إكرف البنت تحبك ....حب البنت تكرفك..!!!!

إكرف البنت تحبك........حب البنت تكرفك
( إكرف يعنى طنش ومش تهتم )

يا بنتى سيبك منه هو الراجل كده زى المسمار مش بيجى إلا بالدق على دماغه

وطبعااااااااااا كلنا عارفين مثل طابع البوسته

أكيد كلكم بتقولوا دلوقتى ايه الكلام اللى بداية بتقوله ده

الكلام ده اللى بيتقال فعلا
لما الراجل يلاقى البنت بتحبه ومهتمه بيه
يقوم هو يكرفها ( يطنشها يعنى بس بلغة المثل اللى فوق )
ويقول عشان تحبنى أكتر ماهم البنات كده
كل ما تكرفهم يحبوك
طبعا دى سياسة المثل اللى فوق

والبنت كمان لما تلاقى الراجل بيحبها ومهتم بيها
تطنشه وتديله على دماغه
زى مابيقول مثل المسمار
وتقول هم الرجاله كده مش بييجوا إلا بالدق على دماغهم

يا ترى الأمثال دى صح؟
واحنا ليه بنقولها وبنعمل بيها؟
هل لأن دى فعلا الحقيقه
واحنا مش بنحب إلا اللى يطنشنا ويديلنا على دماغنا؟
ونجرى ورا اللى مش مهتم بينا؟
؟؟؟؟؟؟؟؟؟؟؟؟؟؟؟؟؟؟؟؟؟
واللى بيحبنا نتقل عليه ونطنشه؟

أسف عشان طولت عليكم بالكلام
بس الموضوع استفزنى لأنى بسمع عنه كتير

عايز رأيكم فى الموضوع بصراحه
وتحيتى ليكم كلـــــــــكم

موضوع مميز جدااااااااااااا

تسلم الايادي

ننتظر المزيد من مشاركاتك

وابداعاتك المميزة دائما

إكرف البنت تحبك ....حب البنت تكرفك..!!!! 1_2410

تسلم ايدك على المساهمه الجميله منك استاذ مراد

موضوعك جميل كوكى ويمكن هو بينرفز ناس كتير لانهم بيحسوا كدة فعلا من اللى بيحبوهم

رغم انهم ممكن يتعاملوا بالطريقة دى لو حسوا بحب حد ليهم

فعلا فيه ناس كدة سواء بنت او ولد

بيحبوا يعلقوا الناس بيهم او مبيحسوش بقيمتهم الا لو علقوا حد بيهم وبعدين ميسألوش فيه

رغم ان تلاقيهم فى البداية داخوا السبع دوخات عشان يعرفوهم او يكلموهم

بس بمجرد ما اتأكد من مشاعر اللى ادامه وانه خلاص ملكه خلاص ينفضله او _يكرفه _

والشخص ده اصلا بيكون غير سوى وبيعانى من عقدة نقص جواه بيعوضها لما يحس بضعف غيره ناحيته او معاه

او لما مثلا يحس انه _ جامد _ لانه وقع فلان فى حبه وبعدين هو اللى بمزاجه طنشه ومش عايزه

وفيه مواقف مختلفة..

مثلا الستات .. صراحة يعنى بالرغم انى من بنات حوا لكن هتكلم بصراحة

فيه فئة .. متمشيش الا بجد بالدق ومثل المسمار ده يا كوكى بيتقال ع البنات مش الرجالة ههههههههه

يعنى اللى تتعامل بحنية على طول متقدرش احساس اللى ادامها وحبه انما تسوق فيها وممكن مع الوقت هى اللى تديله على دماغه كمان

وبيبقى هو اللى جابه لنفسه يمكن لانه معرفش ازاى يتعامل معاها صح او منتبهش لانه كدة بيخسر كتير اولا بيخسر من رصيد حبها ليه

لان احترامها ليه قل بضعفه معاها ده غير انه طبعا مبيحسش بالحب والسعادة بجد ولا براحة البال

لانه على طول بيبقى مشغول هى بتعمل معاه كدة ليه ويرضيها ازاى يعنى من الاخر عايزة اللى يشكمها

لانه بشدته معاها بيشعرها بأنوثتها لكن مش دى القاعدة لان الاعتدال احسن شئ يعنى برضو فيه البنات اللى بتقدر حسن المعاملة

يعنى الضعف فى وقته والشدة فى مكانها .. متقساش عليها ومتكونش ضعيف اوى لدرجة انك تضيع من كرامتك معاها

وفيه الرجالة .. اللى لما يحسوا ان البنت حبته اوى وبتطيعه اوى وتسمع كلامه يمل !!

بيحب يدور على الحاجة الصعبة اللى يتعب فيها

واللى عينه تطلع عشان يوصل لها بس هيفضل يحبها بعد كدة ولا لاء الله اعلم حسب شخصيته بقى

لو بس دى هواية عنده هيسيبه منها لانه برضو هيمل انما لو حبها مش هيقدر يستغنى عنها >>وهيحترمها >>

وفيه كمان من الرجالة مثلا او حتى البنات

اللى فى اول العلاقة سواء علاقة حب او حتى صداقة

بيبالغوا اوى فى اظهار مشاعرهم وحبهم واهتمامهم يمكن لانهم بيبقوا برضووووو عايزين يأسروا مشاعر اللى ادمهم

يحسسوهم بالحب اوى وانه الانسان المثالى اللى ممكن يرتبطوا بيه

ومع الوقت كل ده بيقل لحد مايبقى اطمئنان كل واحد ع التانى وسؤاله عنه مش بدافع انه عايز يطمن عليه فعلا او واحشه

انما بقى عمل روتينى وخلاص

وده لانه بيبقى حس انه خلاص ملك اللى ادامه عرف انه ليه وبيحبه ومش ممكن يبعد عنه خلاص مبقاش محتاج انه يظهر له حبه

وده طبعااااا اكبر غلط وغالبا لما بيحصل مبيكونش الحب حقيقى يمكن لانه كان رغبه فى الحب بذاته

يعنى الحب من اجل الحب عايز يعيش الحالة وخلاص فمكانش الاهتمام حقيقى نابع من جواه انما كان مصطنع

فطبيعى انه ييجى عليه وقت وتنكشف حقيقة المشاعر ..

وفيه اللى بيكون شده فلان .. لفت انتباهه .. عجبه .. بهره

بيبقى عايز يعرفه ويقرب منه اوى بيهتم بيه وممكن يعمل البدع عشان يقرب منه

لكن لما قرب منه لقاه مش زى ماكان متخيل يعنى كان معجب بيه اكتر من الازم

او مع الوقت لمعة الانبها راحت لانه خلاص قرب منه واتعود عليه كمان فبيمل برضو

بس للاسف كل ده بيحصل بعد مايكون الطرف التانى اتعلق بيه فيقول الكلمة دى .. انه لما حس بحبى ليه بعـــــــد عنى

وفيه ناس ممكن تنشغل فعلا عن اللى بيحبوهم بشغل او مذاكرة او ظروف الحياة ومشاغلها

الطرف التانى بدل مايشاركه مشاغله ومشاعره يزعل وميقدرش الظروف اللى حبيبه فيها ويقول ده انشغل عنى ..

ومبقاش يحبنى زى الاول

وطبعا الطرف الاول كان مستنى منه تفاعل اكتر من كدة او اهتمام بمشاعره ومشاكله بدل مايكون كل اللى بينهم كلام وبس

فيبتدى يبعد فعلا لانه بيكون حس انه فى وقت ماكان محتاج لحبيبه ملقاهوش معاه

والاتنين يقولوا نفس الجملة .. لما حس بحبى ليه بعـــــــد عنى

يمكن محدش بيحاول يفهم التانى يمكن مبيحاولش يقرب منه بجد انما غالبا بينبهر بالشكل او الحالة

وحالة الحب عموما ليها متعتها اللى الكل بيتمنى يعيشها

فبنندفع بمشاعرنا من قبل مانتأكد من صحتها او اصالتها

اتعددت الاسباب وسبحان الله ربنا مقلب القلوب ..

فيه ناس بيتجوزوا جواز تقليدى وبعد الجواز بيكونوا اسعد اتنين وكأنهم بيحبوا بعض من يوم ماتولدوا

وناس بتتجوز عن حب سنين ولما يتجوزوا سبحان الله مشاعرهم تبرد وكل الحب اللى كان بينهم يستغربوا >> الحب ده راح فين

موضوعك جميل اوى كوكى خلانى افتح فى الكلام ومعرفتش اسكت هههههههههه

معلش طولت .. وعلى فكرة الموضوع ده مكانه النقاش الجاد لانك طالب تعرف الرأى

هنقله للنقاش الجاد ..

إكرف البنت تحبك ....حب البنت تكرفك..!!!! 629972

إكرف البنت تحبك ....حب البنت تكرفك..!!!! 629972

ردى بسيط جدا كوكى

الممنوع مرغوب

تسلم ايدك رونى وده ميعتبرش شخص كويس

لانه بيعذب الشخص اللى امامه وممكن ده يادى الى مشاكل كثيرة

ومفيش مانع من بعض القسوة على الفتاة الى بتحبها

بس مفروض الواحد ميتماداش فيها قوى عشان ميخصرهاش ويرجع يندم على اللى حصل

وهيا كمان متزودش فيها وحكايه التقل الزياده عن اللزوم

لهذا مفروض مفيش واحد وواحده يرتبطوا ببعض اللى لما يتاكدو من مشاعر بعضهم لبعض

لان بعد كده دى مش هتبقى حياتهم هما بس دى هتبقى اسره

لول كانو متوافقين مع بعض هتكون حياتهم مثاليه

تسلم ايدك رونى مساهمه جميله منك
واجمل حاجه النقاش وانا فعلا كنت فرحان بالنقاش بتاعك
منوره الموضوع بكلامك الجميل زيك رونى

تسلم ايدك رامى على الرد الجميل

» كيف تجعل الناس تحبك في 90 ثانية
» البنت احسن من الولد >>
» صور البنت قبل وبعد الحجاب..
» عشق البنت لبنت((ظاهرة خطيرة))
» البنت الحلوه جارتنا