** لو انت مكاني هتعمل اية ** ادخل وجاوب **

موضوع انهردة

موضوع ممكن يتكرر مع اي حد


وكتير بيحصل وحابة اعرف رئيكم






ياتري لو انتي او انت واقف في الجامعة في امانة الله
.
.
.


وفجأة

.
.
.


وبدون اي سابق انذار

.
.
.

وعلي غفلة

.
.
.







لقيت واحد


قريبك او زميلك او حتي صديق


قدامك بيقولك بحبك وعينيك في عينية


هتعمل اية ساعتها ؟

الأستاذه الفاضلة


موووووون

أشكر لكم موضوعكم الجميل وأسلوبكم المعبر

فعلاً موضوع رائع وممكن أي فتاه تتعرض له

بس كلمة بحبك إذا اتقالت بسرعه هتروح بسرعه

أما إذا كان ليها خلفيات قويه .. مثلاً استلطاف متبادل ... أو يكون هذا الشاب به بعض صفات فتي الأحلام

فهنا يختلف الأمر .. وعلي الطرفين التروي والتأني في مثل هذا القرار الهام جداً الذي يمكن أن يبني عليه

قرار مصيري وهو الزواج ... فمثلاً يكون الرد تحت مظله شرعيه أمام الأهل بالمنزل بعد تكرار كلمته لك

أمامهم بصوره رسميه معلنه

وهنا لي رأي شخصي مهم جداً

وهو أن يكون هذا الشاب المتقدم به صفات الخلق الجيد ... وأيضا ملتزم بدينه بصوره معتدله

وعندما ننظر في هاتين الصفتين أو نبحث عنهما ..... لا نهون من أحدهما ( الصفتان ) وأيضا لا نهول منهما

واتمني لكل بنات المنتدي ....... كل السعاده والهناء

وطبعاً ليكي انتي كمان يا موووون

حفظكم الله ورعــــــاكم وسدد علي الخير خطاكم

دمتم بود وتقبلوا تحيتي واحترامي

وكل عام وحضرتك بخير

اولا موضوع جميل جدا

ونقاش هادف ومفيد وبيحصل للكل فعلا



انا حصلتلى قبل كده مره وكان موقف بجد مشكله



قلبت الموضوع ضحك وخلعت

بصراحه معرفتش ارد فوقتها

ولا بعدها وبقيت اتفاداها مش اكتر

وخصوصا ان الموضوع كان بينا مجرد صداقه لا اكثر

يعنى بدون مقدمات وخلافه

انا بحبك وش كده

قولت وانا كمان بحبك وضحكت وهزرت وقولت نكته يمكن

وبعدها قولتلها سورى ورايا معاد مهم استاذن انا

وانشاء الله اشوفك بكره ومر اسبوع على بكره ده

وانا اتفادى اللقاء بس طلعت ذكيه وفهمت



موضوع رائع

تقبلى مرورى مون

موضوع رائع مون ومميز

انا حصل معايا موقف يشبه كدا
جرنا هو فاتح سنترال فكنت بتكلم من عنده وبعدين لقيته بيسألنى ( هو فى حد فحياتك )
طبعا انا اطلخبت وقولتله لأ ومشيت على طول

مع العلم انى اعلم انه يحبنى وانا كمان احبه بس لم يعلن لى هذا احترام لاخويا اللى هو صاحبه واحترام للجيرة

وانا طبعا استحاله انى ابينلو حاجه من مشاعرى تجاه اذا الا كانت بصوره رسميه زى ما قال استاذ محمد
واحنا دلوقتى مخطوبين الحمد لله وكلمه بحبك ديه منطقاهاش الا بعد مرور 6 سنوات على السؤال يعنى قلهالى يوم خطوبتنا وكنت فرحانه جدا ومكسوفه جدا

يعنى مرور السنين ديه وهو صابر ورافض الجواز من حد غيرى يعبر عن مدى الحب الحقيقى
من غير ما يقولى بحبك

انا شايفه ان اى بنت لابد ان تاخد بالها مش اى حد يقولها بحبك يبقى بيحبها فعلا لانها كلمه سهله على بعد الشباب لكن الحب افعال وليس اقوال

وانت يا ستاذ رامى البنت هلى اللى قلتلك سبحان الله هى الدنيا اتقلب حالها ولا ايه

ده انا قلتها لخطيبى بعد عزاب معلش طولت عليكو

استاذ محمد


نورت الموضوع واسعدني ردك جدااااااااااااااا

رامي


اسعدني ردك الجميل

وميرسي اوي علي رئيك الجميل دا

الاميرة الغامضة


شرفني مرورك وردك وتعليقك الرائع