البرنسيسة
صغنون اوي
ســآعـتي : التسجيل : 29/06/2010 المساهمات : 40 عدد النقاط : 165 المزاج : المهنة : الهوايه : الدولة : الأوسمة : التميز :
| موضوع: يلاااا نستعد للموت الثلاثاء 13 يوليو 2010, 1:07 am | |
| السلام عليكم ورحمة الله وبركاتة الحمد لله رب العالمين والصلاة والسلام علي رسول الله محمد صلي الله علية وسلم كل سنة حوالينا ناس بتموت الي مات ابوة والي ماتت مامتة والي مات جوزها والي مات ت مراتو والي مات جارة في البيت او جارك في الشارع بص وافتكر السنة الي عدت عليك وشوف كام واحد تعرفهم ماتو والي مات صاحبو وكان بيمشوا ويخرجوا سوا والي مات حد كان عارفة علي النت وعلي الشات وسؤالي هو ياتري انتا مستعد للموت ؟ ياتري مستعد تقابل ربنا ؟ هتقولة اية ؟ ودي حملة سمتها يلا نستعد للموت لاني كل ما اسئل اي حد ولما سئلت نفسي لقيت نفسي بجاوب علي نفسي اني مش مستعد للموت عاوزين نستعد للموت عاوزين نحاسب نفسنا شوف نفسك خايف من ربنا في اية خايف تموت لية خايف من الموت لية مش مستعد للموت لية علشان سجاير ولا مش عارف تغض بصرك ولا نفسك تتوب من الشات وكلام مع بنات ولا نفسك تتوبي من الشات خايف تقابل ربنا لية مبتصليش الحق بسرعة معانا في حملتنا واستعد للموت بيجي فجأة والي حادثة واغني الناس واشهر الناس كلو بيموت شوف كام رئيس دولة مات شوف كام مغني مات واقربهم مايكل جاكسون مهما كان معاك سلطة او فلوس او شهرة او حب الناس مفيش فايدة في لحظة هتموت وهتتكفن وهتتدفن اعمل حساب اللحظة دي وفكر فيها من دلوقت لو محجتش وتقدر تحج حج لو عليك زكاة مطلعتهاش طلعها لو في ذنوب سارع بالتوبة لو كنت ظالم اخوك او اختك او قرايبك في ميراث او اي حاجة رد المظالم لاهلها الظلم ظلمات يوم القيامة الانسان لما هيموت هيتمني يرجع ويصلح في دونيتة بس خلاص يكون فات الاوان ومحدش بيرجع لو مبتحافظش علي الصلاة ابتدي حاول تحافظ عليها اسئل نفسك وجاوب بسرعة هل مستعد للموت؟ قرر انك تتوب بسرعة وعليك بكثرة الدعاء وارفع ايدك لربنا وابكي وادعية جامد ادعية من قلبك قولة يارب سامحني عليك بكثرة الدعاء واستعين بربنا قولة دايما يارب بك استعين علي اي حاجة انتا نفسك فيها ودي عن تجربة شخصية يارب بك استعين علي الصلاة في المسجد يارب بك استعين علي غض البصر يارب بك استعين علي الرزق استعين بربنا في دعاؤك وصدقني ربنا هيستجيب ان شاء الله وعليك بكثرة الصدقة والسؤال التاني في الحملة يلا نستعد للموت هتعمل اية لو الدكتور فرضا قالك ودامك شهرين وهتموت عندك السرطان والاعمار بأيد ربنا ومتخفش ؟ وجالك مجرد احساس من الدكتور انك هتموت بعد شهرين بالرغم انك عارف ان الاعمار بأيد ربنا بس مرضك ميؤس منة هل هتعيش زي ما انتا عايش دلوقت ؟ شوف هتعيش ازاي وهتعمل اية وهتوب ازاي وهتبطل اية ؟ هو دة الاستعداد للموت يلا كلنا نستعد للموت علشان منخفش منة بل بالعكس نبقي مبسوطين من لقاء ربنا لاكن سبب الخوف من الموت مسئلتش نفسك خايف من الموت لية ؟ سبب الخوف من الموت هو الخوف من ربنا لاننا مش جاهزين ومش مستعدين ومش عارفين هنرد نقول اية لما يسألنا عملت اية للفقرا عملت اية لايتام عملت اية للغلابة عملت اية لفلسطين عملت اية في حياتك عملت اية بشبابك عملت اية بعلمك عملت اية بشهادتك عملت اية بفلوسك عملت اية بصحتك عملت اية بعقلك عملت اية بذكائك محافظتش علي الصلاة لية كنت بتصلي ؟ ملبستيش لبس محترم لية ؟ مكنتش بتخاف من ربنا ؟ ولا مكنتش عامل حساب ان هيجي عليك لحظة وتقف فيها بين ايد ربنا مفكرتش هتقولة اية ؟ بنخاف من الموت لاننا مش عارفين هنقابلة بالذنوب والمعاصي نقولة اية ادتلنا نعم يارب وعصيناك بيها ادتلنا عينين ومغضناش بصرنا وادتلنا وادتلنا وعصيناك وفي حملتنا عاوزين افكاركم كلكم ازاي هتستعد للموت ؟ وهي حملة للتوبة وجهاد النفس الرسول محمد صلي الله علية وسلم كان مع الصحابة في معركة وهما راجعين قالهم رجعنا من الجهاد الاصغر اي الجهاد الاكبر قالوا وما الجهاد الاكبر يا رسول الله صلي الله علية وسلم قال جهاد النفس الحملة دي لجهاد النفس الحملة دي للوقفة مع النفس لحظة صدق الحملة دي للتوبة اد اية كلنا محتاجين الحملة دي واد اية كلنا محتاجين الوقفة مع النفس واد اية كلنا محتاجين للتوبة الحملة دي لاصلاح ما فاتك من اخطاء او ظلم او تقصير في حق ربنا لو كنت علي علاقة ببنت لو كنتي علي علاقة بولد الحق اتقي الله وخاف ربنا في كل اعمالك وكل افعالك وكل اقوالك لو بتزعل او تعلي صوتك علي والدك او والدتك الحق راضيهم وصالحهم صدقني فجأة مش هتلاقيهم حواليك وهتندم ندم شديد في وقت مش هتلاقي حد يطب طب عليك لو كنت في دوامة سجاير وشيشة ومخدرات سيبها علشان خاطر ربنا قول معانا وقوم معانا مد ايدك وارفع ايدك لربنا وقول هسيب الذنب الفلاني علشانك يارب هسيب السجاير علشان خاطرك يارب لو شغال في اي حاجة حرام سبها علشان خاطر ربنا وفي حديث فيما معناة من ترك شيئ لله عوضة الله خيرا منة دور كل سنة وبص للسنة الي فاتت وشوف كام واحد كنت تعرفهم وماتو اما من اهل او اصحاب او جيران الحق نفسك اكتب في ورقة انتا عايش لية انتا عاوز اية اهدافك اية في حياتك اخرة الي انتا فية اية صلح اخطاءك وانوي توبة نصوحة الناس بتستعد كل سنة علشان المدارس وناس بتستعد لرمضان وناس بتستعد للعيد وناس بتستعد للخروج والفسح وناس بتستعد للصيف حملتنا بنقولك استعد للموت ياما ناس ماتت في رمضان والعيد والمصايف استعد للموت بانك تقرب من ربنا بانك تتوب بسم الله الرحمنم الرحيم وما خلقت الانس والجن الا ليعبدون صدق الله العظيم احنا بنستعد لكل حاجة لاكن هل في حد بيستعد للموت هل انتا مستعد للموت ؟ هل مستعد تقابل ربنا ؟ هل مستعد تقف بين ايد ربنا ؟ وشوف اية الي خايف تقابل بية ربنا وشوف اية الي مكسوف تقابل بية ربنا وتوب منة بسرعة وانوي التوبة وجاهد نفسك علشان خاطر ربنا وقولة يارب انا هتوب من الذنب الفلاني علشان خاطرك يارب اللهم ارحمنا فوق الارض وتحت الارض ويوم العرض انا لله وانا الية راجعون واخر دعوانا ان الحمد لله رب العالمين والصلاة والسلام علي رسول الله محمد صلي الله علية وسلم والسلام عليكم ورحمة الله وبركاتة
| |
|
Celina
ســآعـتي : التسجيل : 21/12/2009 المساهمات : 12379 عدد النقاط : 18808 المزاج : المهنة : الهوايه : الدولة : الأوسمة : التميز : أوسمة المسابقات :
| موضوع: رد: يلاااا نستعد للموت الثلاثاء 13 يوليو 2010, 6:07 pm | |
| | |
|
MOURAD
ســآعـتي : التسجيل : 12/06/2008 المساهمات : 23392 عدد النقاط : 69617 المزاج : المهنة : الهوايه : الدولة : الأوسمة : رقم العضوية : 1 التميز :
| |
الأب الروحي
ســآعـتي : التسجيل : 18/06/2008 المساهمات : 11243 عدد النقاط : 31079 المزاج : المهنة : الهوايه : الدولة : الأوسمة : التميز :
| موضوع: رد: يلاااا نستعد للموت الأحد 08 أغسطس 2010, 2:58 pm | |
| | |
|
Ģ.£.m.Ў
ســآعـتي : التسجيل : 13/06/2008 المساهمات : 27078 عدد النقاط : 69309 المزاج : المهنة : الهوايه : الدولة : الأوسمة : التميز :
| موضوع: رد: يلاااا نستعد للموت الأحد 08 أغسطس 2010, 11:27 pm | |
| | |
|
ЯoŔo❤
ســآعـتي : التسجيل : 14/06/2008 المساهمات : 20359 عدد النقاط : 44539 المزاج : المهنة : الهوايه : الدولة : الأوسمة : التميز :
| موضوع: رد: يلاااا نستعد للموت الإثنين 09 أغسطس 2010, 10:41 am | |
| موضوع مميز
جزاك الله خيرثااانكس | |
|