صباح الخير احلام عمرنا

ده موضوع جديد اسمه صباح الخير يامنتدى

زى صباح الخير يامصر كده

وانشاء الله هنخليه متجدد يوميا

هنتكلم فكل حاجه معانا فقرات حلوه كتير

اتمنا فقراتنا تعجبكم

انتظرونا بعد الفاصل


/
/
\
/
\
هنبدا فقراتنا بشعر خفيف كده


أُ ذكــريني .. !!


مقدمة : امسحي بناعم راحَتَكِ جبيني ، وارحلي واتركيني ، لكن عِديني أن تذكريني !!

اذكريني ..
كلما عصفت الدنيا بكِ
أو غضبت عمن أحاطوك السماءْ
اذكريني ..
فسيسكن حزني ..
رفقة الموت الجميل ..
غيمة مرشوشة بالكبرياء !!
أذكريني ..
لو أنهم أجبروك يوما على البكاء
أو جاء على الرغم منكِ الشتاء
اذكريني ..
لو أني متُّ من شدة الشوق إليكِ ..
..... ذات مساء
اذكريني ..
لو أنهم اتهموني بالحنين إليكِ
أو أعدموني بِجُرم الوفاء ..!!
اذكريني ..
لأنه لا امرأة سِواكِ ستذكرني ..
و ليس الذَّكر أمرا ... بل رجــاء !!.
........




فاصل


اعلانات


دجاج كنتاكى دجاج مرفه وعال العال




مش اى فرخه واخده غطس تبقى كنتاكى


/
\
/
\
/
\
ورجعنالكو تانى وبنقولكم




معانا موضوع حابين نناقشه الاول

الموضوع بيقول انت مصرى ؟!

فرحان لانك مصرى ؟

ياترى ايه السبب ؟!

انا اقولكم السبب



فاصل ونواصل

\
/
\
/
\
/
\
/

اشترى عطر الحب والرومانسيه

عنتره وعبله



ورجعنالكو تانى وبنقولكو



ويسعدنا ويشرفنا ان نستضيف

مواطن مصرى مطحون

نتعرف عليك



استاذ انون

تقدر توصفلنا حياتك فكلمات مختصرة

انون

مختصرة طيب البطاقه عندكو اختصرو اللى يعجبكو

اسمى انون

مواطن مطحون

بالهم مدهون

بالجنسيه مطعون

حتى هدف حياتى طلع تسلل

نفسى مره اجيب جون


شكرا ليك استاذ انون وهنوصل شكوتك للمسئولين

فاصل ونواصل لاتذهبو بعيدا

/
\
/
\
/
\

جيلى كولا ده كان قديم

الوقتى فى جيلى قلب المواطن المطحون



يالا اشتريه هتخسر ايه ده رخيص وببلاش

ورجعنالكو تانى طبعا انهارده حديثنا كلو عن المواطن المصر

وكل يوم هيبقى لينا حديث عن شئ معين

اتمنى تكونو بتقضو وقت جميل معانا



سادتى انساتى

المواطن المصرى

بعد التجارب الفعليه عليه

وجدنا شئ غريب جدا



ويسعدنا ان نستضيف الدكتور عبقرينو



دكتور فالسياسات الطحنيه للمواطن المصرى


صباح الخير دكتور عبقرينو


صباح النور

ايه رايك دكتور فاللى بيحصل مع المواطن المصرى

والله انا من رائى ان الموطن المصرى مواطن محظوظ انه له حكومه

بتوفرله كل حاجه فحياته حتى فمماته

اذاى ده يادكتور

مش مصدقين طيب شوفو




عمركو شوفتو دوله بتقدم تذاكر لكل المناسبات دى

لا يادكتور

طيب شوفو المرض الجديد اللى الحكومه انشاء الله هتعملو تذكره



علشان تعرفو بس ان وراكو حكومه بتخترع مش عايشه وخلاص

المشكله فالمواطن بتاعنا انه بيصدق الدجل



يعنى فيها ايه بدل متتمنجه وتشترى بالكيلوات اعمل زى صاحبنا ده




حاضرات السادة المشاهدين

ابقو معنا لا تذهبوا بعيدا

فاصل اعلانى

\
/
\
/
\

سيبك من العيش اللى ميشبعش وكل معانا عيش المواطن المصرى



تاكل من هنا تحرم تاكل تانى

ورجعنا تانى ونقول



طيب دكتور عبقرينو وايه الحل

الحل بسيط ابحث عن السعاده



امبارح انا والدكتور طفيف حلينا المشكله

ياه واتحلت ازاى يادكتور

الحل بسيط نقضى عالبطاله

وازاى دى يادكتور




مش بقولكو انتو ظالمنا وخلاص

وراكو حكومه ونظام علشان راحتكم

طيب اقولك الجديد

خير يادكتور فرح الشعب

احنا عملنا نظام اسمه مساج لكل مواطن

مسااااااج ؟!!!!!

طبعا مساج

وده هيكون كل يوم الصبح



شوفتو مخصصين ناس للمساج ده

وبندى دورة لابنائنا الظباط ازاى ينفذوه

صح يادكتور من حق الشعب الوقتى يسامحكو



وبعدين احنا بنخدم المواطن بيخليه يتقرب لربنا باعمال مش اى حد يقدر عليها

!!!!!!!!!!!!!!!!!!!!!!!!




شوفتى بيصوم طول السنه

والله فيك الخير يادكتور

سادتى سادتى كان معكم الدكتور عبقرينو خبير الطحن

علشان يبين وجهة نظر الحكومه

وبكده اعتقد ملناش اى حق نلوم عالحكومه

ونصبح عليها كمان ونقولها




الى هنا سيداتى انساتى تنتهى حلقة اليوم من برنامجكم

صباح الخير يامنتدى


قدمه لكم

رامى سعد

من منتديات احلام عمرنا

انتظرونا غدا وحلقة جديده

وموضوع جديد

كل الود


يلا الكل دلوقتى عندهم امتحانات
وكمان عندهم ظهور للنتيجه
يلا كلنا ندعلهم
____________________________

يا رب الى عنده امتحانات ينجح
وناتجه تكون امتياز

سجل حضورك بدعوه لكل اخواتنا اللى بيمتحنو

برنامج جميل اوى

انت اشتغلت مذيع قبل كدا



تسلم ايدك رامى

فكرة تجنن

يسلم ابداعك

بانتظار جديدك

ودى ,,,

رورو

بجد اذهلنى ردك الاكثر من رائع

يسلموووووووووو كتير

وانشاء الله الحلقه الجايه تحوذ اعجابك

ودىا

بنوته

نورتينى وذدتى للتوبك جمال خاص

وبالنسبه للاذاع كنت مذيع ايام الاعدادى

بس مذيع مسخرة حرف الراء ضارب

متخيله بقا ههههههههههههههههههه

بنوته

موضوع هايل جداااااااااااا

رامي

تسلم الايادي

بجد تحفة

وتقديمه اكثر من رائع

بس ليه ركزت علي المواطن المطحون

ولم يعجبني الشعر

عشان انت مصري لازم تفقد كرامتك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عشان انت مصري لازم تصون كرامتك

اصلا فؤاد نجم ده مش بحبه نهائي

هو الموضوع جميل طبعا

بس نخلينا في المشكلات وكيفيه حلها

بلاش نبقي زي برامج تانيه

كل همها انها تجيب السيء وتتريق عليه

خلينا هنا نكون محايدين

لا مع الحكومه

ولا مع المعارضه

نقول الحق

الحلو نضرب له تعظيم سلام

والوحش نقوله مشكلتك فين

وتتحل الزاي

تم التثبيت للاهمية

مراد اولا نورتنى جدا

وثانيا ميرسى كتير عالتثبيت

ثالثا الموضوع طرح نفسه

بعد عدة مشاكل متداوله زى خالد سعيد

واللى اتقتل فلبنان وخلافه

قولى اسقف لمين فاللى حصل وانا اسقف

نورتنى مراد

وانشاء الله الحلقه الجايه هنتكلم عن مواضيع تانيه

ودىا مراد

رامى ياااه

قرءت وبتمعن شديد وغوصت بما فييه من حقائق

بس جميل اوى

واحلا مافيه حرف راء تقول عثل

بس رايى مراد اننا منتكلمشى بسياسه دا القصد مع ان ف حياتنا كتير بنقولها لا والف رفض

لتلك اللى بيجرى بس هنعمل ايه زى مبتقول مواطن مصرى مطحون وصايم طول سنه

بس حمد لله ع كل شيئ

ومنتظره بقى ااالحلقه الجايه

ديما متألق ياجميل

بسووووووووووووووووووووووومه

نورتينى ونورتى البرنامج

انا عارف قصد مراد

واكيد انا معاه

بس هتبقى حلقه كده وحلقه كده

نورتينى ياقمر

ودىا

دائما مواضيعك وافكارك مميزه

ودائما متالق

تسلم على مجهودك المميز

تسلم الايادى رامى




وننتظر منك الحلقه القادمه

رامـــــــــى


الموضوع و الاعداد والتنسيق اكثر من رائــــــــــع

بجد فكــــــــــره جميله جدااا يارامى بحييك عليها كانت فين الافكار الجباره دى من زمان هههههه


منتظرين منك الحلقه القادمه بس تكون حلقه عن الايجابيات

مصر بخير برضو ومش كل الناس مطحونه

سلام الا ان نلتقى معك بالحلقه القادمه ،، تقبل وافر تحياتى

ياسمين


شكرا ياسمينا عالتشجيع الجميل منك

نورتى الموضوع بوجودك

ودىا


مونى

نورتينى وكلامك جميل جدا

ويارب يكون عجبك البرنامج بجد

علشان متقوليش كربون ههههههههههه

وحاضر الحلقه الجايه هنخرج بره شويه وبعدين

نرجع بايجابيات باذن الله

ودىا مونى

ياسمينا

مونى

يسلمووو رامى

حلقى كتير حلوة

وموضوع شيق وجميل

تسلم ايدك

ودى ,,,

نورتي البرنامج بنوته

بجد عجبتكم

طيب ابعتو فردودكو بقا تحبو الحلقه الجايه تكون عن ايه

نورتى بنوته

الله عليك ياروميل

حلقه اعجبتنى جدااا يامضروب اقصد يارامى

بتتكلم عن حقائق بحياتناااا

اخر صيحه بظهور انوثه الزوجه لازوجهاا

ياريت تتكلم عن حب او ............ احساس به

بس احساس بالحب اقوى ولا حب نفسه

ومتنساش الناس ورايهم بيه

اسعدتنى جداا كلما مررت بموضوعك الشيق والجميل

تحيـــــــــــــــــاتى من كل القلب بمزيد من تألأق يجميل

حلقه جميله جدااااااااا

رامـــــــــــى




فى انتظار المزيد من حلقاتك الرائعــــــــــه ،، تقبل تحياتى

ايه الحلاوة والجمال ده يا عم

بجد تحفة يا رامي

انت ادخل بالموضوع ده المسابقه

ولا اقولك

انا هديك عليه 300 نقطة من غير اي مسابقات

ودا اكبر عدد نقاط اعطيته لبرنامج

بس عندي ملاحظه بقي

اعمل ميعاد محدد لكل حلقه

يعني كل اسبوع مثلا

وخلي الاعضاء يشاركوا بارائهم برضه

في شكل برنامج

يعني كل رد ممكن يكون في شكل سؤال او اتصال تليفوني

والمضروب او الضيف اللي تستضيفه يرد ونعلق علي الموضوع

والحلقة الجايه يا ريت تكون عن

الاطفال وتربيتهم في الاشهر الاولي

وعايز دكتور اطفال حلو كده عشان محمد

قصدي عمك محمد هيتفرج علي الحلقة

ولو عجبته الحلقة

هيبعتلك ببرونه هديه

زى معملت حلقة عن المراة اعمل حلقة عن الزوج
وفعلا برنامج جميل ورائع تسلم

بسومه

نورتينى ياقمر بجد وجودك ابهرنى

وانشاء الله خياراتك فالاعتبار اكيد هيكون فى حلقة عن الحب


ودىا بسومه

مونىىىىىىىىىىىىىىىى

نورنى تواجدك واسعدنى اعجابك

وانشاء الله هنكمل الحلقات الجايه

ودىا مونى

مرااااااااااااااد

بجد نورتنى وميرسى ياباشا على ال300 نقطه

وزى مابيقولو مراد وراء كل عضو مجتهد مدير مميز

اما بالنسبه لملاحظاتك

عجبتنى جدا

والله وكان فدماغى الحلقه الجايه هخليها اتصالات تليفونيه

ورد العضو هيبقى عبارة عن مكالمة تليفونيه

لكن فكرت انه هيطول الحلقه زياده عن اللازم

وكده هيبقى برنامج نقاش جاد

فاهمنى طبعا لكن الفكرة فالبال وهنحاول نشوفلها حل

ونقدر نوسطها بين ده وده

اما بالنسبه لميعاد محدد

بص ياسيدى الفكرة بتجيلى فلحظه والله فبضطر اكتبها فوقتها

لانى لو استنيت لحظة الالهام بيروح وانت عارف اخوك ملهم اوى ههههههههههههه

انما هى بتبقى الصبح لكن الايام مش عارف

وبالنسبة لاقتراح عمى محمد على راسى طبعا

دا ابن طويل العمر يطول عمره وينصرة على من يعاديه اى هى ههههههههههه

انشاء الله هنعملو حلقه مخصوص بس الببرونه عاوزه اكس اكس لارج

مراد نورتنى واسعدتنى بجد

ودىا

زيزى

نورتى الحلقه واسعدتينى بتواجدك

وانشاء الله هنعمل حلقة اكيد عن الرجل

اختياراتك فالحسبان لاننا بنطالب بالمواساه ههههههه

نورتينى زيزى

ودىا

توام روحى

مش عارف للوقتى اقولك نورتى والا نورت

لكن بالاكيد ضفت للحلقه طابع خاص

والحلقة والله بتكون عالهوا صباحا

لكن مواعيد البرنامج حسب الالهام ههههههههه

ودىا توام روحى نورتى البرنامج

ودىا