موضوع: طرق تسريع الكمبيوتر ( نظام XP ) الجمعة 10 يونيو 2011, 1:03 am
طرق تسريع الكمبيوتر ( نظام XP ) شرح بالصور عن كيفية تسريع جهازك / ست خطوات
السلام عليكم ورحمة الله
بسم الله الرحمن الرحيم
من خبرتي في هذا المجال .. احب اعطيكم افضل الطرق واسرعها لتسريع الكمبيوتر بشكل فعال وبدون تكاليف .. فيه بعض الطرق بتكلفة بسيطة ...
طبعاً موضوعي هذا خاص ب ويندوز XP وباذن الله راح اطرح موضوع ثاني خاص بويندوز فيستا
نبدأ باسم الله الرحمن الرحيم
هذي ست خطوات طبق منها اللي تعرف له واللي تحس انك ماعرفت له خله .. وانتقل للخطوة اللي بعدها ... يعني مب لازم تطبق كل الخطوات الست ..
الخطوة الاولى 1
إلغاء ضغط الهارديسك ( القرص الصلب ) و كذلك الفهرسة في الهارديسك .
إذا كنت لاتستخدم بحث الملفات الخاص بالويندوز XP . فانت لاتحتاج للفهرسة وهي عموماً مب مهمة ابدا .. تعطيل ميزة الفهرسة راح يسرع لك الحصول على الملفات من الهارديسك ( القرص الصلب ) ..
طريقة التعطيل .
افتح ابدأ > ثم جهاز الكمبيوتر > تلاقي الاقراص هناك اضغط يمين على قرص C ( واختر خصائص ) .
المربعين في الاسفل اذا حصلت علامة صح فيها شيلها كما في الصورة التالية : ازالة-الفهرسة-والضغط.gif
ملاحظة : تقدر توصل لجهاز الكمبيوتر من اكثر من مكان مثل سطح المكتب .
انتهت الخطوة الأولى
الخطوة الثانية 2
مسح الملفات المؤقته ( ملفات الكاش ) ملفات التصفح القديمة جداً وملفات البرامج المحذوفة .. يعني تكون حذفت برنامج من قبل شهرين وملفاته لاتزال في برمجة كمبيوترك هذا يؤثر على جهازك ولما تحذفها بيكون اسرع ..
الطريقة : حمل برنامج حذف الملفات المؤقته والغير هامة من الرابط التالي : systemcleanup.zip
ثم قم بالخطوات حسب الصورة التالية : System-Cleanup_1.png
البرنامج سهل وبيقوم بحذف الملفات اللي حددتها وهي ملفات غير هامة وراح يصبح جهازك اسرع .
انتهت الخطوة الثانية
الخطوة الثالثة 3
ثبت رامات اكثر في جهازك . الرام RAM مهمة جداً في اداء الجهاز .. انصح باختيار رام 2 جيجا من نوع DDR2 وسعرها فقط 220 ريال
الخطوة الثالثة انتهت
الخطوة الرابعة 4
إزالة البرامج القديمة واللي ماتحتاجها وماتستخدمها .
احيانا تثبت برنامج وتستخدمه وتنساه ويجلس في جهازك يسوي زحمة على الفاضي وبعض البرامج تشتغل مع بداية التشغيل فتاثر على سرعة جهازك .. الحل ازالة البرامج اللي ماتستخدمها .
الطريقة : افتح ابدأ > ثم لوحة التحكم
تحصل ( إضافة / إزالة البرامج )
افتحها بتلقى قائمة طويلة بالبرامج الموجودة بجهازك .. تأكد من كل برنامج واللي ماتحتاجه لاتتردد بازالته نهائياً من جهازك ..
انتهت الطريقة الرابعة
الطريقة الخامسة 5
الغاء التأثيرات الجانبية ( تاثيرات وحركات اضافية في الويندوز ) منت بحاجة لها .
في الويندوز اكس بي .. يوجد حركات وتاثيرات بسيطة اصلا ماتلاحظها وتسوي ثقل في الانتقال بين المجلدات .. هذا التاثيرات في رايي مالها داعي ووجودها مثل عدمه .. اذا عطلتها راح تلاحظ سرعة في تصفح جهازك .
الطريقة : افتح ابدأ > ثم لوحة التحكم
افتح ( النظام )
باعلى النافذة اللي بتظهر لك فيه ( خيارات متقدمه ) افتحها بتلاقي ( الاداء ) وقدامه اعدادات افتحها ..
حدد على ( مخصص ) وفي الاسفل مربع كبير فيه كثير من الخيارات .
امسح كل التحديد ماعدا الخيارات التالية : حدود متجانسة للخطوط على الشاشة استخدام انماط مرئية في الإطارات والازرار
( باقي الاختيارات بالمربعة شيل عنها التحديد تماماً )
ماراح تلاحظ اي تغير في الويندوز عندك وبنفس الوقت الجهاز اسرع
انتهت الخطوة الخامسة
الخطوة السادسة 6
حذف الخطوط اللي ماتستخدمها .
الخطوط بجهازك كثيرة جداً .. فاذا ماكنت مصمم ( يعني تصمم بالفوتوشوب ) فانت مو بحاجة لكل هالخطوط لذلك تقدر تشيك على الخطوط وتشوفها والخط اللي ماتحتاجة بكل بساطة احذف ملفه ..
طيف نجي للطريقة : افتح ابدأ > ثم لوحة التحكم
تلاقي ( الخطوط ) افتحها
بتشوف مجموعة كبيرة من الملفات .. اضغط على واحد واحد منها بيفتح وبيطلع لك حروف .. شف الخطوط الانجليزية الكثيرة والعربي المزخرف هذي ماتحتاجها احذفها
بس مو كلها .. يعني انتبه تحذف الخطوط اللي بإسم ( Arial ) و ( tahoma ) و ( verdana ) ..
انتبه بدون خطوط جهازك ترى بيطلع مخرف ولايطلع لك كلام .. لذلك لاتحذف كل الخطوط .. يعني بيجي واحد بيسوي فاهم يسوي تحديد الكل وحذف ...
احذف فقط الخطوط العربية المزخرفة اللي ماتحتاجها وكم خط انجليزي مزخرف بعد .. الخطوط الرسمية اتركها ..
موضوع: طرق تسريع الكمبيوتر ( نظام XP ) 
الجمعة 10 يونيو 2011, 1:03 am
ماشاء الله مجهود اكثر من رائع ومميزمن عضو 
***الصـLEGENDARYـاعـق*** 
