موضوع: نصائح قبل الخطوبه مهمه عشان ميضحكش عليكي ههههههههه الأربعاء 18 يونيو 2008, 6:57 pm
معاد خطوبتك قرّب وخلاص كلها كام يوم وتنزلي تشتري الشبكة؟..
نفسك حد يساعدك؟ ويقولك على إيه الجديد في موضة الشبكة؟ وخصوصا موضة الدبل؛ لأن مفيش وقت إنك تنزلي وتلفي وتشوفي في المحلات إيه اللي نازل جديد..
تعالى اتفرجى معايا
بس قبل ماتشوفوا الموضه تعالوا اسمعوا النصحتين دول الاول
النصيحة الأولى اتفقي مع خطيبك
يا ريت تقعدي مع خطيبك في اليوم اللي قبل ما تنزلوا تشتروا الشبكة، وتتكلمي معاه براحة وبهدوء شديد جدًّا..
وتسأليه -مثلاً- عن المبلغ اللي هو مستعد بيه للشبكة علشان لما تروحي تختاري تبقي تختاري في حدود المبلغ ده، ودي حاجة مش عيب، واوعي تزعلي لو قال لك على مبلغ بسيط؛ لأن الشبكة دي حاجة رمزية، وبكرة -إن شاء الله- يجيب لك حاجات تانية أحسن.
يا ريت برضه تتكلمي معاه، وتقولي له: إن دي حاجة بتاعتكم إنتم الاتنين، ولازم إنتم الاتنين تختاروها على ذوقكم مش على ذوق أي حد تاني، واطلبي منه إنه يفهّم "مامته" النقطة دي، وأنت كمان فهّمي "مامتك" النقطة دي.
النصيحة التانية خليكِ ذوق
وإنتم في المحل اسأليه باستمرار إذا كان ده مناسب ولا لأ.. واحترمي اختياره وذوقه حتى لو اختار حاجة مش عجباكِ، حاولي ماتبينيش ده بشكل مباشر، وقولي له: الله.. حلو قوووي ذوقك، بس إيه رأيك في ده؟ أعتقد إنه أحلى!!!!
بس يا ستي.. دي كانت النصائح، وتعالي بقى نتعرف على الموضة
بالنسبة للدبلة
وخدي بالك.. إنك بعد ما تختاري الدبلة تطلبي من الصايغ إنه يحفر عليها مثلاً أول حرف من اسمك، وأول حرف من اسم خطيبك، أو تاريخ الخطوبة أو تاريخ أول لقاء، وفيه حاجة تانية طالعة جديد، وهي إنك تكتبي على الدبل كلمة حب مثل "...To My Love". وتكتبي اسمه..
وعلى فكرة ممكن إن خطيبك يختار دبلته بنفس الشكل بتاع الدبلة بتاعتك.
الدبلة الماسية
والدبلة الماسية أو "المحبس" زي ما فيه ناس كتير بتقول عليه هو الإطار اللي بيحيط بالدبلة، وفيه منه أشكال كتير، علشان كده لازم تبقي ذكية، وتختاريه مناسب للدبلة، بحيث يبان هو والدبلة كأنهم شيء واحد..
فمثلاً
لو اختارتي دبلة دهب أصفر خالص يبقى لازم المحبس يكون دهب أصفر.
لكن لو الدبلة دهب أبيض يبقى اختاري المحبس هو كمان دهب أبيض، وابعدي نهائي عن الدهب الأصفر.
لو الدبلة دهب أصفر في أبيض يبقى في الحالة دي عندك حرية في الاختيار إنك تختاريه أصفر أو أبيض..
وخدي بالك كمان إن لو الدبلة عريضة يبقى يا ريت إنك تختاري المحبس رفيع، والعكس طبعًا لو الدبلة رفيعة يبقى اختاري المحبس عريض..
باقي الشبكة يا قمر
بالنسبة لباقي الشبكة فاختيارها بيرجع ليكي إنت، ولذوقك الشخصي وإمكانيتك المادية، فممكن إنك تختاريها عبارة عن
توينز:
وبيبقى عبارة عن الدبلة الماسية "المحبس" والخاتم بيكون بفص ماس ¼ قيراط، وعلى فكرة الماس فيه منه ألوان، فبجانب اللون الشفاف التقليدي برضه فيه ألوان تانية زي الوردي، الأصفر، الأزرق، البنفسجي، وكمان الفص فيه منه أشكال كتير زي المثلث، والمربع، والبيضاوي، والمستطيل..
وعلى فكرة تَمَن الماس بيحدده مقاييس محددة زي النقاء، طريقة القطع، اللون والقيراط.
طقم دهب كامل:
كمان ممكن إنك تختاري الشبكة عبارة عن طقم دهب كامل سواء دهب أبيض أو أصفر ..
توفّقي طقم:
وممكن إنك تختاري إنسيال وسلسلة وخاتم وحلق يكون شكلهم مناسب لبعض بحيث إنهم يبانوا كأنهم طقم واحد.
ياريت كل واحد يخش الموضوع يختار دبله ويحطها فى الرد بتاعه
وقبل ما ننهي كلامنا بنقول لكل البنات اللي على وش خطوبة أو زفاف: ألف مبروك، وعقبال باقي البنات..
موضوع: رد: نصائح قبل الخطوبه مهمه عشان ميضحكش عليكي ههههههههه الجمعة 20 يونيو 2008, 10:18 am
شدنى اوى عنوان الموضوع يا سمسم كمان عجبتنى النصايح اللى فى الاول خاصة الجزء بتاع ان لازم يكون فيه تفاهم بين الاتنين وازاى تقول البت رأيها لخطيبها بذوق من غير ماتحسسه ان ذوقه واختياره معجبهاش والا الجزء بتاع مامته ومامتها ده كمان بيفكرنى بالافلام القديمة وفيلم الشقة من حق الزوجة بتاع ناظلة هههههههههههههههههههههههه
بجد نصايح حلوة وفى الجون فعلا لانها بتحصل..
وانا ياسيدى عجبتنى الدبل دى ..
والدبلة الماسية دى او زى مابيقولوا المحبس.. وحافظت انها تنفع مع الدبلة اهه "حسب النصايح"
موضوع: رد: نصائح قبل الخطوبه مهمه عشان ميضحكش عليكي ههههههههه الإثنين 02 أغسطس 2010, 12:39 am
مجهود اكثر من رائع تسلم الايادى الى رفعتو والانامل الى كتبتو مقدرش اقول غير مجهود مميز من عضو مميز وفى انتظار مواضيعك القادمة وفى تقدم مستمر ان شاء الله تقبل مرورى ***الصـLEGENDARYـاعـق***
موضوع: نصائح قبل الخطوبه مهمه عشان ميضحكش عليكي ههههههههه 
الأربعاء 18 يونيو 2008, 6:57 pm
***الصـLEGENDARYـاعـق***
