بنت محبطة جدا جدا

السلام عليكم ورحمة الله وبركاتة
انا بجد سعيدة جدا بالانضمام للصرح الشامخ الجميل دا
وبجد لما قريت فية شوية حسيت بيالاخوة والمحبة مابينكم
ربنا يديم المعروف بينكم يارب
اعرفكم بنفسى
انا سما
فى كلية طب جامعة عين شمس
الفرقة الخامسة
من القاهرة
ومعلش بقا لو كانت اول مواضيعى فى المنتدى مشكلة بعانى منها من زمان اوى
وحابة انى اشاركم مشكلتى لعل وعسى اخد منك الرى
أنا دلوقتى فى سنة خامسة طب
و مشكلتى إنى من حوالى 5 سنين
يعنى زى دلوقتى كدة فى سنة أولى و يمكن قبل دلوقتى كمان
حسيت بندم فظيييييييييييييييييييييييييييي ييع إنى دخلت طب
مش مجرد إحساس إنى متضايقة و بس لأ أنا فعلا بحسد الناس اللى فى أى كلية تانية و بكره جدا الواقع اللى أنا عايشة فيه
و بقى نفسى أنى أرجع تانى للحظة ما دخلت الكلية و أغير الرغبة قبل فوات الأوان
لكن مقدرتش أحول
يمكن مش عندى الشجاعة الكافية أو لأنى مش واثقة انى مش هندم لو حولت او عشان خيبة امل اهلى فيا بالرغم من انهم مأجبرونيش عليها لكن برضه هيزعلوا
المهم انى فضلت فيها
و سنة ورا التانية لقيت نفسى بكبر و حاسة ان عمرى بيضيع منى من غير لازمة
انا مش مبسوطة اغلب الوقت بالرغم من انى مستمرة فيها
بقعد اضحك على نفسى
يا جماعة انا كل يوم بموت من الحيرة وبموت من الخنقة
و الموضوع دة بيخلينى اهمل فى دراستى خصوصا همومى الى قبل كدة الى هيا وفاه امى من شهرين فى حادثة
بجد مش عارفة اعمل اية ولا حلاقيها من مين ولا من مين
يعنى انا عندى امتحان باطنة واطفال و مش عارفة اعمل فيهم ايه
و لما ضغط الامتحانات بيهاجمنى ببقى حاسة انى هموت وانا فعلا بموت
انا بموت فى اليوم ميت مرة من العياط بقوم من النوم دمعتى على خدى
تعبانة وكنت محتاجالها فى الايام دى
انا نفسى احس انى طبيعية
نفسى اخرج اتفسح من غير احساس بالذنب نفسى احس انى مرتاحة بقا
كل ما افكر انى بضيع كل الوقت دة بتجنن
انا لو كنت فى أى كلية عادية كان زمانى اتخرجت
انا عارفة انها أفكار كئيبة لكن هى دى أفكارى
دايما بتمنى لو كنت مت قبل ما أدخل الكلية دى
و ساعات بدعى ربنا انى اموت و بعدين استغفره
و لما بفكر انى اصبر لحد ما اتخرج و بعدين اشتغل فى حاجة تانية
ببقى هتجنن انى بضيع كل السنين دى فى الدراسة وارجع اشتغل فى شغل مش بتاعى
بس انا فعلا مش عارفة اذا كنت بحب الكلية و لا بكرهها
يعنى الحالة المزاجية عندى متقلبة
لكن الاغلبية العظمى من الوقت ندمانة على انى دخلتها
و بحس انى مش انسانة طبيعية زى بقية الناس
و انا طول عمرى حياتى هى دراستى
معنديش حاجة تانية
اعمل ايه حد يقوللى يا جماعة
اى حد عنده اى افكار يقولها
انا حاسة انى هيجيلى الضغط او السكر ووزنى بيزيد وبجد تعبت من الدنيا دى
كل حياتى ملهاش اى معنى و لا اى لزمة ولا بعمل اى حاجة عليها القيمة
حاولت انى اعمل انشطة برة الدراسة لكن دايما بفشل انى اخد خطوة انا حتى اوقات بعد افكر واقول فكرى وشوفى لية ربنا خلاكى كدة واعد اقول مفيش احلى من انى امسح دمعة مريض بس برجع تانى لفكارى الخنيقة
يا رب انا نفسى اخلص من الموضوع دة
ارجوكوا ساعدونى يا جماعة
واسفة على الاطالة
اختكم سما

بصي انتي خلاص فاضلك يمكن سنه او اتنين وتتخرجي يمكن ربنا حطك في المكان اللي يناسبك
يمكن انتي شايفه ان الكليه مش عجباكي وكده يمكن لو دخلتي اي كليه تانيه كنتي تفشلي ليه متقوليش ان في حكمه من ان ربنا خلاكي تدخلي الكليه ديه وحاولي تركزي في كليتك علشان تخلصي لانك كده كده هتكملي فيها طيب كملي وشوفي الحياه ماشيه اذايه يمكن الخير فيها لو علمتم الغيب لخترتم الواقع علي فكره الخنقه ديه من الشيطان عايز يخليكي فاشله سوري في التعبير علشان هو مش بيحب حد نافع عايزاه تبقي ذي اللي رقصوه علي السلم لا اللي تحت شفوهم ولا اللي فوق كملي والخيره فيما اختاروه الله شغلي قران كتير وصلي ولما تحسي نفسك مخنوقه اذكري الله الا بذكر الله تطمن القلوب وانا تحت امرك فاي حاجه كملي الكليه واوعي تندمي علي اللي فات الباكي علي الفايت نقصان عقل كملي يمكن تلاقي نفسك فيها بعد ما تتخرجي وحبي عملك وكليتك لان ده الواقع بتاعك واوعي تسمعي كلام الشيطان عايز يضيعك اناتحت امرك اعتبريني اختك وربنا معاكي

تم نقل الموضوع للقسم المناسب قسم النقاش الجاد
عشان الكل يشاركك ذى منتى طالبة

اولا اهلا بيكى وسط اخوانك واخواتك
ونورتى منتدانا بوجودك وانضمامك لية
وبيشرفنا انك تبقى عضوة واخت لينا
بالنسبة لمشكلتك من وجهة نظرى البسيطة
اولا البقاء لله فى والدتك
وصبرى نفسك انك تفتكرى دايما انها راحت لدار الحق والى ارحم الارحمين
وادعلها بالمغفرة وحاولى تساعديها بالصدقة الجارية والرحمة عليها
بالنسبة للدراسة ياسما
اولا محدش يعرف ربنا كتبلو الخير فين ويمكن دلوقت ضيعتى سنين ذيادة فى الدراسة بس يمكن ضاعو فى حاجة مفيدة وليها قيمة ويمكن لو بعيد عن الجامعه كانو ضاعو فى حاجة تانية بلا قيمة
فمتحكميش على الحاجة فى البداية اصبرى وشوفى
وبعدين دى كلية من كمليات القمة ورسالة انسانية يمكن ربنا كتبلك كدا
اذا اردت ان تعرف مقامك عند الله فنظر فى ماذا اقامك
بصى ياسما انا هقولك قصة بسيطة جدا عن شيخ كان دايما من المصلين والمذكين ومكنش بيضيع فرد ولا حق من حقوق الله
وكان لية ابن فى ثانوى عام وابنو سقط فى اولى ثانوى وسقط فى تانية ثانوى وسقط كذا سنة يعنى
فالشيخ حزن وقال يارب دنا بصلى وبدعيلك لية تعمل فيا كدا وكان قرب يكفر من كلامو وعتابو المهم
السنة الى عمل فيها كدا ابنو نجح ودخل كلية من كليات القمة بس مات بعديها بشهور عارفة لية
اتصاحب على شلة وعلموة الادمان فمات بسبب الادمان
فالشيخ بيحكى لى احدى المشايخ بيقولو انا كنت فاكر ان فى سقوط ابنى شر واتارى ربنا مكنش عايزو يتعرف بالناس دى فسقوطو كان خير لية
وكنت شايف ان فنجاحو خير اتارية شر انو هيتعرف على الناس دى
وقالو اد اية الانسان عاجول وبصرتو بسيطة بيفتكر ان فى الشدة شر وفى الانبساط خير مع انو ممكن يكون العكس
لوعرفتم الغيب لاخترتم الواقع
فنتى يمكن شايفة انك فى ضرر من الى انتى فية بس يمكمن بنا كتبلك من العسر يسر ان بعد العسر يسر ان بعد العسر يسر افتكرى دايما الاية دى وافتكرى انك لازم ترضى بقضاء الله وتصبرى علية
ومتستعجليش واصبرى اكيد ربنا كتبلك الخير بعدين
ومتسلميش نفسك لليأس حاولى تقربى من الله وخلية وكيلك والى بيتوكل على الله عمرو مبيخسر بالعكس دايما بيبقى كسبان
فنتى قربى من الله وصلى واستخرية وان شاء الله ربنا هيقف معاكى وهتعدى من الازمة دى وادعيلو واتذليلو فى الدعاء وبينيلو انتى اد اية ضعيفة وان شاء الله هتعدى بأذن الله من الازمة دى وهتفتكرى الايام دى وتضحكى عليها
ولو فى حاجة تانى تحبى انك تناقشينا فيها وتشاركينا فيها معاكى احنا دايما موجودين وكلنا اخوات ليكى وسند
تقبلى مروووورى
[b]***الصـLEGENDARYـاعـق***[/b]