ملتقى الاراء فى الشارع المصرى

فكرة جيدة جدا ..... انا لسة قرات الموضوع النهاردة

على فكرة انا هتكلم فى موضوع البلدية الاول وانا مع أ / مراد فى تخصيص مكان معين للباعة

بس أحب اقولك حاجة عندنا فى المنيا لما الحكومة جت تحل هذة المشكلة (مشيت بمبدأ حل الخطأ بخطأ) قامت الحكومة المبجلة بمصادرة أراضى زراعية للفلاحين البسطاء وبنت عليها سوق ومبانى للسكن طبعا الفلاحين قلبوا الدنيا خدوهم أمن الدولة
(وحضرتكم عارفين امن الدولة فى المنيا يعنى اية)
وبعد كدة طلعوا الفلاحين ساكتين مبيقولوش غير حسبنا الله ونعم الوكيل
وعطوهم ملاليم مقابل الاراضى اللى خدوها

شفت الحكومة حلت المشكلة ازاااااااااااى


على فكرة ياأميرة موضوع الهجرة غير الشرعية مش ماشى فى مصركتير
رأيى المتواضع ان نغير الموضوع على سبيل المثال :-

(الفساد المالى - الفساد الادارى - الرشاوى - دخل قناة السويس - الغاز اللى مش لاقينة -
- سلطة عسكرى الامن - البطالة - القنوات الفضائية الهابطة - حوادث الطرق العامة -
- العنوسة - تأخر قطارات سكك الحديد - التعليم التركمى)

بس كفاية انا قلبى وجعنى والله والضغط بيرتفع على الواحد

ياريت تبعتى رسايل للاعضاء للاشتراك فى هذا النقاش المفيد

شكرا لمجهودك


بلاش كلمة احنا فى بلد ديمقراطى

موضوع هام وخطير يخص امة وليس شعب

ويمكن انا عشت الموضوع دة لما كنت بسافر للكلية
كنت بسافر الساعة 6 الصبح أوصل 8 الصبح .... طبعا المحاضرات بتبدأ س9
فالشباب بدون تردد بيروحوا على المقاهى ليستمعوا أحدث الكليبات لمدة ساعة كاملة
(تحس ان اصحاب المقاهى واخدين توكيلات القنوات الغنائية)

طبعا الحل يقع على عاتق الحكومة عامة ووزارة الاستثمار خاصة التى توافق على بث مثل هذة القنوات
واريد ان أذكر الحكومة والوزارة ان البند الاول للقانون المصرى هى :-
الشريعة الاسلامية الحاكم والمرجع الرئيسى للدولة

ياجماعة دى وصل الامر ان بيعرضوا كليبات اجنبية

بس مكدبش عليكوا العيب فينا لان شباب كتير بيتصل بهذه القنوات ويرسل رسائل
واحنا طبعا عارفين ان دة كلة بيدخل ملايين ليهم اللى بيخليهم يعرضوا اكتر من كدة

أحصائية
(مليار جنية سنويا تنفق فى رسائل القنوات الفضائية)
فأرجوا من الشباب عدم اهدار اموالهم فى مثل هذة التفاهات لان الواحد هيسأل عن مالة

والله توجد قناة تسمى الامة (دينية) أغلقوها لانها تأخرت فى سداد القسط الشهرى

فإن كان الخطأ يقع على الشباب بنسبة 20 % فعلى الحكومة 80 %

والامر بيدنا اما ان نستمع قناة ........ أو نعف نفسنا وأهلنا بقنوات دينية هادفة

وادعوا الله ان يهدى اصحاب هذة القنوات أو يأخذهم أخذ عزيز مقتدر


وادعوا من الجميع المشاركة وابداء ارائه
شكرا اميرة على هذا الموضوع ونتمنى لكى دوام النجاح

ان مشكلات الشارع المصرى بقيت اكثر من مشكله عاديه

فاصبح الان فى الشارع المصرى ملتقى لكل اوبئت المصريين وحتى العرب

لقد انتشرت المخدرات والارهاب والمعاكسات بتاعت الشباب للبنات وايضا التحرش بالالفاظ

او الحركات المشينه

التى تنها عنها كل الاديان السماويه من الاسلاميه الى المسيحية وغيرها وغيرها

وكل هذا بسبب البعد عن الدين وعن المساجد او الكنائس او الاديره

والدوله لاتستطيع ان تفعل شى لو حدها يجب على كل اب او ام ان يتابعوا اولادهم

فلقد اصبح الشاب يعتقد ان السجائر هى التى تعنى انه رجلا ناضجا

والبنات تعتقد انها اذا لبست الملابس الضيقه والتى تعتقد انها هذكا محترمه وتقول ليس زنبى اذا

عاكسها اى شاب

ويقولون الارهاب وحاربو الارهاب ان الارهاب ياتى عن طريق اشخاص ليوا بمسلمين او حتى مسيحين

انهم اشخاص ليست لهم مله او دين حتى يقتلوا اى شخص ويتركوا بدون ان يعاقبو

هل هذه هى مصر بلد الامن والامان البلد التى تحدثة عنها كل الاديان السماويه بالخير

هل هذه مصر بلد الخير

وايضا هل هذه مصر التى تعلم العالم كله كيفيت البناء والطب وكل شى

من قديم الازل من ايام الفراعنة

والان اذا استطاعت مصر ان تصنع قلم رصاص نقول هذ انجاز

فنحن جيدين فى صنع الاشاعات والكذب والاوبئه

هل هذه هى مصر فعلا

سوال يطرحه الجميع ولكن ماهو الجواب ؟


وتسلم ايدك اميره على الموضوع الجميل مشكوره اختى العزيزه سلمت يداك ويعطيك العافيه






العاشق المجروح
ديـــــــــفــــــــيـــــــــــداس

السلام عليكم ورحمه الله وبركاته

اولا الف شكر لصاحب هذا الموضوع الرائع الذي لم اتمالك نفسي الا للرد عليه.

ثانيا:اود ان اطرح عليكم مشكله من مشاكل الشارع المصري وهي

اجور الموظفين .
وانا المس هذه المشكله لاني مع الاسف واحد منهم

نري في مصر ان كل من له سلطه او مركز وظيفي رقابي او تنفيذي ذو دخل ضئيل

ولا اعرف الحكمه في ذلك.

مثل

مأمور الضرائب,مفتش التموين,مفتش الصحه

ولا اعرف الحكمه الرشيدة في ذلك .

مع الاسف فأن سلطة كل هؤلاء سلطة واسعه وتنفيذيه

مما يؤدي الي:

تفشي الرشاوي وخراب الزمم الا ما رحم ربي

والاغلب يلجأ الي العمل في وظيفه ثانيه لسد الحاجات الضروريه

ويعمل كالطاحونه ليل نهار.

فما رايكم في ذلك.

انا شايفة تفاعل هايل من الاعضاء بشكركم جداااااااااا

وياريت نكمل تفاعلنا وأرائنا

اقتباس :

السلام عليكم ورحمه الله وبركاته

اولا الف شكر لصاحب هذا الموضوع الرائع الذي لم اتمالك نفسي الا للرد عليه.


الله يخليك استاذ البارون

ثانيا:اود ان اطرح عليكم مشكله من مشاكل الشارع المصري وهي

اجور الموظفين .
وانا المس هذه المشكله لاني مع الاسف واحد منهم


وانا كمان والله

نري في مصر ان كل من له سلطه او مركز وظيفي رقابي او تنفيذي ذو دخل ضئيل

جدااااااا

ولا اعرف الحكمه في ذلك.

مثل

مأمور الضرائب,مفتش التموين,مفتش الصحه


ولا اعرف الحكمه الرشيدة في ذلك .

مع الاسف فأن سلطة كل هؤلاء سلطة واسعه وتنفيذيه

مما يؤدي الي:

تفشي الرشاوي وخراب الزمم الا ما رحم ربي

والاغلب يلجأ الي العمل في وظيفه ثانيه لسد الحاجات الضروريه

ويعمل كالطاحونه ليل نهار.

فما رايكم في ذلك.

عندك حق استاذ البارون مفيش تكافئ فى البلد وناس عايشة مراتحة وناس بتشقى وتتعب ومش لقية

انا واحد من الناس بشتغل مدرسة كمبيوتر بقبض 250 ج ومدرسة خاصة كمان

وطبعا المرتب بيضيع فى المواصلات والفطار

بس بشتغل عشان اضيع وقت واخد خبرة

وده حال ناس كثير مش عارفة البلد الوحيد تقريبا اللى مرتباته مش على قد الغلو اللى احنا فيه





ارحمينا ياحكومة وحس بينا ياصاحب القرار

مووضع مميز

ما شاء الله مجهود رائع