر اهلها بتتعب اوووووى
تســلم ايديك مزيــكاا على القصة المؤلمة والواقعيـــة
موضوع: رد: قصة بنت اسمها حنين قصة حزينة جدااا السبت 21 فبراير 2009, 12:38 pm
كل الشكرعلي هذه القصه الواقعيه ويقول الله سبحانه في محكم آياته مخاطبا المؤمنين قائلاً : بعد أعوذ بالله من الشيطان الرجيم بسم الله الرحمن الرحيم (( {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6 ))صدق الله العظيم وفي رأيي أن هذه الفتاة تسرعت فصنعت معروفا في غير موضعه ومع غير أهله .. فضاع !! ولكنه لوضاع بالدنيا فلن يضيعه الله في الآخرة سوف تجده بل تراها وجدته فعلا رحمه ونور جزاك الله كل الخير كل الشكر علي المجهود الكبير دمت بود ولك تحيتي واحترامي وتقبل مروري محمد أفندي
موضوع: قصة بنت اسمها حنين قصة حزينة جدااا 
الثلاثاء 20 يناير 2009, 12:39 pm
القصة جميلة جدا 
