حبك ساكن وجدانـى & مصــر& ام الدنيــا &

ده توبيك واحد كاتبه حسيت انى انا اللى بقوله ياريت تقروه

اكثر شعب أثار فضولي
هو الشعب المصري

واسمحولي اكمل كلامي باللغة المصرية

أنا مش بقول كده علشان إنها بلدي وبس

لا بجد وبالعكس ده اللي أنا ملاحظه

تحس كده انه شعب طيب جداا

شعب يبضحك .. ابن نكتة زي ما بنقول

حتى في المصائب بيضحك

ممكن تلاقي اكتر من ألف نكتة جديدة في اليوم بتتقال

متعة الشعب ده كتيييييرة جدااا

بس بجد احلى حاجه تلاقيها فيه

ان كلنا بنحب بعض وبنخاف على بعض

حلاوتنا ان اي حاجه بتحصل في الدنيا تلاقينا على طول بنتكلم فيها

بالذات الرجالة الكبار اللي طالعين على المعاش وهما قاعدين على القهوة

ناس تسمع منهم حكمة بتدل على سنين عاشها في تعب

علشان يجوز ابنه او بنته

تلاقيه بيرجع بيته يلاقي زوجة بتعمل الاكل

وتحكيله على كل اللي حصل طول اليوم

الراجل اخر الشهر بيرجع زعلان ومخنوق علشان مادخلش البيت ومعاه حاجه لولاده

واول الشهر ده عيدهم .

تلاقيهم بيتكلموا في الدين والعلوم وحتى الكورة..

وممكن كمان تلاقي الواحد راجع من بيته ونازل يقعد قعده جميلة مع صحابه اللي من ايام السبعينات

ويقعدوا يضحكوا مع بعض.. اللي يقول نكته .. واللي يتكلم في السياسة .. واللي واللي واللي.

احنا شعب دمنا حر .. حر جدا كمان

اجدع ناس ممكن تلاقيها بتشارك في القضايا المعاصرة

وتعمل مظاهرات .. ناس بتحب الحركة

مش بتحب تقف واقفة وحاطة ايدها على خدها

اجمل حاجه في مصر

تلاقي راجل غلبان بيبيع عيش

واقف جنب محل ودكان كبييير وفخم

تلاقي المدير.. صاحب الميكانيكي

تلاقي المسلم.. بيصاحب المسيحي

عندنا وحدة وطنية جميلة جدااا

الغلبان مش بيسال حد

ولو سال تلاقي وشه في الارض من كتر الكسوف

باختصار همنا على بعضنا

ويا سلام على ولاد الحارة الواحدة

رجالة بحق وحقيق ناس بتجيب عيشها بعرق جبينها

مش مهم المرتب صغير

المهم انه بينام وهوا راضي عن نفسه.

وعلى فكرة احنا برضة ناس بتتنرفز بسرعة شوية

بس مش على الفاضي والمليان

وناس خدومة بطريقة جميلة

يعني اللي يزور مصر .. باختصار البيت بيته

مش هضحك عليكم في ناس بتحب تعيش حياتها على ظهر ناس تانية بالنصب او او او

بس لو دخلنا جوا قلب الناس دي هتلاقي كمية من الحنان مدفونة.

عندنا الاهرامات .. وابو الهول .. والنيل

النيل ده بقى حكاية لوحده

أطيب قلب في العالم هو قلب النيل

مجمع طبقات المجتمع المختلفة في مكان واحد

جوا قلبه

تلاقي الراجل الغلبان بيصطاد سمك .. ومن جنبه تلاقي مركب كبير فيها سياح

على جنبه اليمين تلاقي المساكن الشعبية

على جنبه الشمال تلاقي الفنادق والعمارات العالية

بس ارجع مرة واحدة كده وبص معايا بتركيز شوية

هتلاقي ان الاتنين بيبوصوا على النيل

مش قلتلكم النيل مجمع كل شعب مصر

أطيب ناس عندنا .. النوبة

ناس طيبين بجد وتلاقي عندهم الدين بحق وحقيق

ناس غلابة جدااا بس أغنياء

غناهم طيبة قلبهم... وهما عارفين كده كويس

عندنا الأزهر .. ولما أقول الأزهر يبقى دين بجد

يبقى ناس بتخاف من ربنا

عندا مسجد الحسن والحسين والسيدة زينب

بس المشكلة اننا ماشين تبع عرف او تقليد من زماااان قوي

وده في حد ذاته مش جهل ..

شعب مصر .. مطلع علماء كتييير واسألوا التاريخ

علماء كانت بتذاكر على الشموع والمصابيح

اهلها كانوا طيبين جداا وغلابة

بس بصوا الناس دي طلعت مين

طه حسين .. نجيب محفوظ .. الطهطاوي .. الشعراوي .. زويل

ناس بتحب بلدها بجد

الشباب بقى دول حكاية تانية خاااالص

الولد ممكن يقول انا مش عايز اقعد في مصر علشان مافيهاش اكل عيش كويس

بس بالليل بيعيد حساباته تاني

وهوا مسافر بالطيارة .. بيبص من الشباك بصة اخيرة على بلده

وبيتمنى انه يسيب الدنيا ويرجع بلده تاني

ولو حتى اكل عيش وملح .. بس بلده

عارفين ليه ؟؟؟ لأنه مش هيلاقي حضن ادفى من حضن بلاده

حضن مصر

واسألوا الناس اللي عايشة بره مصر

مشكلتنا ..

اننا مش عارفين نوظف نفسنا بطريقة سليمة

علشان كده ممكن تلاقي نسبة بطالة عالية جداا

بس عندنا دماغ توزن العالم ده كله .. ممكن تقول ما فيش دخل كويس

علشان احنا نسبتنا كبيرة

بس برضه بنحمد ربنا على كل حاجه

عارفين اكتر حاجه مدايقانا ايه دلوقتي ؟

اللي بيحصل في العالم اليومين دول

بس برضه ادينا عايشين مرتاحين شوية..

مش هقدر اقول الا الحمد لله رب العالمين

انا مش عارف اصلا كتبت الكلام ده ليه .. ومش عارف اذا كنتم هتوصلوا لاخر كلامي ولا لأ

بس في حاجه جوايا حبت تكتب الكلام ده ..حبي لبلدي

حبي للغلابة للناس الطيبة حبي لصحابي ممكن يكون حبي ليكم

جمـــال.. فكرتنى بأغنيتين..

الاولى .. مشربتش من نيلها جربت تغنيلها

والتانيــة.. يبقى انت اكيــــــد فى مصر ..

والله انا مهما شفت سلبيات فى البلدى وفسـاد من بعض حكامها

معرفش ليه متخيلش ابدا انى ممكن اعيش فى بلد تانى ممكن اروح زيارات لكن اعيش فى بلد تانى متخيلش ابداااا

صحيح فيـــــــه حاجات كتيييييير مش راضيين عنها بس برضو بموت فى ترابها

تســلم جمال على موضوعك..

كل الود ..

جميل جدا

اكيد انت اكيد فى مصر

مهما تعبنا بدنيتنا ديما ساكن حبها بوجدانا اكيد

مهما سائت معاملاتنا مابين الناس

فيى ناس باقييه واخلاقهم باقييه

تسلم ودامت ايامك بكل الخير

تحياتى

متقلشى انت ادتنى اى مصر قول هتدى اى لامصر

dghsaaa

حبك ساكن وجدانـى & مصــر& ام الدنيــا & E17226f29f

موضوعك يجننن يا جمال

وزي ما قالت رووني البلد اللي عشت بيها واتربيت فيها صعب اقدر اعيش من غيرها

تسلم ايدك على الطرح الاكثر من رائع

كل الود ,,,

يسلموو روونى على مرورك الجميل

وتعليقك الرااائع

وانتى اصلا اخرك تروحى العتبه مش تخرجى بره مصر هههههههههه

ثاااااااانكس رونى

يسلمووو بسمه على مرورك الجميل

وربنا ما يحرم مصر منك ومن امثالك هههههههههه

ثااااااااانكس بسمـــه

يسلموو كااندلز على مرورك الجميل

وتعليقك الرااائع

ثااااااااااااااانكس كاااندلز

حبك ساكن وجدانـى & مصــر& ام الدنيــا & Df293

حبك ساكن وجدانـى & مصــر& ام الدنيــا & Df139

حبك ساكن وجدانـى & مصــر& ام الدنيــا & Cfny2jsscykon5j9cqgx

حفظكم الله ورعاكم

دمتم بود

محمد أفندي
حبك ساكن وجدانـى & مصــر& ام الدنيــا & Df121

مرسى استاذ محمد على مرورك

ثااااااااااانكس

موضوع مميز جدااااااااااااا

ننتظر المزيد من مشاركاتك

وابداعاتك المميزة دائما

حبك ساكن وجدانـى & مصــر& ام الدنيــا & 0jb0i2z8bqwxx68ldsyb

حبك ساكن وجدانـى & مصــر& ام الدنيــا & 05122ze

يسلموووووووو جيمى موضوع راائع ومميز

سلمت يدااااكــ

( مرااد _ نورى )

مرسى على مروركم الجميل

ثاااااااااااااانكس

» الدنيــا دى
» هيــا دي مصــر لا تعليــــــق
» احسك ساكن بروحي
» مشكور يا ساكن الروح
» اذا ضاقت بك الدنيــا اتصل على هذا الرقم....‏} ’’