موضوع: الشعب المصري ونظرية هي موته ولا أكتر الإثنين 04 مايو 2009, 10:19 pm
الشعب المصري ونظرية هي موته ولا أكتر
ما هو التفسير السيكولوجي السليم لرفع كثير من أصحاب محلات الفراخ شعار " الدفاع حتى أخر فرجه " ..
هو التفسير المهيسي السليم لتهريب بعض أصحاب مزارع لا مؤاخذة الخنازير إلى وادى النطرون والمناطق اللى مفيهاش صرّيخ بن يومين ..؟!،
بل وصل الأمر لحكايات غريبة جدا ولأن شر البلية ما يُضحك إسمحلي أن أقص على مسامع فخامتك هذه الحكاية .. شوف يا سيدي ..
حكومتنا الجميلة أخذت قرار إنها خلاص حتغلق كل محلات الفراخ ..ورغم انى موش بحب
أتشفى فى حد ولا أفرح بمصائب خلق الله بس موش عارف ليه قولت أحسن ..
أصل بتوع الفراخ دول فى الايام اللى فاتت إستغلوا الناس أخر إستغلال .. حتى إن سعر فرخة بتعاني من أنيميا حادة وصل لـ 30
مع إن سعر الفرخة بيطلع من المزرعة بأقل من ده بكثير .. وكل واحد بأه إيه يزود بمزاجه ويستغلوا الناس بعد لما اصبحت الفراخ هى أخر جنس
اللحوم اللى ممكن ياكلوه بعد أسعار اللحوم الحمراء اللى قربت تخرم السماء .. ولأن ربك موش بيفوت ولا بيرضى بالاستغلال جت حكاية إنفلونزا الطيور تطفو على
السطح من تاني وجاء قرار الحكومة بغلق كل محلات الفراخ .. والحكاية يا سيدى اللى عايز احكيهالك إن الحكومة بعتت ناس لأحد المحلات بتاعة الفراخ لإغلاقها
فإذا بصاحب المحل يتصدى لهم مدافعا عن اخر فرخة ومسك خرطوم أنبوبة البوتجاز ووجها لهم ومستعد انه
يشعل النار فيه وفى المحل وفيهم .. طيب ياسيدى يهديك يرضيك .. ابدا ..
وفى الواقع المواطن المصري لا يهمه انفلونزا الطيور ولا أنفلونزا الحنازير ولا بتاع ..هو بس بيهمه لقمة عيشة حتى ولو حيموت فيها ..
شوف مثلا العيال اللى بتهاجر على مراكب الهجرة غير الشرعية واللى المراكب بترميهم فى عرض البحر وعووووووم يا ابو العربي لشواطىء أتينا
الاخر بيطلعوهم جثث حتى الناجين منهم قالوا حنكرر التجربة تاني .. هو عنده لقمة العيش أهم من حياته .. فما قيمة الحياة بدون
ومرتب يحفظ للأنسان كرامته ؟! وعلشان كده المصري بيخش بقلب جامد مطبقا نظرية الاجداد ( هي موته ولا أكتر ) ..
ولو طبقنا المفهوم ده على حكاية أنفلونزا الطيور لإستطنعا إننا نفهم ليه الراجل بتاع الفراخ ده كان حيفتح النار ويحرق نفسه والناس والمحل فى سبيل اخر فرخة ..
فرغم ان الناس دى كونت خميرة حلوة من الفراخ إلا ان الكتير منهم عليهم ديون وفيهم اللى فلوسه فى السوق فلما يتقفل محله هو وعيلته حيتشردوا ..
وإنسى بأه إنك تفهمه ان نزل السوق فيرس جديد اسمه أنفلونزا الطيور ولا بتاع ولا صحة الشعب ولا الكلام من ده .. ولو حاولت
عليك ويقولك شعب مين ما احنا كده كده حنموت وتعددت الاسباب والموت واحد ومن لم يمت بأنفلونزا الطيور مات من الجوع والذل والقهر ..
فرغم إنى مع الحكومة فى موقفها من إغلاق المحلات دي لكن كان يجب عليها أنها تعوض الناس عن خسارتها
حس صاحب محل الفراخ ان حيكون فيه تعويض عن الخسارة دى لتسابق الناس إلى اغلاق محلاتهم .
أما إنفلونزا لا مؤاخذة الخنازير فهى اخطر من أنفلونزا الطيور وبالتالى التعامل معاها لازم يكون بطريقة أشد
وفعلا بدات الحكومة أنها تدبح كل الخنازير وحنسمعها خلاص سلام أودعك ..لكن بعض اللى بيكتبوا فى الصحف موش عاجبهم الوضع ده طب
ليه يا عم الحج ؟! يقولك اصلهم مسجلوش ولا حالة أصابة .. طب هو يعنى المفرض نستنى ؟! ..
ولما نسجل حالة أصابة ماذا يفيد البكاء على اللبن المسكوب ؟! ..بعدين احنا نقول مثلا استنى لو حنعمل إبادة لبقر ولا جاموس
لكن لا مؤاخذة الخنازير دي مين بياكلها فى مصر ؟! ولا ايه هى لزمتها اساسا ؟! والامبا شنودة قال انها موش حيوان مقدس عندهم ..
طب اشطة الكلام ادبح يا عم الحج إنت مستنى ايه .. وهى اصلا حياة الناس لعبة .. وحتى لو هى حيوان مقدس فحياة الناس
أهم حتى لو كان المصاب خرفان .. وطبعا لأنه موسم الخنازير أقصد موسم الكتابة عن أنفلونزا الخنازير لازم نلاقى طبعا ناس
دبوس خنزير وطالعة تهيس فى الجرايد .. واحدة كاتبة انه "بلاش نقتل الخنازير وان ربنا موش حرمها علشان هى وحشة
ولكن علشان هى مهمتها أسمى من ان هى تدبح" ..طبعا كلام لا يُقال اصلا لعيال فى حضانه ويكفى انك تكتب فى محرك البحث
موضوع: رد: الشعب المصري ونظرية هي موته ولا أكتر الإثنين 04 مايو 2009, 11:11 pm
(( ميدوووووووووووو))
فعلاااااا ما في حد بحس بالتاني يعني المفروض الحكومة دايما تكون بصف المواطن ولو بقدر بسيط تعوضه من الخسائر ..... كان عنا الرئيس أبو عمارالله يرحمه عنا هيك بعمل بساعد كتير من أفراد الشعب .
موضوع: رد: الشعب المصري ونظرية هي موته ولا أكتر الأحد 10 مايو 2009, 11:28 am
نــــــــــــــورى مراد ميرسى على الرد الجميل ده وانا عاوز اقول حكايه فعلن والله حصلت كان فى بتع فراخ عندنه المهم كان مفترى اوى اوى وكمان كان يعنى اغلاه من اى حد والناس كانت بتشترى منوه علشان يقوله عليه نظياف المهم الرجال ده عمل فلوس كتير من كده المهم اتجوز وكمان ربنا ادالوه اطفال وهوه ماحفظش على اطفلوه واكلهم حلال ولمه اطفالوه كبير بقاااا الكبير عندوه 8 سنين والصغير عندوه 5 سنين ربنااا قالوه هندم بلى انتا عملتوه وخلاه عيالوه ومراتوه نيمين الانبواب بتعات البوتجاز فرقعت الاطفال توفوه ومرتوه اتجنينت واتحرقت وهوه بقااااا اقل من ماكان طفل وربك بيقولك ياابن ادم كامه تودين تدان واستغفر الله العظيم