موضوع: الدجاج المشوي مع سلطه فرنسيه ......!!!!!!! السبت 14 يونيو 2008, 7:27 pm
[ دجاج مشوي بالفرن مع سلطه فرنسيه ورز ابيض وشطة معموله بالبيت شوفوا الصور بعدين طريقة كل طبق
اول شيء الدجاج المشوي وتتبيله للدجاج تخلي الدجاج قمه في الطعامه واللذه وهي عباره عن (كزبره خضراء مقطعه تقريبا نصف كاس + ثوم مفروم + نصف بصله مفرومه او مبشوره + زيت زيتون تقريبا فنجال شاهي او زيت عادي + بهارات انا احط مهران كاري شوي بالاضافه الى الكمون والفلفل الاسود + ملح + نصف ملعقه صغيره صلصه +ليمونه معصور ه + ملعقه صغيره زعتر بري (اوريغانو) وملعقه صغيره ريحان (بيزل) والاثنين يعطوا طعم ونكهه شئ خيالي )
هذي التتبله رووووعه ممكن تستخدميها مع كثير وصفات في تتبيل الدجاج او السمك المشوي
نتبل الدجاج كامله بدون منشقها من النصف ونحضر بطاطس صغار بحجم الاصبع الصغيره نقشره ونحشي الدجاجه من جوا تقريبا خمس حبات وكثرت تتبيله من جوا وحطيت الدجاجه في صينيه مفروشه قصدير وطولته عشان اغطيها من فوق وفرشت تحت الدجاجه حلقات بصل وفلفل رومي وحطيت على جوانب الدجاجه باقي كمية البطاطس وكبيت في الصحن كاس ماء وكذا انتهينا وغطيت القصدير باحكام عشان تنكتم مظبوط ودخلتها الفرن لمدة ساعه وشغلت عليها من تحت وفي الخمس دقايق الاخيره فتحت القصدير وحمرتها من فوق وهذي صورتها
وبعدين سويت سلطه فرنسيه ( اموت على هالسلطه لذيذه وكل ماطولت بالثلاجه طلعت احلى )
وطريقتها سهله
المقادير : حبه فلفل رومي مقطعه مكعبات صغيره ممكن تحطي الوان تطلع احلى في الشكل حبه خيار او حبتين على حسب الحجم برضوه مقطعه مكعبات صغيره شوي بقونس مقطع صغير تقريبا نصف الكاس حبه خس مقطعه ذره معلبه + فاصوليا حمراء معلبه طبعا تغسليها زين وماتكثري يعني نصف العلبه تكفي هالكميه مكرونه مسلوقه