موضوع: للى بيقولوا مبارك حرامى الخميس 17 فبراير 2011, 1:42 am
رساله الى كل من يسئون الى الرئيس محمد حسنى مبارك ويقولون انه حرامى :- لو كل واحد يشغل ذكائه ويعرف انى اغنى رجل فى العالم هو " وليام غيتس " وتبلغ ثروته 40 مليار دولار وهو صاحب شركة مايكروسوفت وثانى اغنى رجال العالم هو " وارم بافت " وتبلغ ثروته 37 مليار دولار فكيف الرئيس محمد حسنى مبارك يملك 70 مليار و أيضاً أصدرت صحيفة بريطانيه ان املا...ك الرئيس محمد حسنى مبارك لا تتعدى 3 مليار دولار:confuse d1: ارحمو الراجل ده افضل رئيس جمهور جيه لمصر وحافظ عليها وفضلنا 30 سنه فى امان والعالم كله كان بيحلف بمصر بسببه ربنا معاك يا مبارك ويشفيك ان شاء الله
موضوع: رد: للى بيقولوا مبارك حرامى الخميس 17 فبراير 2011, 2:50 am
اقتباس :
رساله الى كل من يسئون الى الرئيس محمد حسنى مبارك
اولا هو مبقاش الرئيس يا جمال ..
ثانيا : هو معنى ان ثروته 3 مليار يبقى هو كده مش حرامى .. لما يبقى العدد الكبير من الشعب المصرى ده تحت خط الفقر ورئيسهم عنده 3 ملياااااااااااااااار بس يبقى مش حرامى .. بذمتك انت مقتنع بالكلام ده ...
موضوع: رد: للى بيقولوا مبارك حرامى الخميس 17 فبراير 2011, 5:44 am
الطامع فى المغفرة كتب:
اقتباس :
رساله الى كل من يسئون الى الرئيس محمد حسنى مبارك
اولا هو مبقاش الرئيس يا جمال ..
ثانيا : هو معنى ان ثروته 3 مليار يبقى هو كده مش حرامى .. لما يبقى العدد الكبير من الشعب المصرى ده تحت خط الفقر ورئيسهم عنده 3 ملياااااااااااااااار بس يبقى مش حرامى .. بذمتك انت مقتنع بالكلام ده ...
هى بتتوزن بالعقل ده رئيس دوله بقاله 30 سنه
ومش اى دوله دى اكبر دوله فى العرب
يعنى المفروض يكون معاه اكتر من كده بكتيير
وانا مش هتكلم عليه سمسم نزله فيديو بتيهالى لو شفته هتعرف انه بيحب البلد وشعبها اكتر من حد
وكمان احنا مش بنتكلم على مبارك
شوف احمد عز الطبال اللى بقاله 5 سنيين فى الوزاره وبقى معاه مليارات لا تحصى
فى حكومه تحت مبارك وفى ضاء عالى بيحاسبها لان الرئيس مش هيجي على كل واحد
ويقوله انت عايز ايه مبارك خلانا نعيش فى سلاام 30 سنه من غير حروب
واى بلد فى الدنيا فى بطاله امريكا لوحدها فى بطاله كبيره
ولو ركزت شويه هتلاقى ان مبارك استلم الحكم بعد السداد والبلد دى على الصفر
يعنى عماره من غير عمدان ومديونه دلوقتى مفيش ديوون زى الاول
مبارك ليه امجاد كتيره نذكرها وليه كمان اخطاؤه ومفيش انسان معصوم من الخطأ
موضوع: رد: للى بيقولوا مبارك حرامى الجمعة 18 فبراير 2011, 1:27 am
اقتباس :
شوف احمد عز الطبال اللى بقاله 5 سنيين فى الوزاره وبقى معاه مليارات لا تحصى
الجمله دى لوحدها دليل على ان مبارك مش قد المسئوليه لان تحت ايده رعيه فاسدة بتحكم البلد وهو لاما عارف ومطنش لاما نايم فى العسل ومش عارف حاجه ومينفعش يبقى رئيس ويبقى مش عارف البلد اللى بيحكمها بيحصل فيها ايه ( يعنى من الاخر هو كان عارف ومطنش )
اقتباس :
مبارك خلانا نعيش فى سلاام 30 سنه من غير حروب
يا جمال مبارك خلانا موطيين راسنا 30 سنه الرسول عليه الصلاة والسلام بيقول ( الساكت عن الحق شيطان اخرس ) واحنا رسولنا اتشتم واستهزئ بيه وطلعنا قلنا ( نشجب - نعترض ) يا فرحتى وبما اننا اقوى دوله عربيه المفروض كان يبقى لينا مواقف قويه ادام كل اهانه موجهه للعرب مش ترمى السلاح ونقول احنا عاوزين سلام وهدنه ونسيب كل كلب يقلل مننا شويه ..
اقتباس :
واى بلد فى الدنيا فى بطاله امريكا لوحدها فى بطاله كبيره
صح انا معاك ان اى بلد فى الدنيا فيها بطاله حتى امريكا لكن مصر صحبة اكبر نسبة بطاله فى العالم .. ده غير ان الثورة قامت عشان اسباب تانيه كتيييييييييييييير غير البطاله .. مبارك اخطائه لاتعد ولا تحصى ..
موضوع: رد: للى بيقولوا مبارك حرامى الجمعة 18 فبراير 2011, 6:18 am
اولا يا باشا احب اعرفك ان انا بدرس فى كلية اثار يعنى الحمد لله تقدر تقول التاريخ ده شغلى مع انى قسم ترميم بس بردو درست تاريخ كتير اووووووووى ولسه ناوى ادرس ..
ثانيا : انت خرجتنا من الموضوع بتاعنا وهو ( هل مبارك حرامى وفاسد ولا لاء ؟؟ ) ودخلتنا فى موضوع الاحتلال وجمال عبدالناصر والسادات .. انا معاك ان دى نقطه مهمه بس مش موضعنا ..
ثالثا :
اقتباس :
وبالنسبه للحكومه اللى تحت مبارك ففى قضاء بيحاسبهم لانه مش هيراعى البلد بره وجوه
الكلام ده غلط خاااااااااااااالص وانا مش معاك نهائى لان الحكومه دى هو اللى بيختارها مش هى بتيجى لوحدها من الشارع .. وكمان هو لو مرعاش امور البلد بره وجوه يبقى مش رئيس وملوش لزمه ( من الاخر هو لو مختار حكومه صح ونظيفه مكنش حصل كده ) ..
رابعا : وده الاهم سيبك من الكلام فى الموضوع ده يا عم لحسن احنا كده هنضرب بعض وهنروح القسم وانا مش عاوزك تاخد موقف منى يا مان ...