على باب السفارة لمحت ابليس و ف ايده استمارة

على باب السفارة
لمحت ابليس و ف ايده استمارة
..بقول له على فين...
قاللي بص
..يا هجره يا اعارة
.....يا عم زهقت كفرت
..الاقيش معاك سيجارة
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايدة

ما أجمل ترابط الكلـمة بالكلـمة ..
حتى تعـانق روعـة الـمعـنى
و ما أصعب أن تمـر من هـنا دون أن
تشيــد بذاك الإبـداع الذي نسـجتموهـ ...

جـل إمتـناني ... على هذا التـميز الراقي