موضوع: رد: لمــــاذا يلجـأ البعض للكتمان؟؟ السبت 30 أغسطس 2008, 9:08 pm
كانـــدلز.. بحييكى على ردك وصراحتك ،،
وفعلا احيانا الكتمان بيكون افضل ،،
بالنسبالى اكتم اللى جوايا احسن مااحس فى نظرة عين اللى ادامى باستخفاف لمشاعرى او لآلامى او ع الاقل انه مش حاسسنى ساعتها فعلا بيكون السكوت افضل ..
وبرضو فعلا الواحد مبيتكلمش عشان ميضايقش اللى ادامه بمشاكله ويزود عليه .
بس الحمد لله اننا بنلاقى القلب اللى نفضفضله باللى جوانا عشان نرتاح وان كنا برضو احنا اللى هنحل مشاكلنا بنفسنا لان احنا اقدر الناس على فهمها لكن زى ماقولتى بنحتاج دعم نستعيد بيه ثقتنا بنفسنا..
وفعلا مش اى حد ممكن نلجأ له عشان نفضفضله بأللى جوانا .. لازم يكون حد قريب مننا ويقدر يحس بأللى جوانا والا نبقى بنقل من نفسنا وبندى فرصة لاى حد انه يستخف بينا او يشوفنا فى موقف ضعف طبعا منقبلوش.
تسلم يا جيمى على مــرورك وردك ..
وميـــرسى ياسيدى على الافادة اللى ف الاخر دى ،،
واهو مرة نلطش من نفسنا اشمعنى انت هارينا لطش من هنا ومن هنا يعنى
موضوع: رد: لمــــاذا يلجـأ البعض للكتمان؟؟ الجمعة 05 ديسمبر 2008, 9:43 pm
نـــــوووورى .. نورتى صفحتى يا عثـلـيــة..
عندك حق فى كلامك بس انا رأيى ان الكتمان احيانا بيكون ليه فوايد لما يكون اللى هنقوله ممكن نندم عليه فيما بعد
زى كتمان العصبية جوانا لو مضايقين من حد عزيز على قلبنا مثلا او مضايقين من ناس كنا فاكرين اننا اغلى الناس عليهم واقرب قلب ليهم وفاكرين اننا المقام الاول فى حياتنا زى ماهم فى حياتنا بالظبط،، واحنا عارفين اننا لو اتكلمنا ساعتها يمكن نقول كلام يجرح فيهم غصب عنا ساعتها فعلا بيكون الكتمان افضل.
ممكن يكون الكتمان افضل من اننا نكلم حد فى حاجات وجعانا اوى ومعلمة فينا بجروح من الدرجة التالتة وهو بيتعامل مع جرحك باستخفاف لمشاعرك يبقى اكيد الكتمان ساعتها افضل
ممكن يكون الكتمان افضل لو هتكلم مع حد مش اهل ثقة ممكن بعد ساعة من كلامى الاقى كأنى كنت بتكلم فى مايك كل الناس عارفة اللى كنت بقوله وبشكى منه وانا فاكرة انى كنت بحكى سرى لالى هيعرف يصونه ساعتها فعلا الكتمان بيكون افضل مادمت مش واثقة ان اللى ادامى اهل لحفظ اسرارى.
بس لو بنطلع اللى جوانا لناس بنحبهم ويحبونا اكيد مادام بيحبونا وغاليين عليهم هيحسوا باللى فينا وهيبقوا هما نفسهم عايزينا
نقولهم باللى جوانا عشان نفضفض لان فعلا الفضفضة لالى بيحسوا بينااااا بتريــح كتيـــــــــــــررر..والكتمان هنا مش هيضر حد غيرنا مادمنا عارفين اللى ممكن يخفف عنا ومش عايزين نعمله ..
انتى قلتى كلمة عجبتنى اوى يا نور ..
مبقولش داايما غير كلمة واحدة (يــــارب) مفيش احن منو عليا
ربنا فعلا مفيش احن منه على عباده..
تسلمى على المرور يا قمــر .. ويااااارب يريح قلبك وبالك دايماا ..