فوقو يا مصريين أبوس أديكم فوقو

فوقو يا مصريين أبوس أديكم فوقو






















بسم الله الرحمن الرحيم بعد التحية الطيبة لكل قرائى الاعزاء وبعد لقد عملت عدة تصويتات بعد الثورة على من تختارة رئيسا لجمهورية مصر العربية فوجدت الاتى بالتفصيل بعض الناس ترشح عمرو موسى والبعض قال لا يجب ان نرشح البرادعى فهو امل مصر القادم ومنهم من قال لا لعمرو موسى ولا البرادعى يجب ان نختار احمد شفيق ومنهم من يصمم على الصباحى ومنهم من يقول البسطويسى
ثم البسطويسى انا احترم كل وجهات النظر بس كنت عاوز اقول رأيى انا الاخر
مثلما قالو رايهم بكل صراحة... أولاعمرو موسى رجل محترم ومحبوب ودبلوماسى
قديم ولم ارى فى عهدة الا الادانة والشجب فى
رئاسة جامعة الدول العربية وهذا رأيى ولن اتكلم فى مسالة السن ربنا يدية
طول العمر ثانيا البرادعى الذى اراة دائما ياتى فى اوقات غريبة يصطاد
ويغادر والله الاعلم بالنوايا لم اجد لة ماضيا لى اتشرف بة غير ان ماضية
يشرفة فقط وثالثا الصباحى راجل تمام ومحترم ولية مبدء لكن شعبيتة
وامكانياتة لا تؤهلة كرئيس ورابعا احمد شفيق هسبكو انتو الى تحكموعلية
وليس انا راجل تمام جة فى الوقت الضايع من خلف ستار النظام السابق ليست
المشكلة الكبرى فى الاربع شخصيات المرشحة للرئاسة بل الموضوع اكبر من ذلك
فى نظرى وبالبلدى هقولها خلاص يا مصريين داقت بيكم الدنيا للدرجادى مفيش
غير موسى والبرادعى وشفيق والصباحى والبسطويسى اومال
كنا عملنا ثورة لية بقى اومال احنا مستحملين القرف لحد دلوقتى لية علشان
نختار واحد من الاربعة خلاص داقت بينا الدنيا مفيش بديل خلاص اتسددت ولا
اية يا ربى لازم حل لازم بديل لازم تغيير لكل
الوجوووووووووووووووووووووووووة لازم تغيير لكل الوجوووووووووة يا
مصرريييين لازم يكون الريس موش موقوف ولا مرهون على البسطويسى او البرادعى
او موسى او الصباحى لازم حل لازم تغيررر لازم نفوووق قبل فوات الاوان عايزين شاب فى الاربعينات راجل دمة حامى ومحترم يحس بالناس موش ساكن فى برج عاجى فوق واحنا تحت لا والف لا للابراج العاجية فوقو يا مصرريين احنا على التغيير مصررررررين مصريييين بكل العزم والاصراارر مصرين لابعد حد على التغيير وربنا يحميكى يا مصريا رب

احترم وجهه نظرك

وتسلمى على هذا الموضوع الاكثر اهتماما

بس خدى بالك اننا فى وقت فعلا عصيب ومستهدفين فى اى وقت لازم

يكون لينا رئيس فى اقرب وقت ممكن

سواء عمرو موسى البرادعى وغيره

وبعدين فى قانون دلوقتى وهو رفترة الرئاسه 4 سنين فقط عمل خير واتقى الله فى البلد

نرشحه تانى معملش خير ومحكمش بالعدل ولا ادى لكل مواطن حقوقه

يبقى نشوف غيره

انما دلوقتى معندناش وقت كافى اننا نختار وندور على رئيس جديد ووجه جديد وانتى

متعرفيش امكانياته ايه

اه انا معاكى ان الرئيس يكون من الطبقه اقل شى المتوسطه علشان يحس بناس اللى تعبت على

مدار 30 سنه فعلا

انما فى الوقت الحالى عايزين فعلا حتى على الاقل رئيس يكون فاهم فى امور الرئاسه

يعرف يعيد بناء البلد من جديد يقدر يقوم اقتصاد البلد من جديد يقدر ينشط السياحه

وغيره وغيره

انما انا مخترش رئيس فى الموقت اللى احنا فعلا مستهدفين فيه لسه هيتعلم ازاى يدير البلد

يبقى انا كدة بظلم نفسى وبظلم الشعب وبزيد من استهداف مصر

اسف على الاطاله وده فعلا راى واتمنى ان يكون راى صائب وعند حسن الظن

تحياتى لكم

ELSWESRY