لما صاحبك الى حبك يفضل واهمك انه جنبك وانه مفيش غيرك فى حياته وانه ملوش فى الدنيا بعدك وانك مهما غبت عنه ولا جيت مستنيك برضو فى بعدك وانك احلى ما فى ايامه وانه اكتر حد حبك وانك انت كل حاجه والمصيبه انك مصدق فجأة كل حاجه تبان ويتوجع بسرعه قلبك ....... لما ياصاحبى قولتلى انك بعدى متقدرش تعيش وانه ملكش فى الدنيا بعدى وان كل الناس مفيش وانا صدقتك لاء واءمنتك على قلبى وسبته يعيش ومع اول حد غيرى دخل حياتك تقلى متلزمنيش طيب ياصاحبى متشكرين على صونك الملح والعيش فجأة كل حاجه تبان والكداب ميهمنيش ...... اه ياصاحبى من كلامك الى صدقته فى عنيك اه ياصاحبى من سنينى الى ضيعتها بايديك كنت فاكر انك كلك ليا وكلى ليك بس طلعت خاين كبير والقسوة جواك وفيك بس كل حاجه بانت والخيانه طبع ليك ...... بس انا الى جنبى دلوقتى صاحب بحق وحقيق هيمشى معايا لاخر مشوارى لحد اخر الطريق مش بس فى فرحى هلاقيه كمان معايا فى وقت ضيق اسمحلى اقلك ياصاحبى انك بجد افضل رفيق وانى معاك عرفت ان الى قبلك كان للاسف العميق هو مجرد ياصاحبى خيــــــــــــــــانة صديـــــــــــــــــق
...الشعر دا من بدايات الاشعار الى كتبتها فمش تستغربوا لو مكنش على اد المستوى او حاجه ...يارب يعجبكم ...بقلمى * ليلى المسلمه *
اجمل واصعب ما فيه انك تجسدين احساس اقرب ما يكون للشباب
واصعب الشعر من جنس يجسد الجنس الاخر
وهذا ما برعتى فيه
جميله جدا لولو تقبلى مرورىِ
شهاده شاعر زيك كدا تفرق معايا كتير اوى ....مبسوطة جدا انها عجبتك وانك اشدت بيها ... يارب فضل دايما عند حسن ظنكم بيا يارب وكل الى اكتبه يعجبكم يارب ويبقى احلى واحلى ان شاء الله ... دام لى مرورك الجميل قيصر ... ليلى المسلمه
عجز قلمي عن التعبير عن روعة ما وجده هنا من كلمات تحمل في طياتها اعذب المعاني كلمات لها رقي ذو طابع خاص كلمات سطرت بحروف من نور اضائت لنا الظلمات اشكرك على روعة بوحك و على ذوقك العالي ادام الله عليك تميزك ولا حرمنا قلمك المبدع و تقبل مروري،،،