كلام من القلب للقلب

تعلوا كل واحد يفتح موضوع للمناقشة ونرد عليه كلنا ويبقى كلام من القلب
يلا نبتدى؟
انا هافتح موضوع مهم فى حياتنا وهو :
(التفاهم)
هل كلنا لدينا ملكة التفاهم مع الاخرين؟
وكيف نوصل الى معنى التفاهم الصحيح؟
وهل كلنا نتقبل وجهة نظر الاخر؟
انا شايفة ان حياتنا بدون تفهم الاخر وبدون ما نضع نفسنا مكان الاخر لكى نتقبل وجهة نظره تبقى حياة كله صراع لان كل واحد يريد سيطرة تفكيره على الاخر
ياريت تردو عليه وايضا تطرحوا موضوع اخر
   

فعلا يابسمة عندك حق التفاهم هوسر حل اى مشكلة
وموضوع الصداقةالحقيقية موضوع فعلا هام جدا واعتقد ان الصداقة الناجحة لها شروط وهى:

اولا: الاختيار السليم للصديق
ثانيا: كتمان اسرار الصديق
ثالثا: ان تحب صديقك فعلا مثل اخوك وتعامله على هذا الاساس
رابعا: ان تنصحه وليس تنقده
خامسا: ان يقف كلا منكما جانبا للأخر فى وقت الضيق قبل وقت الفرح
سادسا :ان يكون هذا الصديق يشبهك الى حد ما كى تتفاهمه بعضكما
اكيد فى حاجات ثانية كثير بس دول الى قدرت اكتبهم
وياريت كل الاعضاء يشتركوا معانا
انت فين يامراد انت سالم وموناليزا يلا اشتركوا معانا

موضوعين اكر من رووووووووووووووعه

بالنسبه للتفاهم

انتو معاكو حق في اكيد بس تتصرفى ازاى لو وصلتى لنقطه مع اللى قدامك نقطة باب مقفول خلاص معتش قادر يفهمك ولا انت تفهمة

موقف حصلى فعلا والتفاهم موصلناش لاى شئ غير ان الفجوه كبرت وهنا التفاهم محلش شئ

لان كل منا مصر على تنفيذ رايو

واوقات بيبقى اللى بره الموضوع بيشوف الموضوع بشكل واللى جوه بيشوفو بشكل تانى

وبردو هنا التفاهم بيبقى صعب

ثانيا الصداقه

الاختيار السليم تمام جدا

بس فى اوقات بنختار على اساس معين وفموقف صعب بجد بيبان انو ميستاهلش اختيارنا وده مكنش باين فالاول

مبنش غير فموقف شده وطبعا مش كل واحد هختاره صديق هعملو اختبار مواقف شده

لكن من رايى ان بل الاختيار يبقى حسن النيه وحسن الظن ومهما حدث فلن نندم لاننا تقدمنا بحسن الظن

الصديق لو صح بيكون اكتر من الاخ وليس فى معزته فقط

يعنى الاخ فى حاجات كتير ومواضيع كتير نتحرج نفتحها معاه

لكن الصديق بنقولو كل شئ وبكل صراحه من غير كسوف

مثلا مواضيع الحب وخلافه

ودمتم بكل خير

تقبلو مرورى

وثانكس عالمواضيع الرائعه دى

شكرا لمرورك وعلى مشاركتك برأيك فى الموضعين
وأنا معاكى ان فى بعض الاوقات بيكون التفاهم صعب وأحنا بنتكلم على ازاى نخلق التفاهم بينا أى ما علينا تجاه الاخر