صحيــــــــــــت من النوم .. و لكــ ـــــــن ؟؟!

صحيت من النوم فجأة

شفت نور غريب !!

المشكلة أن نور الأوضة مطفي

شفت الساعة و كانت على 3 ونص الفجر

طيب .. النور ده كله جي منين ؟؟؟

-----

اتفاجأت لما شفت ايدي نصها في الحيطة

طلعتها بسرعة وانا خايف و قعدت اشوفها

دخلتها مره ثانيه في الحيطة .. دخلت !!!!!!!!

----

سمعت صوت ضحك

فقعدت التفت لقيت اخويا نايم !!!

قمت من السرير وانا خايف رحت اصحيه

بس ماردش عليا

رحت لأوضة ماما

أحاول أصحي بابايا

عايز حد يرد عليا ماردوش

رحت لماما أحاول اصحيها فجأة قامت من النوم !!!!!

---

هي قامت من النوم بس ماكلمتنيش

كانت بتسمي ' بسم الله الرحمن الرحيم ' وتكررها ..

قوّمت بابايا من النوم قالت له ' قوم قوم '

' عايزة أروح أطمن على الولاد ' ..

بابايا جاوبها باستغراب ' مش وقته خليني انام وبكرا ان شاء الله خير '

لكن باصرارها قام من النوم مستغرب وراحو سوى

---

قعدت أصرخ ماماااا باباااا

بس محدش رد !!!

مسكت هدومها عايزها تسمعني

بس ماحستش !!!

قعدت امشي وراها لحد ما وصلت أوضة النوم

دخلوا أوضة النوم و شغلوا اللمبات

مافرقش معايا لأن الدنيا كانت منوّرة أصلا

بسسس اتفاجات لما شفت شي غرييييييب

---

شفت جسمي !!!

أيوه جسمي انا

قعدت أشوف نفسي لقيتني بقيت اثنين

قلت في نفسي مين ده ؟ و ازاي ده شبهي !!!

قعدت أضرب في نفسي عايز أصحى من اللي أنا فيه ده

لكن ماصحيـــــتش

---

بابايا قال ' يالله شفتيهم هما نايمين اهو خلينا نمشي '

لكن ماما ماهديتش راحت عند اللي كان نايم مكاني

قالت محمد قووم محمد قووم رد عليا

بس ماردش !!!

حاولت أكثر من مررة وفجأة بدأت دمووع أبويا تتساقط

أبويا القوي اللي عمري في حياتي ماشفت دموعه شوفتها النهاردة

و بدأ الصراخ يعلو المكان .. صحى أخويا من النوم قال ' ايه في ايه ؟؟! '

ماما قالتله وهي بتصرخ ' أخووك ماات محمد مااااات ' وهي بتبكي بحرقة

---

ازداد الصراخ

رحت لماما قلتلها ' ماتبكيش أنا هنا شوفيني !! '

' ماحدش بيرد عليا ليييييه '

قعدت أصرخ أنا موجووود شوفووو

بس ماحدش بيرد

قعدت أصرخ يااااارب يااااااارب يخلص الحلم اللي انا فييييه ده

---

سمعت صوت جاي من بعيد وكان بيعلا شيء فشيء

حتى سمعت قوله تعالى :

لقد كنت في غفلة من هذا فكشفنا عنك غطاءك فبصرك اليوم حديد

((لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))

و فجأة في اثنين مسكوني بس هما مش من البشر

خوفت !!

قعدت أصرخ ' سيبوني سيبوني '

أنتو مييين ؟؟ و عايزين ايه ؟؟

قالو : ' احنا حراسك لحد القبر '

----

قلت ' أنا مامتش أنا لسة حي '

' لييه حتودوني القبر سيبوني !! '

' أنا باحس و باتكلم و باشوف و باسمع لسة مامتش '

ردوا عليا بابتسامة

قالوا ' عجيب أمركم يالبشر معتقدون أن الموت نهاية الحياة و لا تعلمون أن الذي كنتم تعيشون فيه ما هو الا حلم قصير ينتهي عندما تموتون '

و فضلوا يسحبوني لحد القبر

واحنا في الطريق شفت ناس بتبكي وناس بتضحك و ناس بتصرخ

وكل واحد معاه اثنين زيي

سألتهم ليييه بيعملوا كدة ؟؟

قالوا ' الناس دول عارفين مصيرهم منهم من كان على ضلال '

قاطعتهم وانا خائف ' يعني بيروحو النار !!!! '

قالو ' نـعـم '

وأكملو حديثهم ' و اللي بيضحك ده رايح الجنة '

رديت بسرعة ' وأنا رايح فيين ؟؟؟؟؟ '

قالوا ' أنت كنت شوية تمشي صح و شوية تمشي غلط

شوية تتوب وترجع اليوم الثاني تعصي وماكنتش واضح مع نفسك

و حاتفضل كدة تايه '

قاطعتهم و أنا خائف ' يعني اييييييييه يعني انا حاروووح الناار؟؟! '

ردوا عليا ' رحمة الله واسعة و الرحلة طويلة '

---

التفت وأنا خايف شفت أهلي أبويا عمي أخوتني أقاربي كلهم

كانوا شايلنني بصندوق جريت لهم قلتلهم ' ادعولي '

بس مافيش حد رد عليا منهم اللي كان بيبكي ومنهم من كان حزيين

رحت لأخويا قلتله ' انتبه من الدنيا و خللي بالك أوعى تسيب مفاتنها تغريك '

كنت أتمنى لو أنه يسمعني

شدوني الملكيين لقبري ونيموني فوق جسدي

شفت ابويا وهو بيرمي التراب فوقي

شفت اخواتي وهما يرموا التراب

شفت الناس كلها ترمي التراب فوقي

----

تمنيت لو اني مكانهم في الدنيا ساعتها كنت توبت

كنت صليت الفجر امبارح

كنت دعيييت ربي كل يوم

كنت جددت توبتي كل يوم

كنت بطلت معااااصي

قعدت اصرخ ' يااانااااس انتبهووو خللي بالكوا اوعوا تغريكوا مفاتن الدنيا و تنسوا الاّّخرة '

تمنييت لو حد كان سامعني

فهل سمعتني أنت ؟؟!

خلاصة الكلام : ان يمكن احنا كشباب و بنات عايشين حياتنا زي ماحابين نعيشها بس يمكن مع تطور الحياة و الانفتاح الحضاري الكبير و التقدم التكنلوجي الهايل ده خللى كتيييير مننا يبعد عن أبسط الحقوق اللي عليه لربه ....

مش معنى كدة أننا نتصوف أو نتفرغ بوقتنا كله للعبادة بس أو للعمل بس ... احنا ممكن نعيش حياتنا بالطول و العرض زي مااحنا عايزيين فعلا و في نفس الوقت مانعصيش اللي خلقنا ... و لو سألتوني ازاي حاقولكم حطوا ربنا قدامكم قبل أي شي حاتشوفوا الدنيا أحلى و أحلى و أحلى و صدقوني عمركوا ما حاتندموا ......

قصة رائعة يا جيمي

ومؤثرة اووي

فيها عبرة وموعظة

ثانكس جيمي عالمواضيع المفيدة دي

وددي وعبيري من اكليل وردي

جيمي

سلام من الله عليكم ورحمة من لدنه وبركاته
سـلال من الـودِّ .. بـلا حـدٍّ .. ولا عـدِّ

اعظم الله لك الاجر والمثوبة على هذا الموضوع الرائع
جعلة الله في ميزان حسناتك .

نسال الله الثبات وحسن الختام
وان يرزقنا العمل الصالح اللذي يرضاة عنا
وفي آخر الزمان تتقاضى البشرية عند الرب جل وعلا .

اللهم ان نعوذ بك من الشرك والشقاق والنفاق وسوء الاخلاق
اللهم ثبتنا بالقول الثابت في الحياة الدنيا وفي الاخرة يارب العاالمين

ودي ووردي

» ظاهرة النوم
» التفكير قبل النوم
» قلة النوم واضطرابه
» التفكيرقبل النوم
» أذكار الاستيقاظ من النوم