أحلي شوربة فراخ ولحم

لطريقه
بعد ما تجيبى الفراخ وتقطعيها وتغسليها كويس بالليمون والخل والدقيق ..اعملى الاتى

هاتى الحله اللى هتسلقى فيها ..وحطى فيها شويه زيت ولما يسخنوا شويه حطى فى الزيت الحبهان(الهيل) وبعدين البصله ,وورق اللورو (الغار)ودلوقتى الشيئ المختلف حطى معاهم الفراخ ...وحطى عليها الملح ورشه فلفل اسمر صغيره...وهدى عليهم النار شويه وسيبيهم شويه وبعدين قلبى الفراخ على الجنب التانى...وانتى بتعملى كده هتلاحظى ان الفراخ بتنزل ميتها ودمها ولونها بيتغير طبعا...خليكى مهديه عليها النا ر لحد ما تنشف الفراخ من ميتها وتسمعى صوتها مع الزيت بعد كه ضيفى الميه بتاعتك وسيبها تستوى براحتها..واشربى احلى شوربه فراخ ..بس متنسونيش بالدعاء.

الطريقه دى مش هتلاقى الريم اللى بتشوفيه فى الطريقه التانيه ..بالاضافه الى ريحيتها وانتى بتعمليها من اول ما تحطى الفراخ على البصله والهيل ...

والطريقه دى بتتعمل مع الطيور كلها يعنى خدى عندك (بط ...حمام ..سمان ...احشيهم كالعاده ...واتبعى نفس الطريقه )

نيجى بقا لشوربه اللحمه
بعد ما تغسلى اللحمه كويس..اعملى الاتى

هاتى حله وحطى فيها اللحمه والميه وحطيهم على النار يغلو ..واللحمه تتطلع الريم بتاعها..اثناء الغلو اكشطى الريم دا بمعلقه وارميه ولما تحسى ان كده اللحمه معدش فيها دم طلعى اللحمه من الميه دى ..ومترميش الميه لان كل الغذا والفيتامين بتاع اللحمه فى الميه دى....وسيبى الميه تتصفى ولو فيه شوائب هترسى فى قاع الحله

بعد كده هاتى الحله اللى هتسلقى فيهاهنا بقا ممكن تقومى بطريقتين دا حسب رغبتك والاتنين بيدوا نفس الطعم
الطريقه الاولى شبيه بالفراخ (يعنى طريقه تشويح)

يعنى هتحطى الحله اللى هتسلقى فيها على النار وفيها زيت وبعدين حطى الهيل والبصله والغار وبعدين اللحمه ورشه فلفل اسمر, بس طبعا متطوليش لان اللحمه بعد غليتها مفيش فيها لادم ولا ميه بس تشويح خفيف وخلى بالك متخليهاش تتحمر وبعدين حطى عليها الميه اللى غليتيها فيها ولو مش كافيه زوديها ميه...

الطريقه التانيه

حطى الحله اللى هتسلقى فيها على النار و فيها الزيت وبعدين الحبهان والبصله والغار...وهنا بقا ضيفى الميه اللى غليتى فيها اللحمه..ولو مش كفايه زوديها بميه وسيبيهم يغلوا كويس ولما يغلوا حطى اللحمه وسيبيها تستوى.....

(ملحوظه انا مش بحط ملح للحمه الا لما تستوى لضمان السوى..لان املح بياخر سوى اللحمه شويه لو اللحمه مش بتلو)