الــشــعـــب يــريــد

الـــشــعب..... يـــريــــد


رغيفين وحبة فول.. وباب مش مقفول..


لو ضاقت بينا الدنيا.. نروح عليه على طول!..


«الشعب يريد» : بطيخة وحتة جبنة.. وجنيه يفضل فى جيبنا..


مش كل ما نشترى حاجة نقول يا ياريت ما جبنا!..


«الشعب يريد» : الأمن والنظام.. والذوق والاحترام..


وإن شفنا شىء مخالف.. نقول عليه حرام!..


«الشعب يريد» : تغيير الناس من جوه.. بالذوق ومش بالقوة..


وترجع الشهامة.. والجدعنة والمروة!..


«الشعب يريد» : تيجى ألف مليونية..مليانة ثورجية..


تنادى وبصوت عالى.. بإعدام البلطجية!..



«الشعب يريد» : أمان واستقرار. والجار يخاف ع الجار..


مش كل ساعة خناقة.. ومطاردة وضرب نار..


«الشعب يريد» : يرجع زمن التسامح.. وما يكنش كلا منا جارح..


نرجع نزرع زى زمان.. ونشوف الورد طارح!..


«الشعب يريد» : تقدم للأمام.. مش فوضى واعتصام..


عايزين إنتاج حقيقى..غير إنتاج الكلام!..


«الشعب يريد» : متكونش مصر غابة.. ولا اتهامات باطلة وكدابة..


عايزين مصر تفضل جنة.. مش عايزينها تبقى خرابة!..


«الشعب يريد» : حاكم يكون شديد..تفيكره يكون مفيد..


يضرب أصحاب الفوضى


بيد من حديد



عــاشــ بــرغــم الــجــروح ــق

الأخت الفاضله والصديقه الغاليه
ســـــــــــــــلــــــــــــــــــــــــــمـــــــــــــــــــــــــــي
يسعدني دائمآ نور بهائك
وسحر ضيائك
ورقة كلماتك
وعذوبة تحياتك
فا ها أنتي
أميره دائمآ
دومتي ودامت لنا ردودك الرائعه
وروحك الطاهره
وتقبلي مني أحر التحيات


عــاشــ بــرغــم الــجــروح ــق