انا حد خيالى وحالم جدا .. احلامى جزء من واقعى مش هكدب عليكى .. بس انا مبعرفش اعيش فى الواقع كله ولا بعرف اعيش فى الاحلام ولذتها وراحتها بس ... انا دايما باخد من حلمى واطبق فى الواقع ... باسعى لتحقيق حلمى الى حلمت بيه واحاول تنفيذه فى الواقع ولما مثلا احبط او اتعب بفتكر اللذه الى هتعود عليا ... متهيالى مقدرش اعيش فى الواقع بس ولا الاحلام بس ... انا الاحلام مهمه اوى فى حياتى عشان اقدر اتعايش مع الواقع ... لكن مش هروب اكيد ... سعيدة بموضوعك لميس ... ليلى المسلمه
سلمى اكيد طبعا بنحاول نوازن بين الواقع والاحلام بس عايزة اقولك ان الاحلام احلى بكتير من الواقع وللاسف مش بنقدر نستمر في الاحلام ونهرب من الواقع لاننا مش هنقدر نهرب ولو هربنا هنصتطدم بالواقع فلازم فعلا نعمل موازنة بس ياترى هنقدر نعمل الموازنة دي هنا بقى الصعوبة يارب تكون احلامنا ان شاء الله في القريب هي واقعنا
كويس اوي ان احلامك جزء من واقعك ويارب تكون كل واقعك واكيد طبعا محدش بيقدر يعيش في الواقع بس ولا الاحلام بس احنا بنهرب من الواقع بالاحلام بس كويس اوي انك بتطبقي في الواقع من احلامك لان زي ما قولتي الاحلام مهمة اوي في حياتنا احنا بنحاول نحلم باللي نفسنا نحققه ومين عارف يمكن احلامنا في يوم من الايام تبقى حقيقة يارب تتحقق احلامك ليلى واحلامنا جميعا
موضوع: أيهما تفضل..ألم الواقع؟؟أم رأحة الآحلام؟؟ 
الثلاثاء 20 ديسمبر 2011, 12:53 am
