الشيخ الشاعر عبدالعزيز السعود الصباح
ياريم ياعذب اللما
ياريم ياعذب اللما عطر الأنسام = ياللي بمكنون الحشا لك مقامي
اهديك من قلبي تهانيه مادام = العيد هل وراح شهر الصيامي
الله يعيده في حمى الدين الأسلام = والناس كلٍ في امان ووئامي
ياريم لك مني على مر الأعوام = احلى الأماني والهنا كل عامي
انت الذي لي مصدر الشعر والهام = لولوك حتى ما اعرف الكلامي
وانت الذي علمتني ترك الأوهام = عوضتني عن حيرتي بابتسامي
وانت الذي الهمتي عذب الأنغام = اعزف على اوتار عودك مقامي
بقولها للناس والرب علام = واشرح لهم قصة هواي وهيامي
ما لوم قلبي في هوى الريم لو هام = انشهدنه بالهوى مايلامي
ذكره على بالي على مر الايام = هو منوتي هو سلوتي هو غرامي
يومٍ تجيني حزة النوم و انام = اللا واشوفه حاضرٍ في منامي
يعني اشوفه في منامي بالأحلام = وبقعدتي في مهجتي وا هتمامي
متشاركين بحبنا شال هو زام = ولا انا باشيل زامه وزامي
مخلص بحبي له ولا عاد انلام = مادام هو غايه هواي ومرادي
ماني من اللى ماهوى حبهم دام = متغيرٍ مابين شرقٍ وشامي
في غيبه كل ساعةٍ كنها عام = واذا حضر مرّن اسراعٍ همامي
ياليت يعطي للفتى مثل مارام = ويعيش ويا منوته بالولامي
ولا يموت ولاسنع كل لوّام = ويقول يادنيا عليك السلامي
لابان بين قبلة النور قدام = نوره ولا نور القمر بالتمامي
صار الوفى مابيننا سيد الأحباب = صرنا نعيش لبعضنا بانسجامي
موضوع: ياريم ياعذب اللما الشيخ الشاعر عبدالعزيز السعود الصباح 
الأحد 02 أكتوبر 2011, 10:34 pm
