عمل بلا أي معنى

أولا انا حاولت كتابة الموضوع بالعربية وليس بالعامية
لسهولة قرأته لجميع الاعضاء من جنسيات مختلفة
فعذرا لو وجد خطأ املائي او تعبيري

انا عضو من فترة صغيرة بهذا المنتدى القيم
ولأول مرة اتعرض انا وبعض من زملائي الاعضاء لموقف من هذا النوع
اجراء تعسفي لا هدف له على الاطلاق والاسباب غير موضوعية

من الذي اتخذ هذا الاجراء؟
مع الاسف مراد او الاستاذ مراد ان كان لابد من الالقاب

في هذا الموضوع
https://mouradfawzy.yoo7.com/montada-f12/topic-t10963.htm#102170
كتب احد الزملاء لتحليل شخصية احد الاعضاء
موضوع الهدف منه التقرب والتفاعل بين الاعضاء
بطرق جميله وظريفة كتب العديد من الاعضاء جمل وعبارات الهدف من بعضها كتابة
رأيه بصراحة والبعض المداعبة الجمليه للعضو الذي يلتف حوله الموضوع او احد
الاعضاء المشاركين بالموضوع
كل شئ كان على ما يرام

وبدون أي سابقة انذار او تحذير يتم حذف اكثر من تعليق
مع العلم ان التعليمات التي قد وصلتني في رسالة من الاستاذ محمد افندي لم
يتم تجاوزها على الاطلاق
وكان الحذف من الاستاذ مراد مبرر باسباب غير موضوعية اسباب فقط تترأى له
هنا يجب ان اكتب اول موضوع لي

اولا الاستاذ مراد قدم كلمة للاستاذ محمد افندي و للزميلة الاميرة الغامضة
بأن تصرفه بعد أزنهم أي بعلمهم وبموافقتهم
فهل تم ذلك فعلا؟

ثانيا الاستاذ مراد اعتقد ان التعليقات كانت خارج الموضوع
وحده اعتقد ذلك والاجراء كان سريع
التعليمات الذي كانت مرفقة بالموضوع لم تتحدث عن حذف التعليقات التي "ليست
في صلب الموضوع" على حد تعبير الاستاذ مراد
كيف يا سيدي؟ وهل يتوجب علي تحري كل الدقة في كل تعبيراتي وان اتأكد انها
توافق الموضوع كليا من وجهة نظرك

ثالثا الاجراء اتى بدون انذار حتى الانذار لن يكون اجراء لطيف كان يجب
التنويه بطريفة بسيطة ومقبولة

رابعا القيمة المعنوية
كبف تتوقع التفاعل بين الاعضاء وانت تمارس سلطتك دون الترفق بزملائك او
تحذف لمجرد انه من صلاحياتك الحذف

يا سيدي لقد سببت الكثير لي من العناء عندما قرأت رسالتك وانت تتحدث بعدها
في موضوع اخر دون حتى الاعتذار لهؤلاء الذين اتخذوا من وقتهم ليكتبوا هذه
الكلمات وان كانت بسيطة

استهنت كثيرا استاذ مراد باعضاء زملاء لك

ولعلك تقوم بحذف موضوعي هذا بدون سبب ايضا

الاخ باسم انا قريت موضوعك ده

بس

الحقيقة انا مش هقدر افيدك برأى لانى مكنتش شفت تعليقك اللى تم حذفه اصلا

لكنى اعرف ان مـــــــــراد بيراعى الاعضاء جدا

احنا قبل مانكون مديرين ومشرفين هنا كنا اعضاء ف منتديات تانية برضو

وكنا برضو بنزعل من بعض القرارات فأكيد مش هنيجى نكررها احنا

واعتقد انه مش بيحذف حذف تعسفى ولا حاجة

هو مفيش بينه وبينك حاجة واعتقد انه ميعرفكش الا من خلال المنتدى مواضيع وردود ليس اكثر

بمعنى ان مفيش سبب يخاليه يتعسف معاك او حسب كلامك مع زمايلك كمان

هو اكيد ليه وجهة نظره فى ده واللى تحترم

زى ماكلامك انت كمان يحترم

وعموما يا سيدى متزعلش

نورت منتدانا بيتك التانى ولو انها جاية متأخر شوية ..

وفى انتظار تعقيب مـــــــراد
..

استاذ باسم طبعا عندك حق ان تصاب بنوع من الغيظ

ولكن صدقنى من الموكد ان استاذ مراد عنده اسبابه والتى سوف يناقشها انشاء الله معك

وانت لاتعرف استاذ مراد فهو اكثر من اخ لنا مع صغر المده التى تعرفت فيها عليه

ولكن هو اخونا الكبير وناسف اذا كان مسح مساهمتك ناسف لك بالنيابه عنه

ولكن عندما توتيح لك الفرصه وتتكلم مع مراد سوف ترى كم هو صديق واخ فعلا

ولايستغل اى من سلطاته او نفوذه ضد احد انما من الممكن ان يفعل هذا فقط لمصلحتك

وعندك حق كان من الواجب ان يتجه الى محمد افندى او اميره غامضه

ومن الممكن ان يكون عنده حق فى ان المشاركات خارجه عن الموضوع

لان الموضوع يتكلم عنه هو وليس عن احد غريب فلهذا يعرف مايسوء اليه وما لا يسوء اليه

وكيف تكتب كلام ليس يعبر عن الموضوع اساسا

هذا يدل على عدم احترامك للموضوع وصاحبه


وانشاء الله عندما تتعرف على استاذ مراد سوف ترى مدى انه لايتبع اسلوب الديكاتوريه

وستردى انخ اكثر من اخ لكل الاعضاء وحتى الزائرين

وارجو ان لاتاخذ عنه فكرة ليست جيده دون ان تعرف الاسباب

وقال الله تعالى:
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

هلا باسم منور المنتدي

طبعا اسم الموضوع وطريقة كتابتك ليه تدل اني عملت فعل جبار وظالم

والموضوع مش كده خالص طبعا

اولا الموضوع بتاع تحليل الشخصية الغرض منه تحليل شخصية العضو المختار في الموضوع

وكل عضو فيكم دخل كتب التعليق بتاعه وخلاص

وبعدين لقيت الردود اخدت شكل تاني وخرجت بره صلب الموضوع

فحذفت جميع الردود التي لا تتناول تحليل شخصية الاخت الاميرة الغامضة

وهقولك حذفت ايه بالظبط

وطبعا مش هفتكر اسم صاحب الرد

اولا رد مكتوب فيه شكر للعضوة رنا علي مواضيعها الجميلة

رد تاني من رنا تعارض فيه راي احد الاعضاء في تحليل رنا

وبتقول رايها في الرد

فحذفت الرد طبعا

وحذفت كل الردود اللي رنا كتبتها واللي انتم رديتم فيها علي رنا

المفروض الموضوع خاص بالاميرة الغامضة

وهي فقط من لها صلاحية الرد علي الردود فيها

اما يجي موضوع خاص بتحليل الاخت رنا تبقي تدخل تعلق ان شاء الله علي ردودكم

ثم اني حذفت الردود بس خارج الموضوع

وسيبت ردود تحليلكم للاميرة الغامضه

لو كان اجراء تعسفي كنت طيرت جميع الردود بما فيها ردكم اصلا

وشكرا علي مناقشتكم الموضوع

لو حضرتك فاكر الردود بالظبط اللي انا شيلتها ياريت تقولها

اوك رنا

بس المفروض هي اللي ترد مش انتي

وان شاء الله اما نبقي نحلل شخصيتك بقي ابقي ردي زي ما انتي عايزة

انما المفروض في الموضوع ده

كل الردود موجهة للاميرة الغامضه

واي رد غير ذلك سيتم حذفه

لان الردود هتبقي كتيرة جدا ومش هيعرف العضو يرد عليها كلها في خلال اسبوع واحد

لان المفروض علي العضو المختار في الموضوع يرد علي كل رد في موضوعه

علي العموم حصل خير

وانا لم احذف الردود لانها مخالفة لانها غير موجهه للاميرة الغامضة

وشكرا علي سعه صدركم

اظن كدة الموضوع بقى واضح باسم

يعنى محذفش الردود لانها مسيئة او مخالفة لكن فقط لانها فى غير مكانها

اعتقد كدة المفروض الموضوع منتهى ...



ونورت المنتدى مرة تانيــــــــة باســـــــــم ..

انا كده وضحت وجهة نظري

والحمد لله وصلت للجميع

اي ردود مش في صلب الموضوع ستحذف

واعتقد الكل فاهم كلامي

سواء في الموضوع ده او في غيره

الردود علي اي موضوع تكون في سياق الموضوع فقط

وابقي اقراوا القوانين كويس

اما بالنسبة لموضوعك بقي اخ باسم

اللي عنوانه عمل بلا معني

دا استهزاء بي

لا احب انه يتكرر مرة ثانيه

العلاقة بين جميع الاعضاء هنا تقوم علي الاحترام في الاول والاخر

حتي في الاختلافات ارجو مراعاه شعور الغير

ولا تحقر ابدا من عمل اي شخص مهما كان

واسبابي في الحذف الغير موضوعية اللي حضرتك بتقول عنها

دي من وجهة نظرك بس

ابقي خد بالك من الردود كويس هتعرف انها مش مع الموضوع خالص

دا حوار بينك وبين الاخت رنا

ليس الا

ومن ضمنهم رد زي ما قولت سابقا

يتحدث عن مواضيع رنا

اما بخصوص رايكم بقي في اسم الاميرة الغامضه هي الي ترد مش انتم

ارجو عدم تكرار مثل هذه المواضيع

لو انا متعسف كنت طيرته من قبل ما اشوفه

لو عندك اي شكوي ما فيش اي مشاكل

بس بدون التجريح في احد

العفو باسم

حصل خير

وكلنا هنا اخوة

والاختلاف في الراي لا يفسد للود قضية