موضوع: أفتكاسه...!!! الإثنين 26 مارس 2012, 8:29 pm
السواق من دول تشاور له ..يقف لك بكل عنجهية ويقول: رايح فين؟...مع إنه أصلا مش من حقه يسألك لأنه ليس له خط سير محدد..وإلا يبقي إيه الفرق بينه وبين الميكروباص؟...تقول للأستاذ سواق التاكسي: أنا رايح الجيزة..وأنت واقف في وسط البلد..يقولك ياااه..مشوار صعب قوى...وتبص تلاقيه يفاصل معاك...الحكاية مش في التاكسي الأسود بس..لكن المصيبة انتشرت كمان في التاكسي الأبيض أبو عداد..طيب يا سيدي المشوار صعب ولا طويل ولا قصير.. هو انت مش معك عداد؟..يقولك مش الفكرة يا أستاذ أصلي هرجع فاضي وانت عارف البنزين وأسعاره ومش عارف إيه ويحكيلك قصة جهاده في عالم الأسفلت!
طيب أنا مالي أنت هترجع فاضي ولا مليان..ثم هو انت يعني بتشتغلني؟...يعني لو زبون شاور لك وانت راجع من الجيزة مش هتقف له؟...وبعدين انا احلها لك ازاي؟...أخليك توصلني البيت وبعدين ترجعني تاني عشان حرام ترجع فاضي؟....لكن بصراحة الراجل سواق التاكسي اللي بيتفاوض معاك ده راجل محترم وكويس انه عبرك وقعد يقولك هرجع فاضي وبتاع وانت تزودله الأجرة 5 جنيه ولا حاجة فوق حقه.. عشان هيرجع فاضي..لكن فيه افتكاسة تانية لسواقين التاكسي تحرق الدم..وهي إن السواق يقولك رايح فين؟.. ولو الحتة اللي انت رايح لها لم تعجبه يسيبك ويمشي ... مفيش بلد سواق التاكسى فيها بيقول لك انت رايح فين قبل ما تركب غير هنا فى ام الدنيا ...وهذا لأننا والحمد لله نختلف عن الاخرين . شوفتوا بقي أد أيه احنا مختلفيين. والأعجب ان السواق ده ممكن يقعد يلف نص ساعة فاضي بسبب العنجهية والنصب اللي عايش فيهم.
موضوع: رد: أفتكاسه...!!! الثلاثاء 27 مارس 2012, 12:15 am
هههههههههههههههههه ... دا حقيقى ... مرة بنت صاحبتى معاها اخواتها بنتين ومش لاقيين مشاريع وبتوع التاكسى يسمعوا المنطقة الى رايحاها يجروا ... كانها منطقة وحشة لا سمح الله ... المهم هى راحت توقف تاكسى واخواتها البنتين واقفين بعيد ... الراجل وقف نادت على اخواتها راح بصلها ومزعقلها ... وقالها شغل الخبث دا انا مبحبوش هههههههههههه ومشى ... بقوا يتحكموا حتى فى العدد الى هيركب معاه ... اوقات لما كنا نبقى 4 بنات التاكسى ميرضاش يقفلنا ليه عشان كتير ؟؟ عن نفسى اصلا مش بركب تاكسى غير لو معايا حد واقترح الاقتراح دا لما ينفذ صبرنا ... غير كدا انا مش بحبهم اصلا ولا بحب اركبهم ولا عمرى ركبت تاكسى لونلى ... مشكورة لميس لموضوعك ... ليلى المسلمه
موضوع: رد: أفتكاسه...!!! الثلاثاء 27 مارس 2012, 1:53 am
بصي انا بحس ان سواق التاكسي عايزاك لما تشاوري له تكوني مختاره له طريق حلو مش فيه مطبطات ومش زحمه وقريب يعني ياريت لو تقوليلوه نزلي كده اخر الشارع وتديلوه كمان فلوس كويسه مش عارفه الصراحه طيب شغالين ليه انا عموما لازم اركب التاكسي يكون معايه حد من اخواتي الرجاله اخاف جدا اركب لوحدي معدش فيه امان ولاني اصلا كمان خيبه ومبعرفش الشوارع من بعضها يعني لو ركبت تاكسي لوحدي مش هبقا عارفه هو كده الطريق صح ولا غلط فانا اصلا مش بركب لوحدي تاكسي ابداااا تسلم ايدك لميس دايما مميزه
موضوع: رد: أفتكاسه...!!! الثلاثاء 17 يوليو 2012, 12:41 pm
دائما بين حروفك اجد روحا تتمزج بما بنا من وجدان وشعور يخرج لنا بروعه البيان ولكم تمنيت ان لا تنتهى بى الكلمات فلا يسعنى غير قول الصمت فى حرم الجمال جمال فدمت بكل تميز وابداع
موضوع: أفتكاسه...!!! 
الإثنين 26 مارس 2012, 8:29 pm
