موضوع: اسباب نجاح التعليم فى مصر التعاون والالفة بين الطلاب....... الإثنين 24 مايو 2010, 12:41 am
اسباب نجاح العملية التعليمية فى مصر........!!!!! مصغرة بنسبة : 84% من الحجم الأصلي [ 604 x 453 ] - إضغط هنا لعرض الحجم الأصلي
اسباب نجاح عملية التعليم فى مصر
اكبر مشكلة نعانى منها فى مصر بعد البطالة مشكلة التعليم التى لم يتوصل احد لها مهما مرت السنين وتغيرات الوزارات لان ولم تتغير العملية التعلمية فى مصر التى تعتمد على الكم وليس الفهم ولذلك يتخرج الطالب بعد عذاب دام طويل لة وللاسرة والمحصلة = صفر
اسباب نجاح عملية التعليم زمان تفتكروا لية الناس زمان كنت تكلمها تحس انهم علماء فى مجال تعليمة يعنى طلاب الازهر مثلا استحالة تلاقى طالب فاشل وطالب ناجح وطالب نص نص الكل بيسعى لتكون المحصلة لدية واحده بيحب المجال بتاعه وعاوز يحقق فية شىء , الايام دى الناس بتدور على التعليم اللى هيوفر لها شغل سواء هو حابة او لاء وعشان كدا مش فارقة معاه يفهم او لاء هو بيذاكر عشان ينجح اسال اى حد فى مجالة بعد التخرج ولا هو عارف اى حاجة فى اى حاجة والمبرر احنا بنتعلم عشان الشهادة انما الشغل وضع تانى خالص مش من اللى احنا اتعلمناه وعدم الاهتمام ايضا لانه ممكن يكون خريج تجارة مثلا ويعمل فى الزراعة يبقى مهندس زراعى مثلا وبتاع خدمة اجتماعية تلاقية شغال محاسب اى وظيفة فى اى مكان والمهم انه يشتغل طيب اية لزمة التعليم فى مصر ..........؟؟؟؟
الطالب من او يوم لية فى التعليم او حاجة بيفكر فيها ازاى انجح مش ازاى اذاكر عشان انجح مش مهم المذاكرة المهم الوسيلة المضمونة للنجاح وما اسهل طرق النجاح الان نبص دلوقتى تلاقى المدرس عامل حاجة حلوة اوى اعلان ويتوزع فى المدرسة او على الحوائط وعلى اعمدة النور الاستاذ محمد احمد مثلا مدرس كيمياء ( شرح +امتحانات+ ملخصات+مراجعة ليلة الامتحان+ وده الاهم اسئلة الامتحان) وكل دة ب500 جنية فقط ويكوع الاب الفلوس عشان الواد ينجح بقى ومالة وكل المدرسين بيعملوا كدا يعنى بدل ما كان الطالب بيروح المدرسة ترمين ويفضل رايح جاى وشايل كتب زى الاتب على ظهره وعلى الامتحانت تلاقيه بيموت من الدح فى المذاكرة دلوقتى خلاص الزمن ده راح مع كبسولــــــــــــــــــــــــــة النجـــــــــــــــــــــــــــــاح بقت السنة شهرين الامتحانات شهر فى الترم الاول وشهر الترم الثانى
ونيجى نسمع بقى الخطط المقدمة لتطويرعملية التعليم المطروحة فى مجلس الشعب العضو الفاضل يقول : احنا لازم نخلى الطالب يستفيد من التعليم اكبر استفاده الله ينور عليك ياسيدى عضو نبيه اوى طيب ازاى ياعم العضو نزود المناهج عشان نزيد ثقافة الطالب ليلائم العصر الحالى خاصة اننا فى عصر الكمبيوتر والانترنت ماشى ياعم العضو جزاك الله خيرا يقوم عضو تانى لطيف اوى يقول انا اعترض لية ياعم يقولك كدا نظام خمس سنوات الابتدائى غلط لازم يبقوا 6 سنين لية ياعم السنة دى هتعمل اية يعنى يقولك بتقرب الفجوة بين الابتدائى والاعدادى ماشى ياعم نزود سنة ابســــــــــــــــــــــط يقوم عضو جميل اوى بقى يقولك اية يعنى هو زود سنة طيب انا بقى عاوز الثانوية العامة سنتين ونلغى اول سنة ويبقوا السنتين التخصص بس السنة الاولى دى ضياع وقت على الفاضى
ناس عايشة فى الثلاجة دماغ فى التراوة احنا عندنا مناهج ولى عليها الزمن الناس بتتعلم على الكمبيوتر واحنا هنا لسة بندقدق بزلطين وعاوزين نشوف علماء ونبغة بالذمة ده اسمة كلام الله يرحمك ياطه حسين
ممكن حد يقولى الصورة دى ممكن يكون منها عالم ولا حتى مدرس .....؟؟؟!!!!!
موضوع: رد: اسباب نجاح التعليم فى مصر التعاون والالفة بين الطلاب....... الثلاثاء 25 مايو 2010, 7:30 am
(( emadon))
موضوع مهم وشيق
أسباب عوامل النجاح كتيرة
أول شئ بتوقف على حب الطالب للعلم والتعلم .... وده بطلب منذ الصغر غرس هذا الحب بقلبه عن طريق حبه للمدرس والمدرسة .. وهذا ينتج عن طريق معاملة الاستاذ للطلاب بالفصل وخارجه
ثانيا .. مراعات الاساتذه لضمائرهم في التدريس
ثالثا.. مدى اهتمام أولياء امور الطلاب .. وعدم إنشغالهم عن اولادهم .
رابعا ... اهتمام الحكومة .. وذلك بتوفير كل موقومات التعلم .. من مدارس وكتب ومدرسيين مؤهليين
موضوع: اسباب نجاح التعليم فى مصر التعاون والالفة بين الطلاب....... 
الإثنين 24 مايو 2010, 12:41 am
مصغرة بنسبة : 84% من الحجم الأصلي [ 604 x 453 ] - إضغط هنا لعرض الحجم الأصلي
