على قهوة المنتدى

مساكم فل وورد وياسمين وكل النسائم الحلوة .... وله يا بليه ــ رش قصاد القهوة ...
لامؤخذة يا بهوات ،، هنا هاتكون استراحة المنتدى ، يا مرحب بالجميع لو عديت كل يوم هنا هاتلاقي تربيزة تختارها في المكان اللي انت عايزه ، هاتلاقي الواد بليه ، اطلب منه مشروبك المفضل




، زي ماتحب ،،

واكتب اي كلام عايز تقوله ومش لاقي حد تقوله له ، مش عايزين نتعبك ونوجع دماغك - دي استراحة - اكتب سطر واحد اثنين بالكتير ،، سيب رسالة حب لاحد الاعضاء ، او لاحد احبائك ، او لنفسك - اشمعنى انت لا - قول كل اللي نفسك تقوله في اي موضوع تحبه ،،، قول انطباعك النهاردة ايه ،،،، فرحان ،، ليه ،،، مخنوق شوية ،، ليه ،،، شفت موقف في المواصلات ضايقك ،، شفت خبر في الاخبار خنقك ،، قول سلام عليكم كل يوم وامشي ،، قول صباحكم ورد يا جماعة ، قول العضو الفلاني واحشني ما حدش يعرف اخباره ايه ، وسيب له رسالة شوق وحب ،،،
يارب الموضوع يعجبكوا

سلام عليكم اولا
موضوع جميل ومميز طه
رساله لكل اللي غايب عن المنتدي بسبب ظروف او امتحانات
ربنا معاكم ووحشتونا اوي
ويارب ترجعوه بالسلامه
وبالتوفيق للجميع يارب

طبعا القاعده هنا والمشاريب عليك عايزاه بيبسي بليز

ثانكس طـــــــه بدايه متميزه
في انتظار جديدك دايما
دومت بكل خير

احم احم ( من اولها كده تدبيس )


يا سلام انتى اؤمرى يا سلمى نزل احلى بيبسى

لاحلى سلمى فى الملتقى يا واد يا بليه ..

وشوف بسمه امورتنا تشرب ايه على حسابى ..

حلوة فكرة القهوة وجديده

بجد فكره حلوه اخ طه

وانا بقى عايزه واحد كابتشينو بس سكر زياده يا واد يا بليه

وكلمتى بقول لكبيرنا الرئيس محمد حسنى مبارك

انا اسفه ياريس وبجد حقك على راسى


تسلم ايدك طه

نورتى القهوة واكيد بليه نزلك اللى انتى عاوزاه ..

صباح الفل على الكل ..

فى أثناء التحقيق مع السيد / أحمد عز .. وبسؤاله من آين لك هذا !!!؟
أجاب سيادته .. هذا من فضل ربى ..
فرد الشيطان عليه قائلا .. !! آآآآه يا واطى يا ناكر الجميل
هههههههههههههههههه

صباح الخير
يارب تكونوه بخير
انا عايزاه بقا شاي يكون مضبوط يا بليه وياريت كمان بقسماط
اصلي ناويه افطر علي القهوه
بتمني التوفيق للجميع يارب

سلام يا بليه :

اسمعو اسمعو
واحدة اسمها اسماء
بيقولة عليها ناشطة سياسية
كانت بتكلم قناة المحور من شوية مع سيد وهناء
بتقولهم اسرائيل لو جت وحكمتنا وعملت ديموقراطية وفلوس انا موافقة
...تقولولها اية


شكلى هموت مشلول ..

هــل تعلم أنـك
حيـن تحمـل القـرآن فـإن
الشيطـان يعانـي من ألـم شديد
في الـرأس .. حيـن تفتـح
القـرآن فأنه ينهار و يغمـى
............عليـه .. حيـن تقــرأ القـرأن
تجعـل إغمائتـه أطول .. وهل
تعلم ايضا انه حين تريد ان
تعيد ارسال هذه الرسالة
للآخرين فأن الشيطان سيحاول
ان يُثنيك عن ذلك .. اقرأوا
القرآن مرضاة للرب وطردا
للشياطين .. انشر هذه الكلمات
لجميع أصدقائك

جاامده اوى الفكره طه

بجد تستحق كل التقدير عليها

انا بقول لكل اعضاء المنتدى

ربنا يوفقكو جميعا فى حياتكم ومستقبلكم