موضوع: رد: شعب يخاف ميختشيش... بقلمى !!!! الإثنين 24 أكتوبر 2011, 12:58 pm
وحبيت اختم بجزء من شعر المبدع هشام الكخ
علمونا بالعصاية ورضعونا الخوف رضاعه ...
علمونا فى المدارس يعنى ايه كلمة قيام ...
قيااام ...
علمونا نخاف من الناظر فيتمنع الكلام ..
علمونا ازاى نخاف وازاى نكش ....
بس نسيوا يعلمونا الاحترام ...
مستنى ايه من طفل ربوه بالزعاق ...
غير المشاكل والخناق ...
واخيرااا دا شعر بقلمى ... سميته ضد التغيير ... بيوضح نفس الفكرة ...
أنا مش ضد التغيير انا ضد الفوضى انا ضد اى واحد يأكل حقى اونطه ثورتنا كانت فى الجون مكنتش فى العارضة يالا نحافظ عليها ونصلح الغلطه
....
مش عايزة الاقى خراب طول مانا رايحة وجايه مش عايزة الاقى دمار ونهب كل شوية اخدنا حريتنا ونولتها اخيرا شوفتها بعنيا يبقى استخدمها صح مهياش يعنى قضية
....
يالا يامصريين ... حافظوا على بلادنا حافظوا على ترابها على نيلها وشبابنا وشهداء ماتوا فيها دول اسمهم اخواتنا يالا نبنيها من جديد ونعوض الى فاتنا ... ونعوض الى فاتنا ...
اتمنى ان ينال الموضوع اعجابكم .... بقلمى .... ليلى المسلمه
مرورك جميل يابدر ... واسعدنى بدرجة كبيرة ومبسوطة بمداخلتك ومناقشتك جدا ... ارد عليك بقى
اولا يابدور انا فى موضوعى مش بتكلم عن البلطجية اطلاقا ... السلوكيات الخاطئة الى ظهرت فى المجتمع دى اغلب الى عملوها مش بلطجية ... ساى مثلا ... الفلاح الى بنى على الارض الزراعيه دا قبل الثورة كنت تقدر تقول عليه بلطجى ؟؟ ولا راجل غلبان وعلى اد حاله ومش بتاع مشاكل ...
صاحب العمارة الى الدور عنده بمليون جنيه ووقت الثورة استغل الفرصة وقام بنى خمس ادوار كمان بدون ترخيص ؟؟ تفتكر قبل الثورة كان اسمه ايه ؟؟..بلطجى ؟؟ ... ولا راجل محترم ومقتدر وصاحب املاك مش كدا ؟؟
طيب السواق الى كان بيترعب لما يشوف ظابط وميقدرش يفتح بوقه معاه واوقات كان بياخد منه اتاوة كمان .. بعد الثورة لما غلى الاجرة واخد مكان زميلة فى الموقف ومشى عكس السير وطلع فوق الرصيف كمان ... دا مكنش بلطجى قبل الثورة ولا ايه ؟؟
والتاجر الى غلى الاسعار على الناس ووقفهم قدامه طوابير وبتاع الانابيب الى خلى الانبوبه ب30 جنيه برضو بلطجى ؟؟
طب والبواب الى على باب الله والعصر راح اغتصب طفلة عندها 12 سنه برضو كان بلطجى ؟؟
طب وعمال المحارة الى قتلوا صاحب الشقة الى شغالين فيها برضو كانوا بلطجية ؟؟
والجيران الى عندكوا فى الشارع الى اول ما حصلت عركة لقيت كل انواع الاسلحة موجوده فيها برضو بلطجية ؟؟
والجار الى دخل اغتصب جارته برضو بلطجى ؟؟ ولا قبل الثورة كان موظف محترم وليه هيبته ؟؟
لو كل دول بلطجية يبقى كدا الشعب كله بلطجى ... بس انا مش بقول عليهم بلطجيه ... لانهم مكنوش كدا ...
هما مش من الاول مخالفين وبيعملوا سلوكيات خاطئة كدا لا بالعكس دول كانوا ناس ملتزمة وبتتبع القوانين ...
بس اول ما جتلهم فرصة مش يتبعوا القوانين عملوا كدا ... حتى لو دا فيه خراب للبلد مش مهم وانا مالى ...
موضوع: رد: شعب يخاف ميختشيش... بقلمى !!!! الثلاثاء 25 أكتوبر 2011, 6:46 pm
انا معاكى يا ليلى ان فى فوضى بس بردو ايام النظام كان فى فوضى يمكن الاعلام كان بيغطى عليها عشان تحسى ان الدنيا بخير وجميله ومش كل الى بيحصل كان بيتكتب شوفى المعتقلات والسجون والبلطجه انت وقتها من نوع تانى كانت بلطجه الشرطه لما تلقى امين الشرطه بتاع المروربياخد منك فلوس بالعافيه وامين الشرطه فى الشارع بيتلككلك وبردو بياخد فلوس بالعافيه مدى كانت بلطجه واى امين شرطه شاب او راجل يرد عليه والرد ميعجبوش اركب معايه البوكس اشتباه مش دى كانت بلطجه بردو فى ثوره فى الدنيا بيبقى فى لحظات فيها فيها فوضى بس الاهم اننا نغير من نفسنا ونغير الهيكل العام للنظام الى يجبر الكل على اتباعه لما الشرطه تهيكل نفسها على نظام عدل اكيد الشعب وكل شريف هيساعدها ويقف جمبها عشان هيبقى عارف ان فى عدل وهيحس بقيمة ليه فى الدوله واكيد هيقف مع كل ظابط شريف ويساعده العيب مش فى الشعب بس دلوقت العيب ان فى فرصه للبلطجيه بسبب حاله التخبط الى الشرطه فيها فبتديهم فرصه انهم بيعملو كل مايحلو لهم لكن للاسف الحسنه بتخص والسيئه بتعم لما بتحصل حاجه بيقولك الشعب كل فوضوى وده مش سليم اتمنى التغير وان الدوله ترجع تتماسك تانى والنظام يرجع وكل شخص يبقى بيساعد فيه بدور ايجابى لازم كل هيئات الدوله والشعب يتكاتفو عشان يعدو المرحله وده الحل الوحيد ونظام اى دوله متقدمه قويه النظام العام
المسلمه كل الشكر والامتنان على روعهـ بوحـكـ .. وروعهـ مانــثرت .. وجماليهـ طرحكـ .. دائما متميزه راقيه في الانتقاء سلمتى على روعه طرحك نترقب المزيد من جديدك دمتى ودامت لنا روعه مواضيعك
عدل سابقا من قبل *الصـLEGENDـاعق* في الجمعة 28 أكتوبر 2011, 8:22 am عدل 1 مرات
موضوع: رد: شعب يخاف ميختشيش... بقلمى !!!! الأربعاء 26 أكتوبر 2011, 3:05 pm
اوافقك الرأى تماما استاذى صاعق ... لطالما كانت الشرطة وممارستها اكبر مدرسة لتعليم البلطجه .. هما من صنعوا البلطجه بالفعل ... ويجب ان نعلم ان العنف لا يولد الا العنف .. ولم يكن العنف يوما ليولد لنا شعبا محترما وصالحا ... وهذه النتيجة رأيناها الان ... اشكرك صاعق لما نثرت من تحليل جميل واسباب واقعيه وحلول مجدية ... ميرسى صاعق للمرور الجميل مرورك بأى موضوع يزيده اشراقا وجمالا ... ليلى المسلمه .................................................
عدل سابقا من قبل المسلمه في الجمعة 28 أكتوبر 2011, 4:41 pm عدل 1 مرات
موضوع: رد: شعب يخاف ميختشيش... بقلمى !!!! الأربعاء 26 أكتوبر 2011, 3:08 pm
LaMyS كتب:
أدعو الله أن يكن مع الشعب المصري
ويمر بنا من هذه المرحله
ويبعد عنا أصحاب
البحث عن المصالح الشخصية
أدعو الله أن يفكر كل مواطن في مصر بدلا أن يفكر في نفسه
أدعو الله أن نتغير لنغير بلادنا عن حق
نقاش جيد ليلى
ارجو التفاعل من الجميع
لك خالص تحياتي
اضم صوتى الى صوتك حبيبتى ... لطالما تمنيت ذلك انا ايضا ... ولم يكن كتاباتى لهذا الموضوع الا بهدف ان يتحقق ما تمنيت ... وان نعلم جميعا ان مصر تستحق منا ان نحافظ عليها اكثر من انفسنا ... سعيدة برأيك الجميل واستحسانك لما قدمت ... وايضا ارجو التفاعل من الجميع وليوضح كلا منا وجهة نظره .. تسلمى على مداخلتك الرائعه ... ليلى المسلمه ................................
موضوع: رد: شعب يخاف ميختشيش... بقلمى !!!! الخميس 27 أكتوبر 2011, 5:02 pm
بصوا ياجماعه ..
دى بعض الاراء ووجهات النظر الاخرى الى جاتلى عن الموضوع ..
وعلى فكرة كلهم اشخاص معرفهاش ...بس كلهم مصريين ...
فيه منهم الى فسر الكلام على هواه وفيه منهم الى فهم وجهة نظرى ووضحها اكتر ..
نشوف الاراء ..
.................................
رهيب لدرجة انى عايزة اطبعه وانشره فى الشارع الناس كلها تقراه .............................
فعلا معظم الشعب المصري كدا أنا الحمد لله مش بعمل كدا أنا بعمل كل حاجة لوجه الله مليش دعوة بحد لإني بحترم نفسي لنفسي مش للعصا ..........................
اسلوب العقاب لية حدود المهم انة يطبق صح وكمان الثواب مشكلتنا اننا لما بنعقاب بنعاقب بشكل مبرح ودة كان نظام الحكومة السابق عقاب يدفع للظلم ونتيجتة بتكون خلق انسان فعلا بيخاف م العصا لكن لو اصبح العقاب عادل وتربوى فى كل حاجة فى حياتنا الناس مش هتخاف م العقاب وهتمشى بما يرضى الله الناس ساعتها هتبقى عايزة الثواب والعقاب عشان هتشوف جواهم العدل بجد دا راى موضوعك جميل وفىة حاجات كتيرة صح بس دة لانها اتراكمت فينا واصبحت جوانا والاسلوب كان م البداية غلط ..............................
هو الموضوع جميل بس برده الشرطة كانت بتعذب المواطنين بحق ومن غير حق انا معاكي ان بعد الثورة الامن والامان قل بل قد يكون اختفي اساسا وكل الخناقات دلوقتي بالاسحة النارية احنا في حته قريبة مننا واحد كان بيتخانق مع واحد تاني وقام التاني بكل بساطة طلع مسدس وقتله
بس في الاخر ربنا يستر علينا ويعدينا من المرحلة دي علي خير .......................................
حلو جداااااااااااااااااااااااااااا زى ما قومنا بثورة عظيمة لازم نكملها بنفسنا وبعدين كل مجال كان فيه الحلو والوحش ليه زكرتو الظباط اللى ضربو ونسيتو الظابط اللى مات وهو بيحمى واحدة من الاغتصاب ولا اللى مات وهو بيظبط مهربين ولا ارهابيين لا يا جماعة نقول دى ونقول دى وفعلا انا حاليا حتى مبعرفش امشى الشارع كل واحد خيبلى عربية وعامل موقف فاى حتة اسواق الخضار فتحت قدام المستشفيات المتسولين ف كل مكان سواقين التاكسى بقوا بيمصو دم الناس لمجرد ان الدنيا زحمة او فى غلاء للاسعار كل دة لازم نراجعه مع نفسنا ونبقى احنا الصح منستناش عقاب لانه هيرجعلنا احنا ولبلدنا مش لحد تانى ............................................
جميل والله فعلا فى خطأ نفسى فى تربيتنا نظرا للنظام ..................................
كلامك صح فعلا ناس كتير بتغلط و بتكسر كل القوانين بس كل ده كان برضو بسبب النظام اللي خلانا نتربى كده هما اللي عودونا نتعامل بالجزمه يعني لو خصصنا الموضوع شويه وصغرناه يعني احنا فالبيت عندنا واحنا صغيرين كان بابا عشان نذاكر كان بيضربنا و بيزعقلنا و بيحرمنا من الخروج اه ده كان بدافع اننا نطلع متفوقين لكن كنا بنكره المذاكره و التفوق بسبب طريقته كان وقت ما بيغيب عن البيت كنا بنعمل كل حاجه نفسنا فيها لو كنا في بلدنا اتعودنا نطبق القوانين عشان بنحب بلدنا كنا طبقناها صح المشكله مش فالشعب المشكله فاللي عود الشعب عالجزمه ....................................
تسلم ايدك ويسلم فمك هوده اللي بنقوله من ساعتها والله ..............................
والله فعلا كل كلامك صح ..............................
من ضمن الاسباب جهل الاهل فى تربية ابنائهم يعنى كانوا لما العيل يروح الامتحان يسألوة اللجنة كانت حلوة و لا وحشة ل حلوة يبقا غشوا و لو وحشة يبقا مغشوش معنى كدة ان الغش ارتبط بالحلاوؤة و الشطارة و الفهلوة و عشان كدة المهندس يغش فالمبانى و الدكتور بيغش و السواق يكسر اشارات المرور و كل الفوضى اللى انتى شيفاها بصراحة موضوعك رااااااااااااااااااااااااائع و طبعا التقييم ممتاااااااااز و لو فية فوق الممتاز كنت قيمتلك بية ................................
نفسى مصر تبقى احسن بلد بجد اللى بيحصل فيها ده صعب جدا .........................
اه والف اه انتتى قولتى الكلام اللى الواحد بيهرب منه صح وللاسف احنا يابنتى حفرنا قناه السويس بالكرباك وكل حاجه ماشيه بنفس النظام الفوضوى دى .....................
حبيبتي انت صح بس لازم تكونى واثقه ان الشعب الى صنع الحضارة والعلم وربنا نصره في الثوره ديه مش كده الى كده هم فلول النظام البائد ان شاء الله والي مبيخافوش علي مصر حزب الكنبه مبيخفوش من السوءال والحساب يوم القيامة وعلي العموم كل ده علامات يوم القيامه والحمد لله علي نعمة الاسلام .................................
يعنى انا فهمت من كلام ان مفروض مهددش ابنى مثلا و اقوله لو مصلتش هضربك
يا اختى احنا بنمشى بكلام النبى
بنعلمه الصلاة من سن 7 سنين و نضربه من 10 لكن اكيد اكيد مش ضرب مبرح يعنى
و بعدين انتى قولتى ان الشرطة اه كانت و كانت بس هو دا اللى ماشى مع الشعب
اللى يمشى مع الشعب مش حتة امين شرطة لا راح و لا جه يضربه و يبهدله و قدام عينى واحد من الشرطة نزل سواق الميكروباص و فضل يلطش فيه بالاقلام تقدرى تقوليلى ايه العصا ف الموضوع دا ايه اللى استفاده صاحب الميكروباص غير انه اتهان ف الشارع و اتلطش
للاسف الشرطة عمرها مكانت بتستخدم العصا
دى كانت بتستخدم الساااااااطور
مش متفقة معاكى ف حاجات كتير ف كلامك
و خلى بالك سياسة الثواب و العقاب من اصول التربية
و دى مذكورة ف القرآن الكريم
زى ما مذكورة الجنة مذكورة النار .............................................
عارفه بجد بجد بقي نفسي العصا دي تجي تاني عشان نطمن علي نفسنا شويه أحسن إحنا كده ضايعين خاااااالص والمشاكل بجد بقت كتيره وكله بيدوس علي كله وكمان الإستغلال ع عينك ياتاجر.. .. م الآخر بقت هيصه !! ................................................
شكرا لسيادتك و لكن الامن لازم يكون بالخوف والخوف ده شئ اساسى اصلى فى حيوانات متنكره فى صوره بشر لازم يخافوا اكيد علشان يعمل الصح موضوع جميل شكرا ....................................
الارصف كلها بقت مليانة بالباعة ... اكشاك في كل ركن ركن صف تاني وتالت مخالف للصبح
لسه من اسبوع واحد متقلب ومسروق منه الموتوسكل بتاعه الساعة 3 الضهر !
ده ويعتبر الدنيا عندنا هادية بشكل كبير اصلاً
دلوقتي احنا بنتمنى يوم من ايام المحافظ اللى مشوه نبيل العزبي محافظ اسيوط
.......................................
العبد يقرع بالعصا والحر تكفيه المقاله
.........................
والله انا شايف ان كل واحد مسئول عن كلامه وبيتكلم عن نفسه وشكرا .........................
موضوع جميل وفيه جزء هام يختص بتربية النشء على الخوف وليس على حب العمل والاحساس بقيمة الفضيلة . فعلا ناقصين تربية على اسس ومعاير سليمة تعمق بداخل ابنائنا منذ الصغر القيم يا ريت نرى فى القريب العاجل مناهج توحد هويتنا وثقافتنا وتعيد الالتزام الى نفوس وضمائر ابنائنا مستقبل هذا الوطن شكرا لحضرتك على الموضوع .................................
موضوع مؤلم بجد وللاسف صحيح احنا فعلا شعب مبنجيش غير بالعصايا تقولى اية السبب اقلك الله اعلم ! يمكن اخدنا على كدة او يمكن احنا اصلا كدة او يمكن مش عارف ولا لاقى تفسير بعد الثورة وزعنا اوراق بنقول فيها مش هنرمى زبالة مش هندفع رشاوى والمصرى الصح يقول للغلط لاء وشعاراات كتير للاسف بدات ترجع ريمة لعادتها القديمة اتما هقول دة مش شكر فى النظام البائد الظالم ولا عمرى هقول ولا يوم من ايامة ولازم انتو كمان تامنو بكدة وتقولو كدة لان فى ناس تقلك والله ياعم ولا يوم من ايامة كنا مطمنين ورب الكعبة اكبر خطا بدل ما يعلمنا ازاى نحافظ على البلد ويحسنا على انها بتاعتنا ويحاول يزرع فينا الاهتمام بيها كان بيستخدم هذا الاسلوب الحقير فى تفذيعنا الثورة قامت وشالت نظام وحكم وسياسة ظالمة فاسدة انما احنا محتاجين ثورة اكبر بكتير محتاجين ثورة نفوس وعقول محتاجين ثورة اخلاق وضمير محتاجين ثورة وعى وتعمير فلنبدا بانفسنا اولا وصدق ربى حينما قال " ان الله لا يغير ما بقوم حتى يغيرو ما بانفسهم" عمرنا مهنتصلح غير لما ننضف من جوا غير لما نحب البلد بجد ونخلص ليها والحب والاخلاص مش بالكلام انما بالافعال بتحب بلدك بجد يبقا حافظ عليها خاف عليها بالفعل والعمل لا بمقولة :خدوهم بالصوت ليغلبوكم : وانا متفائل خيرا ان شاء الله فى الايام القادمة باذن الله ستكون افضل وسيعود الامن والامان افضل مما كان لان هذة طبيعة لاننا ما بعد ثورة وهذة المرحلة تطلب منا الاخاء والوحدة والحب والاستشعار بالوطن والمخاطرالمحاطة بة اما جاء وقت الوحدة والتماسك بعد؟؟!!
جزاك الله خيرا على الموضوع .....................................
لا تنسوا أننا نعيش فاصل تاريخي : بين الدولة قبل الثورة والدولة بعدها " زمن اللادولة " وهى فترة انفلات لاتنسوا العدد الكبير الذي يشكله الأميون فى مصر لا تنسوا الذين غادروا السجون وأخيراً لاتنسوا إننا لم نخض بعد امتحان الترم الأول / صف أول - ديمقراطية وما يحدث من تجاوزات أمر طبيعي .. بل ونسبته عندنا أقل منها في دول خاضت التجربة قبلنا لأن أكثرنا كشرقيين مرجعيتنا الدين الذي ينهى .. لا عصا الحارس و بندقية الشرطي مشكورة على الموضوع .. جزاكِ الله خيراً ................................
دى تعليقات البعض الى كانت مؤيدة ومعارضة حبيت اشارككم بيها
وواضحلكم وجهة نظرهم هم كمان ...
االحقيقه كانت في مشاركات قيمة جدا ووضحت وجهة نظرى جدا
خصوصا المشاركتين قبل الاخريتين ...
حبوا مصر وحافظا عليها عشان هى تستاهل مننا اننا نحبها ونحميها ونحافظ عليها بجد ...
وربوا ولادكوا على حب بلادهم وحمايتها والمحافظة عليها ...
وربنا يحميلنا مصر والمصريين ... .ليلى المسلمه ............................
موضوع: رد: شعب يخاف ميختشيش... بقلمى !!!! الجمعة 28 أكتوبر 2011, 11:35 am
اولا تسلم ايدك ليلى
ثانيا مفيس مانع انا الواحد يبدا اى احاجه بدافع معين حتى لو كان الخوف ياعنى لو الواحد هيبدا بالخوف وهتلاقيه من تلقاء نفسه بيعملها اه برده من الخوف بس لما يكبر هيفكر هو بيعمل كده ليه هيلاقى السبب الى كان بيدفعه انتهى وهيبدا يفكر فى فى الحاجه نفسها وهو ده اهم حاجه بوجود حافز حتى برده لو كان الخوف
الخوف هنا دفعك لعمل عاده اتعودتى عليها صحيح بس برده دفعك للتفكير فيها وده اهم
نيجى بقى للنظام السابق هو كان بيدفعنا اه للخوف علسان نعمل الحاجه ده اكيد برده بس ده كان هدفه الاساسى ى على اخطاءه الكتير او الاحسن سرقاته ونهبه الكتير
فكان لازم يخوف السعب باى حاجه حتى لو كانت غلط لازم تعمليها وخلاص
موضوع: رد: شعب يخاف ميختشيش... بقلمى !!!! الجمعة 28 أكتوبر 2011, 4:57 pm
**هزيم الرعد** كتب:
اولا تسلم ايدك ليلى
ثانيا مفيس مانع انا الواحد يبدا اى احاجه بدافع معين حتى لو كان الخوف ياعنى لو الواحد هيبدا بالخوف وهتلاقيه من تلقاء نفسه بيعملها اه برده من الخوف بس لما يكبر هيفكر هو بيعمل كده ليه هيلاقى السبب الى كان بيدفعه انتهى وهيبدا يفكر فى فى الحاجه نفسها وهو ده اهم حاجه بوجود حافز حتى برده لو كان الخوف
الخوف هنا دفعك لعمل عاده اتعودتى عليها صحيح بس برده دفعك للتفكير فيها وده اهم
نيجى بقى للنظام السابق هو كان بيدفعنا اه للخوف علسان نعمل الحاجه ده اكيد برده بس ده كان هدفه الاساسى ى على اخطاءه الكتير او الاحسن سرقاته ونهبه الكتير
فكان لازم يخوف السعب باى حاجه حتى لو كانت غلط لازم تعمليها وخلاص
اكيد هزيم كلامك مظبوط ... على فكرة دافع الخوف نفسه ممكن يولد مننا حاجات كتير كويسه ... بس الى حصل معانا اننا الخوف من العقاب خلانا منعملش الغلط اه ... بس زى مانت قولت كدا مفكرناش فيه ... دون تفكير وفهم للى بنعمله ... وزى ماانت قولت دا الاهم ... اسمحلى هزيم اجيب الجملة الى انت كتبتها دى تانى عشان عجبتنى جدا .. ( الخوف هنا دفعك لعمل عاده اتعودتى عليها صحيح بس برده دفعك للتفكير فيها وده اهم ).. مشكلتنا بقى اننا مش مش بنفكر ومش بنحاول نفهم .. وعشان كدا تجرأنا على الخطأ عندما زال الخوف ... لاننا لم نفكر ونفهم يوما وبالتاكيد لم نجد من يفهمنا ..ان ما نفعله صواب اما خطأ .. نستمر عليه اما نتركه ... ومعك فى كلامك عن النظام البائد بكل تأكيد .. عطرت صفحتى بمرورك الجميل على الموضوع ومشاركتك هزيم .. سلمت .. ليلى المسلمه ...............................
موضوع: رد: شعب يخاف ميختشيش... بقلمى !!!! الأحد 30 أكتوبر 2011, 7:07 pm
موضوع جميل وكلام واقع
ولكن ليس الكل يفعل الصواب خوفا
مش الخوف بس الى بيخلينا نعمل الصح الموضوع موضوع ضمير وبكل بساطة شعب نسى معنى الضمير لذلك يفعل
الصواب خوفا والا فلن يفعله ابدا وكما قلتى شعب يخاف ولا يستحى واذا حدث الحرية كما فى عقول بعد الاشخاص
الثورة قامت وشالت نظام وحكم وسياسة ظالمة فاسدة انما احنا محتاجين ثورة اكبر بكتير محتاجين ثورة نفوس وعقول محتاجين ثورة اخلاق وضمير محتاجين ثورة وعى وتعمير فلنبدا بانفسنا اولا وصدق ربى حينما قال " ان الله لا يغير ما بقوم حتى يغيرو ما بانفسهم" عمرنا مهنتصلح غير لما ننضف من جوا غير لما نحب البلد بجد ونخلص ليها والحب والاخلاص مش بالكلام انما بالافعال بتحب بلدك بجد يبقا حافظ عليها خاف عليها بالفعل والعمل لا بمقولة :خدوهم بالصوت ليغلبوكم
العبد يقرع بالعصا......... والحر تكفيه المقاله
انا مــــــــــــــع هذه الاراء
لو بجد كل واحد فينا يغير من نفسه ويبص لي نفسه قبل ما ينتقد غيروه
ونحب اليلد ديه ونعمل علي الرقي بيها علشان تكون في احسن حال
ونربي ولادنا علي حب بلدهم والانتماء ليها
ونقف ايد واحده ضد الفساد والبلطجه والرشاوي والوسايط
اكيـــــــــد هنكون افضل
طرح راقي ليلي
يسلمووووو يا جميل
عدل سابقا من قبل الاميره سلمي في الإثنين 31 أكتوبر 2011, 2:05 am عدل 1 مرات
موضوع: رد: شعب يخاف ميختشيش... بقلمى !!!! الثلاثاء 01 نوفمبر 2011, 1:45 pm
الاميره سلمي كتب:
موضوع جميل وكلام واقع
ولكن ليس الكل يفعل الصواب خوفا
مش الخوف بس الى بيخلينا نعمل الصح الموضوع موضوع ضمير وبكل بساطة شعب نسى معنى الضمير لذلك يفعل
الصواب خوفا والا فلن يفعله ابدا وكما قلتى شعب يخاف ولا يستحى واذا حدث الحرية كما فى عقول بعد الاشخاص
الثورة قامت وشالت نظام وحكم وسياسة ظالمة فاسدة انما احنا محتاجين ثورة اكبر بكتير محتاجين ثورة نفوس وعقول محتاجين ثورة اخلاق وضمير محتاجين ثورة وعى وتعمير فلنبدا بانفسنا اولا وصدق ربى حينما قال " ان الله لا يغير ما بقوم حتى يغيرو ما بانفسهم" عمرنا مهنتصلح غير لما ننضف من جوا غير لما نحب البلد بجد ونخلص ليها والحب والاخلاص مش بالكلام انما بالافعال بتحب بلدك بجد يبقا حافظ عليها خاف عليها بالفعل والعمل لا بمقولة :خدوهم بالصوت ليغلبوكم
العبد يقرع بالعصا......... والحر تكفيه المقاله
انا مــــــــــــــع هذه الاراء
لو بجد كل واحد فينا يغير من نفسه ويبص لي نفسه قبل ما ينتقد غيروه
ونحب اليلد ديه ونعمل علي الرقي بيها علشان تكون في احسن حال
ونربي ولادنا علي حب بلدهم والانتماء ليها
ونقف ايد واحده ضد الفساد والبلطجه والرشاوي والوسايط
اكيـــــــــد هنكون افضل
طرح راقي ليلي
يسلمووووو يا جميل
الله عليكى ياسلومى ... انا مع هذه الاراء ايضا ومع رأيك الذى لا يقل جمالا عن هذه الاراء بشدة ... اتمنى ان يفعل الجميع مثلما قلتى ... اتمنى ان ارى هذه الصورة فى مجتمعنا من اجل بلدنا .. مشاركة رااائعه سلمى ...اسعدتنى كثيرا ... نورتى ياحبيبتى بمشاركتك المثمرة ... ليلى المسلمه ......................................................
موضوع: رد: شعب يخاف ميختشيش... بقلمى !!!! الثلاثاء 01 نوفمبر 2011, 1:52 pm
**ياسمين** كتب:
الشعب مش كل واحد فى الاسلوب والتربيه
يعنى زى ما فى ناس كانت خايفه من العصا زى ما قولتى وان مفيش عقاب واستغلت الثوره فى الفوضى والبلطجه
كان فى ناس بتحافظ على البلد وخايفه عليها وعلى اهلها وكان نفسهما ان الثوره تقوم للتغير والامان وكانوا بيعملوا ده عشان الصح مش خوف من اى حاجه
تسلمى ليلى على الطرح الاكثر من رائع ومواضيعك المميزه دائما
جانب اخر ياسمين لا يمكن انكاره ... كما انه لا يمكن اغفاله ... لكن قد يكون السوء كان اكثر لهذا اثار انتباهنا اكثر .. او ربما لاننا نريد ان نصحح اخطائنا بما انها ثورة ... فاصبحنا نحاول ان نراها ونعرفها جيدا ونعترف بها لنتغلب عليها ... فقط نريد تغيير لكل شىء وندرك عيوبنا ونعمل على اصلاحها ... لا ان ننظر فقط الى الجانب الجميل ونكتفى به .. لكن يجب ان نعلم ان هناك جوانب اخرى سيئة يتوجب اصلاحها .. وهذا ما دعوت اليه ... اسعدنى مرورك ومشاركتك حبيبتى ... دومتى بكل الخير ... ليلى المسلمه ................
موضوع: رد: شعب يخاف ميختشيش... بقلمى !!!! الثلاثاء 01 نوفمبر 2011, 2:04 pm
عاشق مصر كتب:
موضوع رائع بس انا اعتقد ان بالصبر والعمل الجماعى كل شئ هيتصلح وهنتوصل للنتيجه الحقيقيه للثوره
اكييييييييد عاشق مصر ... دا حل من الحلول ... وجميل ان قرنت الصبر بالعمل ... لان متهيالى ايا منهم وحده لن يجدى دون الاخر ... جميلة مشاركتك عاشق مصر .. نورت الموضوع بمرورك الجميل ... ليلى المسلمه ..........